| Nummer:oub1472 | Datum:1495 | Overlevering:Editie | Vindplaats:Ostfriesisches Urkundenbuch, II, S. 485, nr. 1472 |
Häuptling Edo Wiemken von Jever klagt bei den Münsterschen Räthen gegen Graf Edzard in Beantwortung des ihm mitgetheilten Rechtfertigungsschreibens des Grafen.
Werdigen, eddellen, ghestrengen, erbaren unde duchtigen besunderen leven rede unde frunde. De andtworde heren Edtsardes juwe liefften durch syne rede uppe myne vorscriffte deme eerwerdigen in Godt hoechgeboren fursten, unszeme g. leven heren van Munster etc., benalet, myt dessulfften heren Edtsardes syner rede byscrifften my samptlicken behandet, heb ick to gueder mate gutlicken untfangende vorstanden. So denne desulffte her Edtsardt in demesuIfften andtworde int erste let blicken unde vorluden, alsze van Iken unde Foelffe syne bewanten unde underdanen tho wesende, szo he van keyseren unde konyngen des hilligen Romeschen rykes myt den landen belenet vursien unde noechafftich scole besorget wesen etc., [*] vormeyne my szodane vorlenynge nicht hinderlich to wesende, angesien szodane lande edder guedere my van mynen vorolderen angearvet, deme Romeschen ryke nuw warlde tho vorlenende syndt vorvallen. So denne syne scriffte furder vermelden, de vorg. Iko unde Foelff offte de eere my edder den mynen nyne loffte edder ede scolen gedaen hebben etc., is Iken daraff de warheyt woll anders bewust, he my myt syner moder loffte unde hantastinge hevet gedaen, truw unde holt tho wesende, unde ifft my Foelff des rede woll wolde untfallen syndt, dair denne vele lovenwordiger vromer lude jegenwordich gewesen, beyde prester unde leyen, do he my tho Sillenstede in der kercken loffte dede, enszodans myt hantastingen bevestende, my alle tyt truwe unde holt to wesende, welck my seer weynich isz geholden, do he den mynen dat eer diefflyker wyse leet stelen unde to syner koken slachten etc. So[*] he denne furder beroert, ick densulfften Foelff in gueden geloven unde bestande myt gewalt ane jenyge vorwaringe unvorwaert myner eer, tegen alle billicheydt unde recht in nachtslapender tyt van synem bedde genomen, gegrepen, ungeboerlyken getrecket unde gefencklick hebbe setten laten, nicht umme deverye etc., dair denne de wairheyt anderwarve grofflyken ann wert vorswegen, angesien desulffte Foelff up schynbariger daet isz betreden, sulvest bekennende, de gestolen guederen tho syner koken hebbe geslachtet unde de deve my unde den mynen tho wedderen untholdende, dar eyn deell int lateste im gerichte eren doet hebben upgenomen, szo dat alle dorch den vorben. Foelffe iss laten geschien, dat my denne jo na geboer der billicheyt nicht en stunt to lydende, wo woll myt der unwairheyt se dit vorandworden unde spotlick scryven legen eer vorscriffte hyrinn vorsloten; weer woll to lachende, wen des woll lustede.
