Nederlands (NL)  German (DE)
Nummer:haf143 Datum: Overlevering:Origineel Vindplaats:H.A. Farmsum, inv.nr. 0895, reg. 143

Bron Recto Dorso Vertaling Relatie Zegels Materiaal Literatuur Index N.B.
Wy Elteke ende Ulseke echte lude wonende uppe Nes inden kerspel toe Holwijrd doen
kundich myt dussen openen breve allen luden de den seen off horen lesen dat wij myt
gueden voerberade hebben vorkoft vries stedes kopes her Wilrich kercheer in De
Rijp, Tadeko Wibekens, Edzo in da Groda, Tammo Aens, Lambert kerchvogeden in De Rijp
to der hylghen behoeff veerdehalf forlingen landes ligghende in De Rijp als dat licht
to schot ende to schult myt syner swette ende to behoer. Ende to dessen lande licht to
swette to der noerder syde ene fenne van teijn forlingen horende to der kosterie
in Da Rijp unde de westerende ende de zuder zijde is ligghende an den wech. Ende
an de zuder zyde by den wech sijn ligghende twe heme unde dat westerheem hoert
mede daer toe als voscreven [sic] is unde in den oesterende des vorscreven landes twe ackere vor
de hemeghe vorscreven, in der selver fenne licht to zwette Butte Auulsma up de
Mede unde den hoert mede toe dat oesterheem voer ene summe van ghelde de uns Elteke unde Ulseke vorscreven van den vorscreven her Wilrich mijt synen vogheden vorscreven de eerste
penninch myt den lesten vul ende al is bytaelt. Waer um so gheven wij Elteke ende
Ulseke vorscreven dyt vorscreven lant als vorscreven is over den vorscreven her Wilrich myt synen vogheden toe der hylghen behoeff ende hoer nakomelinghe voer ons ende onsen erfgenamen toe
ewighen daghen vrij to bruken, to besytten, to vorkopen, toe wesselen ende allen horen
willen daer mede to doen. Ende willen hem dat vrij holden vor alle ansprake, alle arghelist uutghesecht. In oerkunde dusser waerheit soe heb- ben wij Elteke ende Ulseke
vorscreven ghebeden her Popcken unsen kercheer dussen breeff voer ons to byseghelen. Ende
ick Poptatus kercheer to Holwijrd um bede wille Eltekens ende Ulsekens vorscreven myner kerspellude hebbe ich myn seghel an dat spacium dussen breves ghedrucht in den iaer ons
heren M CCCC LXV sabbato ante dominicam Invocavit.
AANTEKENINGEN:
OVERLEVERING: origineel, perkament.
AUTHENTICERING: zegel sur double queue, verloren.
VINDPLAATS: RAGr, FARMSUM 895 R 143.
UITGAVE:
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0895
Regestnr. 143
Jaar 1465
Datumcode SaInvoca
x
x
Materiaal perkament