| Nummer:hjk002 | Datum:23 maart 1412 | Overlevering:Afschrift | Vindplaats:Arch. Hoge Justitiekamer, inv.nr. 2334, reg. 002 |
Wij Borgemestere Raed ende hoevetmans in Groningen
ende gemene rechters van Honseghe land van Fij
velghe land ende van den menen Ummelanden
doen kundich allen lueden mit dezen openen breve
dat daer hevet gewesen ein schelinghe tusschen de
sylvesten van den Rijt zylen van Delfzylen claghers
an de ene zijt Ende de drij karspelen als Schiltwolde
Hellum unde Sijdburen daer de clage op ghinc an
de ander zijt als van der zake weghen dat sich de
voescr. zylvesten bekroenden ende clagheden dat de
vorscr. drij karspele mit horen lande medewateren
dor de Rijt zilen in de Delve ende dat sie daer noch werk
noch schot noch gheenrehande vollest to en doen
noch ne to gedaen en hebben daer hem dochte datse
hem groed onrecht an deden daer de van den Drijer
kerspelen vorscr. weder op antworden dat se mijt rechte
doer Rijt gewaterd hadden rostelike ende vredeliken
langher dan hondert jaer ende daer tho langher lan-
gher dan eman denken mochte ende en hadden
daer ne schot of schulde to ghegheven off werk
to ghedaen noch schuldich weren to doene mijt
meer woerden ende begherden des rechtes bij ons to
bliven an beijden zyden ende gheven ons daer op over claghe
ende antworde van beyden zyden Ende want wy claghe
ende antworde van den beyden partijen ontfangen ende ver-
staen hebben ende se des an beyden zijden rechtes van
ons begherd hebben so hebben wy ons daer op beraden
ende hebben de saken umme ghekeerd myt gueder
wysen gheleerden luden ende hebben de sake ghewe-
ghen na woerden ende na weder woerden glewijze
ende hebben nijet vor ons ghenomen ghelik enes me-
negherleije inbrenghens mer de waerheijt ende beschreven
recht als daer geschreven staed in Capitulo cum olim de
casu possessionis proprietate res inter alios acta aliis perjudica
ri non debet. Ende hebben ijn gesien dat rechte dat de
pawes geset hevet ende de keyser de praescriptionibus
ende de waerheijt dezer sake nabewyze ende na alre
herkomst Ende hebben to Groningen op den raedhues
in des menes landes warve to rechte geseten
God ende recht vor oghen to hebben ende deze sake mijt
rechte to scheden Ende hebben vor recht geseght ende
gedomet dat de van Schiltwolde, Hellum ende Sid-
buren vry und werdich sullen wezen werkes ende schotes
van den Ryt zylen to Delfzilen als zie to desen
daghen gewezen hebben ende zullen bruken den water
ganck ijn den Delve ende Rijt den zilen rusteliken
ende vredeliken tot ewighen daghen als se den to dessen
daghe to ghehad hebben Ende leggen den zylvesten
van Delfzylen vorscr. in een ewich zwijgen van der
vorscr. ansprake ende claghe Ehde des zullen de drij kerspel
le vorscr. hore nije besittinghe waer maken mijt ses
ende dartich eden van elken kerspele tweleff man
de oldesten ende de besten van elken kerspele den
eed en recht to done. Voerdmer want de dre zyl-
vesten van den dren Rijt zilen van Delfzilen ons
hebben geclaghet nood zaken van ghebreke van
luden ende gudes ende dat daer alrede een zijl ge-
dammet ende vergaen is van den Rijt zilen dat Slochte
zijl gheheten is daer dese dre kerspele vorscr. pleghen
mede uijt to wateren ende dat se den zijl niet weder
maken en konnen by hem selven de to den zyle horen
Hijr omme so hebben wy an gesien de schriften noed-
saken der lande en dat ghemene orbaer der luede
want daer geschreven staed in den evangelio en in
ff in C. ad rem adimendis legatis ubi necessitas ibi
nulla libertas dat is geseghet waer noed is daer
en is ghene vryheijt Umme de waerheyt hijr
van to weten so segghen wij dat de zylvestene
van den ghedammeden ende vryhaven zyle de ghe-
heten is Slochter zylvestene zijl sullen de noedzaken
waer maken myt twelef eden guder mannen van
gueden geruchte ende eghen ervet. Ende de zullen dat
zweren ende dat recht overbrenghen in Groninghen des
maendaghes na Jubilate Ende wanneer de twelef
man dat recht ghedaen hebben zo sullen de dre
kerspellueden vorscr. brecliken zyl helpen weder to
maken ende vollest doen toden holte ende yser den
zylvestene dat se al rede hebben mit warcke ende
mit schote na belope gras bij graze acker by acker
gelyck den zylvestene. Ende de dre kerspele vorscr.