Als denne furder syne scriffte vormelden, ick Iken vorg., so wy sampt by eyn anderen tom Oestringenvelde weren, eyn strack geleyde myt hantastinge scole togesecht hebben, myt syner moder fryg unde velich tho Jhever to komende etc., dat denne de vilgenante her Edtsardt nummermeer myt der wairheyt nabringen en scall, ich densulfften Iken tom Oestringenfelde yenich geleyde hebbe togesecht, unde weer in eynem breve genoech gewesen, my rede thovoren twy over myt logentale hadde bedichtet, mochte nuw woll tom drudden male hebben afgekeert, unde so he van toeffnisse Ikens mede beroret, hevet he deshalven jenige gebrecke, wort de gestrenge unde erbare myn leve swager onne dair woll to gudt wordende myt beschede, wen dat tyt, stede unde stunde gifft. Furder vorluden latende, Foelff my myner loffte unde ede na der gefencknisse wedder in der herberge bestaen en scole etc., is mannygen vromen manne, de dair jegenwordich helden, de wairheyt woll bewust, he my by synen ersten lofften unde eden hantastinge dede, wedder in de herberge tho rydende unde dair nicht uth sonder myt mynem weten unde willen; ifft he my denne nycht loffloes, eerloes unde menedich sy geworden, stelle ick an juwer lieffden sulvest irkantnisse. Endelyken beroerende, de ghestrenge myn leve swager unde ick szodanne bestant scolen geseriget unde ingebroken hebben, dairdorch wy eere bewanten unde togedanen vorgeroert so jamerlyken scolen gefangen hebben, on dat eer genomen ende affhendich gemaket etc., uns furder overscryvende van beschedinge erer underdanen, beyde to water ende to lande, dat eer nemen, eere deyner myt gewalt scolen jagen unde van anderen mannichfoldigen gebrecken, vorsmadigen unde beschedigen, on unde den synen van uns unde den unsen scole angelecht unde togekeert werden, welcker stucke alle unde sunderlinge de meyste deel isz uns van on unde den synen wedderfaren ende bejegent, alsse myt namen, de unse warstede konen afflangen vorhinderende, myne boden, der se noch itsunder eynen in vencknisse hebben, tovende, welck my doch nicht harde en darf befremden, angesien se unses gnedigen heren syner furstlycken gnaden sulvest nuw am nylicksten, szo ick warafftigen berichtet byn, tho Auwricke hadde getovet, unde isz nuw unvorborgen voer ogen, se sick thovoer in unde voer unseme lande hebben gelegen, dachlix myt homode unde gewaldt in unse lande ridende, rennende, rovende, to den unsen inschetende unde tho jagende, unde furder der menynge syndt, szo wy uns van tyden to tyden moten befaren, tho uns ime lande tho theende unde unsen tho bestallende myt dussen qwaden micken unde der meer ander, de ick nuw juwen liefften szo bruecklycken nicht scryven en kan, hebben se uns seder der tyt wy uns to unserne gnedigen leven heren gedaen hebben, stede nagegaen unde scolent juwe lieffden nicht anders in der wairheyt sporen, wen dat furder wort to sproke komende, wowoll desulffte her Edtsardt syne sage myt schonen reden becledende, uns szodane unbillicheit, overdaet unde gewalt tholecht, de uns unde den unsen van on unde den synen dachlix wedderfaert, unde nuw sick jo de meer vormeret, des wy uns alle uppe scriffte unses gnedigen leven heren van Munster etc., szo wy uns uppe syner furstlyken gnaden bestande hebben untholden, rouwesam beth heertho hebben moten vordulden, dat wy denne Gode almechtich thovoren, unde dairnest unsem gnedigen leven heren van Munster etc., unde juw werdigen, eddelen, ghestrengen, erbaren unde duchtigen leven rede unde frunde, alsust clegelyken to irkennende geven, myt ganser andacht instendiges vlites frundtliken biddende, dusset unsem gnedigen leven leeren nicht willen unvorwitlicket laten, tho synen furstlycken gnaden, szo tho unseme g. holden leven heren eyn vast betruwent hebbende, uns nuw nicht en willen laten beswyken, sonder myt deme allerersten uns hulpe, troest unde byvall laten irschynen, dairmede int korteste eynde to gevende, szodanen overdaedt, homoet unde gewalt tho wedderstaende unde tho sturende, des[*] wy Gode nicht en willen verlaten, so unse gnedige leve heer myt dem ersten will rede werden unde vulhouwen, wente de gulden wagen nuw voer der doren isz gekomen, szo men on nemen wille, unde hevet he sick sulvest alszo gelegen he dair nicht woll aff en kome, szo unse gnedige leve heer myt deme ersten will rede werden, juwen liefften sust int heymelickste geven to irkennen.
