| Nummer:haf231 | Datum: | Overlevering:Afschrift | Vindplaats:H.A. Farmsum, inv.nr. 0089, pag. 219, reg. 231 |
Ick Johannes Her graeff Cumelduer van oesterweerum
Schepper van Delfzijle ennd Wirdummer Schepperschap
bekenne ennd betuige mit dessen openen breve dat die in
gheseten des Poster Schepperschap unnd inghesetenn des schep
perschap vann Woltersum hebben schielafftich gheweest des
sommers voerleden um eenen stuck dijckes gheleghen in den
Hamrijcken dijcken achter Schermer daer een doem vann
is gegaenn van den ghemenen Scheppers van Delffzijle all
mijt rechte alsoe dat de vanden Poster Schepperschap sollen
komen up ten dijck mijt hoeren weerparten end sollen
sweeren in den hilligen nha uuthwisinge oerer tuighenis
sen mit hoeren tuighen ennd mit een halff recht dat die
boem daer de tuigen van hadden ghetuijget sol wesen die
scheijdinghe van den dijck mit welcker recht de van Poster
Schepperschap waeren overboedich voer mij end anderenn
Schepperen ten Damme in den rechte mit ten rechte
des Eerweerdigen Abtes van weerum daer toe ghedaeget
bij voerluesz hoerer zaaken van beijden parten unnd die van
den poster Schepperschap hoeren Eeden sollen overbrennghen
nha den die parten voirschreven niet en hadden konnen ver-
dragen um zaaken an beijde zijden up ten dijck allst
beraemet was end gesettet van den ghemeenen Scheppers
sijnt daeromme de van den poste gekomen up ten sulffsten
dach geraemet van den voirschreven Abbet ten Damme mijt
hoeren tuighen den eet toe doene nha vermeldinghe des sommes
ennd tuighenisse sij hadden gedaen waerumme ick in
jeghenwoordicheijt der Schepperen end parten hebbe
de van Woltersummer Schepperschap ghevraeget eens anderwerff ennd derdewerff offt sij den eet wolden end begeerden toe hebben van rechtes weeghen van den Poster inge-
seeten voirschreven und soe en hebben de van Woltersum ghe-
nen eet willen ontfangen offte begheert end de van den Poste
waeren bereijt oeren eet toe doene als sij hadden ghetui get end over
toe brengen mit ten rechte. Dit orkunde ick mit minen zegel beneden op
spacium des breves gedrucket welck is geschiet up Sunte Gallen dach in den
jaere van vifftijnhondert ennd drie.
??
Schepper van Delfzijle ennd Wirdummer Schepperschap
bekenne ennd betuige mit dessen openen breve dat die in
gheseten des Poster Schepperschap unnd inghesetenn des schep
perschap vann Woltersum hebben schielafftich gheweest des
sommers voerleden um eenen stuck dijckes gheleghen in den
Hamrijcken dijcken achter Schermer daer een doem vann
is gegaenn van den ghemenen Scheppers van Delffzijle all
mijt rechte alsoe dat de vanden Poster Schepperschap sollen
komen up ten dijck mijt hoeren weerparten end sollen
sweeren in den hilligen nha uuthwisinge oerer tuighenis
sen mit hoeren tuighen ennd mit een halff recht dat die
boem daer de tuigen van hadden ghetuijget sol wesen die
scheijdinghe van den dijck mit welcker recht de van Poster
Schepperschap waeren overboedich voer mij end anderenn
Schepperen ten Damme in den rechte mit ten rechte
des Eerweerdigen Abtes van weerum daer toe ghedaeget
bij voerluesz hoerer zaaken van beijden parten unnd die van
den poster Schepperschap hoeren Eeden sollen overbrennghen
nha den die parten voirschreven niet en hadden konnen ver-
dragen um zaaken an beijde zijden up ten dijck allst
beraemet was end gesettet van den ghemeenen Scheppers
sijnt daeromme de van den poste gekomen up ten sulffsten
dach geraemet van den voirschreven Abbet ten Damme mijt
hoeren tuighen den eet toe doene nha vermeldinghe des sommes
ennd tuighenisse sij hadden gedaen waerumme ick in
jeghenwoordicheijt der Schepperen end parten hebbe
de van Woltersummer Schepperschap ghevraeget eens anderwerff ennd derdewerff offt sij den eet wolden end begeerden toe hebben van rechtes weeghen van den Poster inge-
seeten voirschreven und soe en hebben de van Woltersum ghe-
nen eet willen ontfangen offte begheert end de van den Poste
waeren bereijt oeren eet toe doene als sij hadden ghetui get end over
toe brengen mit ten rechte. Dit orkunde ick mit minen zegel beneden op
spacium des breves gedrucket welck is geschiet up Sunte Gallen dach in den
jaere van vifftijnhondert ennd drie.
??
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0089 |
| Fol.nr. | pag. 219 |
| Regestnr. | 231 |
| Jaar | 1503 |
| Datumcode | Galli |