sullen setten zylrechteren na belope hores landes ende
de sullen werk ende schot mede besorghen to den zile
den men maken zal gelyck den anderen zylrechteren
na belope hores landes al wanter tijt dat de nije
zyl rede ende rennich is. Ende daer na zullen de dre
kerspele vorscr. ende hoere zylrechters vry wesen
van den vorscr. zile werkes ende schotes als se van
dezen daghe to ghewesen hebben. Ende worde daer
jenig weder sprake of twijdrachet in dessen vorscr.
zaken des zullen se an beyden zyden by ons bliven
Ende de dre kerspele vorscr. sullen hoer recht ock
leesten in Groninghen op den maendach na Jubilate
vorscr. Ende dyt vorscr. recht ende segghen stede ende
vast to holden ende to vollenbrenghen by ener pena
van dusent olden scilden tot onszen behoeff behalven
kost ende arbeijt de wy daer omme doen solden off
dit segghen gebroken worde. On argelist uijtgespro-
gesproken In orkunde der waerheijt beseghelt met
des Oester amptes van Honsegheland mit des
Halven amptes mijt der Merne ende mijt
Mijdagher amptes zeghelen daer ons anderen rech-
teren vorscr. to dusse tijt angenoghet. Ende ontbrake
een seghel of mer van den vorscr. seghelen an dessen
breve de breeff sal allike vast wezen. Ghegheven
ende uijt gheseghet in den jaer ons heren dusent vijer
hondert ende twelve des wonsdaghes na den Soen
dach Judica.
ende gemene rechters van Honseghe land van Fij
velghe land ende van den menen Ummelanden
doen kundich allen lueden mit dezen openen breve
dat daer hevet gewesen ein schelinghe tusschen de
sylvesten van den Rijt zylen van Delfzylen claghers
an de ene zijt Ende de drij karspelen als Schiltwolde
Hellum unde Sijdburen daer de clage op ghinc an
de ander zijt als van der zake weghen dat sich de
voescr. zylvesten bekroenden ende clagheden dat de
vorscr. drij karspele mit horen lande medewateren
dor de Rijt zilen in de Delve ende dat sie daer noch werk
noch schot noch gheenrehande vollest to en doen
noch ne to gedaen en hebben daer hem dochte datse
hem groed onrecht an deden daer de van den Drijer
kerspelen vorscr. weder op antworden dat se mijt rechte
doer Rijt gewaterd hadden rostelike ende vredeliken
langher dan hondert jaer ende daer tho langher lan-
gher dan eman denken mochte ende en hadden
daer ne schot of schulde to ghegheven off werk
to ghedaen noch schuldich weren to doene mijt
meer woerden ende begherden des rechtes bij ons to
bliven an beijden zyden ende gheven ons daer op over claghe
ende antworde van beyden zyden Ende want wy claghe
ende antworde van den beyden partijen ontfangen ende ver-
staen hebben ende se des an beyden zijden rechtes van
ons begherd hebben so hebben wy ons daer op beraden
ende hebben de saken umme ghekeerd myt gueder
wysen gheleerden luden ende hebben de sake ghewe-
ghen na woerden ende na weder woerden glewijze
ende hebben nijet vor ons ghenomen ghelik enes me-
negherleije inbrenghens mer de waerheijt ende beschreven
recht als daer geschreven staed in Capitulo cum olim de
casu possessionis proprietate res inter alios acta aliis perjudica
ri non debet. Ende hebben ijn gesien dat rechte dat de
pawes geset hevet ende de keyser de praescriptionibus
ende de waerheijt dezer sake nabewyze ende na alre
herkomst Ende hebben to Groningen op den raedhues
in des menes landes warve to rechte geseten
God ende recht vor oghen to hebben ende deze sake mijt
rechte to scheden Ende hebben vor recht geseght ende
gedomet dat de van Schiltwolde, Hellum ende Sid-
