Nederlands (NL)  German (DE)
Nummer:han094 Datum:18 aug. 1557 Overlevering:Origineel Vindplaats:H.A. Nienoord, inv.nr. 94

Koopbrief, waarbij Roeleff Jacobs verkoopt aan Christoffer van Ewsum en echtg. de helftvan vier mat hooiland, gelegen onder Marum tusschen den Balkweg en de Broeksloot, nog viermat aan den Lijkweg, verder nog landen op de Hoge maeden, aan de Ipingehorn enz.

Bron Recto Dorso Vertaling Relatie Zegels Materiaal Literatuur Index N.B.
Wij borghermesteren ende raedt yn Groeninghen betueghen myt desen openen breve dat voer uns ys ghekomen
Roloff Jacobs ende bekande voer hem ende sijnen arffgenamen dat he hefft verkofft, upgedragen ende overgegeven,
droech up ende gaff over, yn cracht deses breves den ernthfesten, erbaren ende vroemen juncker Christoffer
van Rasqwert ende van Jennelt, vrow Grete van Witmunde, Eesens ende Rasqwert, sijn huesfre. ende hoeren
arffg. In den eersten de helffte van veer mannemath maetlandes daer Popke Jacobs, Roloffs vors. broeder,
de ander helffte unvorscheyden van thobehoert, gheleghen under de klocke tho Marum, up de westersijdt van
den Balckwech, daer Hemme Hemmens myt sijn broeders up 't oesten, Roloff Bruens up 't zueden ende de patroen
tho Marum up 't noerden naest an geswettet synt ende de Broecksloet up 't westen vorbij langes strecket. Bet de
helffte van veer mannemath maethlandes daer Popke vors. oeck de helffte unvorscheyden van thobehoert,
oeck tho Marum gelegen in de Busschen streckende myt dat suederende an den lijckwech ende myt dat noer-
derende an dat heytlanth, daer de pastorie up 't oesten ende juncker Christoffer vorg. selven up 't westen
naest an gheswettet synt. Noch de helffte van dre mannemath maethlandes, daer Popke upgemeldt de ander
helffte van thobehoert, unverscheyden gelegen up de Hoghe maeden, daer zaelighe Lubbe Renckema arffg.
up 't oesten, Thonnys Hinricks up 't zueden, de pastorie tho Marum sampt Roloff vors. myt sijn broeder up 't westen
ende juncker Christoffer myt Popke upgemeldt up 't noerden naest an gelandet synt. Bet de helffte van soeven
mannemath maethlandes, daer Popke vorg. oeck de ander helffte van thobehoert, ghelegen up de noerder-
sijdt der drie mannemath, daer Roloff ende sijn broeder op der oestersijdt tot dat noerderende ende de upghe-
melte juncker myt Popke tot dat zuederende angelandet synt. Bet de helffte van vijff mannemath
maethlandes bij Zeethues geleghen, daer Popke vors. oeck de ander helffte unvorscheyden van thobehoerth,
streckende suetwert an den Ryth an des jonckeren vors. lanth ende noertwerth an den wech daer de junc-
ker ende Popke vorg. up 't oesten ende Roloff vors. myt sijn broeder up 't westen naest an gelandet synt. Ende ten
laetsen noch de helffte van achte corte vall landes, daer oeck Popke vorg. de ander helffte unvorscheyden
van thobehoert, gelegen up Noertwijcker gast bij de oestersijth van Ipinge horne, daer Iwema up de noer-
dersijth ende tho dat oesterende ende Themen tho Noertwijck tot dat westerende naest an geswettet synt, ende
Broecksloeth up de suedersijdt vorbij langes strecket. Dese vors. landen, soe groet ende kleen de geleghen
synt, vrij ende quyt arfflijken ende ewelijken tho brueken, besitten ende yn alles hoeren vrijen willen
daermede t'doen ende vrij arfflijken tho waeren, voer ene summe gheldes de Roloff vorg. bekande
dat hem vull ende all ys betaelt. Sunder arghelist. Dat orkunde wij myt unsen stadtszegell. Ghe-
geven in den jaeren uns Heren dusent vijffhundert soevenendevijfftich, den achtynden dach augusti,
doe Reyndt Alberda, Albert Jarges, Uffko Uffkens ende Albert Coenrades, borgermesteren weren uns
stadt.
Recto:
x
x
Archief Groninger Archieven
Fonds H.A. Nienoord
Toegangsnummer 626
Inventarisnr. 94
Jaar 1557
Datumcode 1808
x
x
Commentaar met het uithangend zegel der stad Groningen
x
Materiaal perkament