| Nummer:sag015 | Datum:11 sept. 1589 | Überlieferung:Origineel | Fundstelle:Arch. Sint-Anthonygasthuis, inv.nr. 0009, reg. 015 |
Wy Borgermesteren ende Raedt in Groeningen betugen mit desen openen breve dat voer uns zint gecomen Johan Papinck, Theso Wittinge, Luythien
Jansen als gestalter voeghden over St. Antonys Gasthuis, ende bekanden voer hem ende hoeren nacomenden voeghden dat se wegen des voers.
gasthueses (mit unsen weten, wille ende consent) hebben angenoemen tonderholden Johan Wolters dewelcke Godt de heere zijn sinnen ontnoemen
heft, de tytlanck zijns levents nootdruftlicken in kost ende in dranck ende mede in goede bewaernisse tho onderholden up dat he niet sich zelves
ofte emants anders enigen hinder ofte ongevall tho mochte voegen. Waer voer Johan Harmens de hem tott den voers. knecht den
upgemelte vogeden tott eenre compens ende verguetsinge gegeven heft, durch onse belastinge hondert daler waer voer de voers. voegeden
wegen des voers. gasthueses bedancken voers. Johan Harmens goeder betalinge. Alzoe dan nochtans dit zelve een cleenheit is
voer zoedane lasten ende swaricheiden de sich wall konden vermeren ende gewaecken ende gedyen tot marckelicke ruijne ende onderganck
ende verkortinge des Gasthueses guederen. In dien deselvige knecht noch mennich lieff jaer muchte leven, nempt derhalven Johan
Harmens an ende beloevet mede byeer ende vroemicheit tot onderholt ende hulpe des voers. Gasthueses, noch tendes zijns levende mit eenen goede
gave wth zijn nablijvende goederen tselve gasthues tho willen bespreken ende maken. Sunder argelist dat oerkunde wy mit unsen Stadt
secreet gegeven inden jaere unses heeren duesent vyffhundert negen ende tachtentich den elffden dach septembris.
Jansen als gestalter voeghden over St. Antonys Gasthuis, ende bekanden voer hem ende hoeren nacomenden voeghden dat se wegen des voers.
gasthueses (mit unsen weten, wille ende consent) hebben angenoemen tonderholden Johan Wolters dewelcke Godt de heere zijn sinnen ontnoemen
heft, de tytlanck zijns levents nootdruftlicken in kost ende in dranck ende mede in goede bewaernisse tho onderholden up dat he niet sich zelves
ofte emants anders enigen hinder ofte ongevall tho mochte voegen. Waer voer Johan Harmens de hem tott den voers. knecht den
upgemelte vogeden tott eenre compens ende verguetsinge gegeven heft, durch onse belastinge hondert daler waer voer de voers. voegeden
wegen des voers. gasthueses bedancken voers. Johan Harmens goeder betalinge. Alzoe dan nochtans dit zelve een cleenheit is
voer zoedane lasten ende swaricheiden de sich wall konden vermeren ende gewaecken ende gedyen tot marckelicke ruijne ende onderganck
ende verkortinge des Gasthueses guederen. In dien deselvige knecht noch mennich lieff jaer muchte leven, nempt derhalven Johan
Harmens an ende beloevet mede byeer ende vroemicheit tot onderholt ende hulpe des voers. Gasthueses, noch tendes zijns levende mit eenen goede
gave wth zijn nablijvende goederen tselve gasthues tho willen bespreken ende maken. Sunder argelist dat oerkunde wy mit unsen Stadt
secreet gegeven inden jaere unses heeren duesent vyffhundert negen ende tachtentich den elffden dach septembris.
x
| Archiv | Groninger Archieven |
|---|---|
| Bestand | Arch. Sint-Anthonygasthuis |
| Zugangsnummer | 1247 |
| Inventarnr. | 0009 |
| Regestnr. | 015 |
| Register Feith | 1589.072 |
| Jahr | 1589 |
| Datumcode | 1109 |