buren vry und werdich sullen wezen werkes ende schotes
van den Ryt zylen to Delfzilen als zie to desen
daghen gewezen hebben ende zullen bruken den water
ganck ijn den Delve ende Rijt den zilen rusteliken
ende vredeliken tot ewighen daghen als se den to dessen
daghe to ghehad hebben Ende leggen den zylvesten
van Delfzylen vorscr. in een ewich zwijgen van der
vorscr. ansprake ende claghe Ehde des zullen de drij kerspel
le vorscr. hore nije besittinghe waer maken mijt ses
ende dartich eden van elken kerspele tweleff man
de oldesten ende de besten van elken kerspele den
eed en recht to done. Voerdmer want de dre zyl-
vesten van den dren Rijt zilen van Delfzilen ons
hebben geclaghet nood zaken van ghebreke van
luden ende gudes ende dat daer alrede een zijl ge-
dammet ende vergaen is van den Rijt zilen dat Slochte
zijl gheheten is daer dese dre kerspele vorscr. pleghen
mede uijt to wateren ende dat se den zijl niet weder
maken en konnen by hem selven de to den zyle horen
Hijr omme so hebben wy an gesien de schriften noed-
saken der lande en dat ghemene orbaer der luede
want daer geschreven staed in den evangelio en in
ff in C. ad rem adimendis legatis ubi necessitas ibi
nulla libertas dat is geseghet waer noed is daer
en is ghene vryheijt Umme de waerheyt hijr
van to weten so segghen wij dat de zylvestene
van den ghedammeden ende vryhaven zyle de ghe-
heten is Slochter zylvestene zijl sullen de noedzaken
waer maken myt twelef eden guder mannen van
gueden geruchte ende eghen ervet. Ende de zullen dat
zweren ende dat recht overbrenghen in Groninghen des
maendaghes na Jubilate Ende wanneer de twelef
man dat recht ghedaen hebben zo sullen de dre
kerspellueden vorscr. brecliken zyl helpen weder to
maken ende vollest doen toden holte ende yser den
zylvestene dat se al rede hebben mit warcke ende
mit schote na belope gras bij graze acker by acker
gelyck den zylvestene. Ende de dre kerspele vorscr.
sullen setten zylrechteren na belope hores landes ende
de sullen werk ende schot mede besorghen to den zile
den men maken zal gelyck den anderen zylrechteren
na belope hores landes al wanter tijt dat de nije
zyl rede ende rennich is. Ende daer na zullen de dre
kerspele vorscr. ende hoere zylrechters vry wesen
van den vorscr. zile werkes ende schotes als se van
dezen daghe to ghewesen hebben. Ende worde daer
jenig weder sprake of twijdrachet in dessen vorscr.
zaken des zullen se an beyden zyden by ons bliven
Ende de dre kerspele vorscr. sullen hoer recht ock
leesten in Groninghen op den maendach na Jubilate
vorscr. Ende dyt vorscr. recht ende segghen stede ende
vast to holden ende to vollenbrenghen by ener pena
van dusent olden scilden tot onszen behoeff behalven
kost ende arbeijt de wy daer omme doen solden off
dit segghen gebroken worde. On argelist uijtgespro-
gesproken In orkunde der waerheijt beseghelt met
des Oester amptes van Honsegheland mit des
Halven amptes mijt der Merne ende mijt
Mijdagher amptes zeghelen daer ons anderen rech-
teren vorscr. to dusse tijt angenoghet. Ende ontbrake
een seghel of mer van den vorscr. seghelen an dessen
breve de breeff sal allike vast wezen. Ghegheven
ende uijt gheseghet in den jaer ons heren dusent vijer
hondert ende twelve des wonsdaghes na den Soen
dach Judica.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 2334 |
| Regestnr. | 002 |
| Register Feith | 1412.006 |
| Jaar | 1412 |
| Datumcode | EpJudica |