| Nummer:han001 | Datum:3 aug. 1437 | Overlevering:Origineel | Vindplaats:H.A. Nienoord, inv.nr. 1 |
Hiddo Schelcama verwisselt zijn deel van Lyudamaheert op Breede tegen 13 jukken lands van Aylkamaheert van Alrick Aylkama te Rasquert en Aylseke, Hiddo's moeder, waarbij Hiddo een ander deel van Lyudamaheert, dat hij heeft gekocht van Aebele ten Dyck en Wicbold Ryppkama, verwisselt tegen even veel land in Rasquerder hamrik of Tinallinger hamrik van Alrick.
Ick Hiddo Schelcama bekenne ende betughe myt dessen openen brieve dat ick myt vrijen willen end myt gueden voerberade hebbe
overghegheven ende oppghedraghen Alrick Aylkama to Ryaswert ende Aylseken, mijnre moder, mijn deel van Lyudama heerth opp der
Breerd voer derteyn juke lands van Aylkama heert off drye hondert arnem. gulden na inholdinge der brieffs den ick
van Alrick ende van Aylsken, mijnre moeder, ontfanghen heb. Welke xiii juke landen off dryehondert arnem. gulden Alrick vors.
sal betalen van sijn sunderlinge gued ende dan sal dat vors. deel van Lyudama heerth na moder Aylsken doet Alrick vors. allene
tobehoren to bruken ende anders to doen na sijnen willen, ewelick ende erfflick. Voertmeer so heb ick Hyddo vors. oppghedragen
end overghegeven Alrick vors. dat ander deel van Lyudama heerth dat ick inghelosset hebbe van Aebelen ten Dijck ende Wicbolde
Ryppkama in allen manyeren als ick 't ghecofft hebbe nae uutwijsinghe eens brieffs den ick van Abelen ende Wicbolt ontfangen
hebbe, welk deel Alrick vors. sal vervullen myt effenveel land in Ryaswerthera hamrick off Ynaldinghera hamrick als der vercoft is
to Gernwerth van Aylsken sunderling land en dat van den lande dat Alrick besunderlinge tohoert. Ende wer 't sake dat
dat nyet ende gheschied eer dat Aylske, mijn moder, afflivich worde, so sal Lyudama heerth to deelschapp vallen opp
Aylsken erfghenamen. In orkunde der warheyt want ick Hidde vors. selff gheen seghel en bruke, soe heb ick ghebeden
meyster Henrick, den persoen to Bafftlo, dessen brieff over mij to beseghelen. Ende ick Henricus, persona vors., heb mijn seghel
om Hiddens bede wille beneden an dessen brieff ghehanghen. Ghegheven in 't jaer onss heren dusent vierhonderth ende
sovenendertich, ipso die Invencionis Sancti Sthephani prothomartiris.
overghegheven ende oppghedraghen Alrick Aylkama to Ryaswert ende Aylseken, mijnre moder, mijn deel van Lyudama heerth opp der
Breerd voer derteyn juke lands van Aylkama heert off drye hondert arnem. gulden na inholdinge der brieffs den ick
van Alrick ende van Aylsken, mijnre moeder, ontfanghen heb. Welke xiii juke landen off dryehondert arnem. gulden Alrick vors.
sal betalen van sijn sunderlinge gued ende dan sal dat vors. deel van Lyudama heerth na moder Aylsken doet Alrick vors. allene
tobehoren to bruken ende anders to doen na sijnen willen, ewelick ende erfflick. Voertmeer so heb ick Hyddo vors. oppghedragen
end overghegeven Alrick vors. dat ander deel van Lyudama heerth dat ick inghelosset hebbe van Aebelen ten Dijck ende Wicbolde
Ryppkama in allen manyeren als ick 't ghecofft hebbe nae uutwijsinghe eens brieffs den ick van Abelen ende Wicbolt ontfangen
hebbe, welk deel Alrick vors. sal vervullen myt effenveel land in Ryaswerthera hamrick off Ynaldinghera hamrick als der vercoft is
to Gernwerth van Aylsken sunderling land en dat van den lande dat Alrick besunderlinge tohoert. Ende wer 't sake dat
dat nyet ende gheschied eer dat Aylske, mijn moder, afflivich worde, so sal Lyudama heerth to deelschapp vallen opp
Aylsken erfghenamen. In orkunde der warheyt want ick Hidde vors. selff gheen seghel en bruke, soe heb ick ghebeden
meyster Henrick, den persoen to Bafftlo, dessen brieff over mij to beseghelen. Ende ick Henricus, persona vors., heb mijn seghel
om Hiddens bede wille beneden an dessen brieff ghehanghen. Ghegheven in 't jaer onss heren dusent vierhonderth ende
sovenendertich, ipso die Invencionis Sancti Sthephani prothomartiris.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 1 |
| Jaar | 1437 |
| Datumcode | InvSte |