Als denne furder syne scriffte vormelden, ick Iken vorg., so wy sampt by eyn anderen tom Oestringenvelde weren, eyn strack geleyde myt hantastinge scole togesecht hebben, myt syner moder fryg unde velich tho Jhever to komende etc., dat denne de vilgenante her Edtsardt nummermeer myt der wairheyt nabringen en scall, ich densulfften Iken tom Oestringenfelde yenich geleyde hebbe togesecht, unde weer in eynem breve genoech gewesen, my rede thovoren twy over myt logentale hadde bedichtet, mochte nuw woll tom drudden male hebben afgekeert, unde so he van toeffnisse Ikens mede beroret, hevet he deshalven jenige gebrecke, wort de gestrenge unde erbare myn leve swager onne dair woll to gudt wordende myt beschede, wen dat tyt, stede unde stunde gifft. Furder vorluden latende, Foelff my myner loffte unde ede na der gefencknisse wedder in der herberge bestaen en scole etc., is mannygen vromen manne, de dair jegenwordich helden, de wairheyt woll bewust, he my by synen ersten lofften unde eden hantastinge dede, wedder in de herberge tho rydende unde dair nicht uth sonder myt mynem weten unde willen; ifft he my denne nycht loffloes, eerloes unde menedich sy geworden, stelle ick an juwer lieffden sulvest irkantnisse. Endelyken beroerende, de ghestrenge myn leve swager unde ick szodanne bestant scolen geseriget unde ingebroken hebben, dairdorch wy eere bewanten unde togedanen vorgeroert so jamerlyken scolen gefangen hebben, on dat eer genomen ende affhendich gemaket etc., uns furder overscryvende van beschedinge erer underdanen, beyde to water ende to lande, dat eer nemen, eere deyner myt gewalt scolen jagen unde van anderen mannichfoldigen gebrecken, vorsmadigen unde beschedigen, on unde den synen van uns unde den unsen scole angelecht unde togekeert werden, welcker stucke alle unde sunderlinge de meyste deel isz uns van on unde den synen wedderfaren ende bejegent, alsse myt namen, de unse warstede konen afflangen vorhinderende, myne boden, der se noch itsunder eynen in vencknisse hebben, tovende, welck my doch nicht harde en darf befremden, angesien se unses gnedigen heren syner furstlycken gnaden sulvest nuw am nylicksten, szo ick warafftigen berichtet byn, tho Auwricke hadde getovet, unde isz nuw unvorborgen voer ogen, se sick thovoer in unde voer unseme lande hebben gelegen, dachlix myt homode unde gewaldt in unse lande ridende, rennende, rovende, to den unsen inschetende unde tho jagende, unde furder der menynge syndt, szo wy uns van tyden to tyden moten befaren, tho uns ime lande tho theende unde unsen tho bestallende myt dussen qwaden micken unde der meer ander, de ick nuw juwen liefften szo bruecklycken nicht scryven en kan, hebben se uns seder der tyt wy uns to unserne gnedigen leven heren gedaen hebben, stede nagegaen unde scolent juwe lieffden nicht anders in der wairheyt sporen, wen dat furder wort to sproke komende, wowoll desulffte her Edtsardt syne sage myt schonen reden becledende, uns szodane unbillicheit, overdaet unde gewalt tholecht, de uns unde den unsen van on unde den synen dachlix wedderfaert, unde nuw sick jo de meer vormeret, des wy uns alle uppe scriffte unses gnedigen leven heren van Munster etc., szo wy uns uppe syner furstlyken gnaden bestande hebben untholden, rouwesam beth heertho hebben moten vordulden, dat wy denne Gode almechtich thovoren, unde dairnest unsem gnedigen leven heren van Munster etc., unde juw werdigen, eddelen, ghestrengen, erbaren unde duchtigen leven rede unde frunde, alsust clegelyken to irkennende geven, myt ganser andacht instendiges vlites frundtliken biddende, dusset unsem gnedigen leven leeren nicht willen unvorwitlicket laten, tho synen furstlycken gnaden, szo tho unseme g. holden leven heren eyn vast betruwent hebbende, uns nuw nicht en willen laten beswyken, sonder myt deme allerersten uns hulpe, troest unde byvall laten irschynen, dairmede int korteste eynde to gevende, szodanen overdaedt, homoet unde gewalt tho wedderstaende unde tho sturende, des[*] wy Gode nicht en willen verlaten, so unse gnedige leve heer myt dem ersten will rede werden unde vulhouwen, wente de gulden wagen nuw voer der doren isz gekomen, szo men on nemen wille, unde hevet he sick sulvest alszo gelegen he dair nicht woll aff en kome, szo unse gnedige leve heer myt deme ersten will rede werden, juwen liefften sust int heymelickste geven to irkennen.
