Nederlands (NL)  German (DE)
Nummer:sgg092b Datum: Overlevering:Origineel Vindplaats:Sint-Geertruidsgasthuis, inv.nr. 0092

Bron Recto Dorso Vertaling Relatie Zegels Materiaal Literatuur Index N.B.
Inder schelinge tusschen heren Johan van Monster pater des clerchuses by sinte Walburge kerke in Groningen ende der gemenen broderen des selven huses aldair an die ene syd ende Roloff Elhoren borger
in Groningen an die ander syd daer ic Egbert Rengers hoeftlinck ten Poste ende inder tyt der beider perten vors. schelingen inden rechten begonden Regde ten buren ende nae dat myn recht geeyndiget
was gewilkoert regde van beiden porten gekoren inder selven schelingen gebleven bin. in voer tyden van gedomet hebbe dat hae uutwisinge des doems daer desse doem daer getogen is ick Egbert
vors. den pater ende broeders vors. int besit gewesen hebbe tertyt dat sie Roloff mit beteren rechte daer weder uut slote....de went dat Rolf vors. nyet gedaen hevet bynnen der tyt die em
vanden rechte daer to gesat was. So hevet die pater vors. nae tween off dreen iaren dat ick Egbert den eersten doem gegeven hadde seer aengestaen, begerende dat ick em wolde ten einde
der saken helpen. nae den dat Roloff vors. boven minen doem inden besitte des landes gebleven was ende nicht vollentogen dat gedomet was Soe en heb ick Egbert nicht gherne willen
gherich wegen der saken ende hebt vertogen int veerde is de als de pater nyet aff en. laet ende aenstaende was omme rechtvorderinge to hebben ende Roloff altoes onachsum bleeff dat te
vollentrecken alst gedoemt was, so heb ic enen recht dach .... pen in dye heidenscap daer dat lant gelegen is daer da-gende ..... de perten op enen sekeren dach to compareren des die pater
achtsum geweest is sinen recht dach waer nemende ende Roloff daer nicht gecomen en is Als ic gode voer ogen genomen ende rechtverdicheit
ende by rade mynre weddemannen ende andere guede mannen heb ic den pater ende broders des clerchuses vors. ende oeren naecomelingen eerflicken ende eweliken int besit des landes gewesen
dat to besitten to gebruken ende to orbaren ende oeren vryer willen daer mede to done tot ewigen dagen. So hevet die pat......voert gespraken inden gerichte omme sine achterstal................
seer lange iaer malen waren ende hevet ons daer getoen..........strument mit her Jacob Zandes hant ende teyken rende namen .......... teykent ende onderscreven inholdende dat beyde pert en vors.
malkander gelovet hadden weel by der sentencie bleve dattet ander part deme den de sentencie tegen ghinge. den genen deme de sententie tegen ghinge cost ende arbeyt betalen
solde went dan de pater voer cost ende arbeit vele geeysschet hevet ende oeck mit reden by brachte dat hie groten onwillen ende oncost gedaen hadde omme dat lant mit rechte in te
winnen ende die iaermalen der hueren dat Roloff vors. em oer land ontbruket hadde seer lanck waren so uut mede rade mynre weddemannen ende andere guede manne die ick inden ge-
richte by my hadde heb ic den pater ende broders vors. ende ..... oeren naekoemelingen voer versetene huer cost ende arbeyt to gewesen ene venne lands geheyten moensymons venne dye vors.
Roloff liggende hadde in de heidenschap int zuudwesten van des paters ende broderen vors. lande an dat olde deep eerflicken ende ewelicken die pater ende broderen vors. ende oeren
naecomelingen te besitten te gebruken ende oeren vryen willen daer mede to done so als em des genoeget sonder all argelist hier hebben an ende over geweest als tugen de Eerba-
ren mannen Johan Symons to Germerwold, Thonys Sewynck, Henrick Gheelworst, Wilhem Monter, Roeleves vors. meyer, Albert van Delden Roeleves vors. knecht ende
meer gueder lude genoech. Ghedomet ende gegeven inden iaer ons heren dusent veerhondert twee ende seventich op der octave onser Liever Vrouwen Assumptionis.
Recto:
Dorso:
x
x
Archief Groninger Archieven
Fonds Sint-Geertruidsgasthuis
Toegangsnummer 1357
Inventarisnr. 0092
Register Feith 1469.032
Jaar 1472
x
x
x
Materiaal perkament