| Nummer:oub1194 | Datum:1. Okt. 1487 | Overlevering:Editie | Vindplaats:Ostfriesisches Urkundenbuch, II, S. 258, nr. 1194 |
Ritter Hero von Dornum intercedirt beim Rathe zu Bremen für Ernst von dem Busche, dessen Eigenbehöriger Laurentius Craspot in Bremen gestorben ist, um Craspots Nachlass von Bremen ausgehändigt zu erhalten.
Den eersamen unde vorsichtighen borgermestern unde rade der stad Bremen, synen guden vrunden.
Eersamen vorsichtigen guden vrunde. De duchtige Eernst van dem Busehe heft my clagewys to kennende geven, dat een, gheheten Laurencius Craspot, syn vulschuldige eghene man, in yuwer sind vorstorven sy, darumme he vuste vorvolch an mynen gnedighen heren van Munster, synen leven broder, unde oek an yuw myt schrifte unde anders hebbe ghedan, umme des vorben. Laurencius, synes vulschuldigen eghen mannes, nalaten gud, dat ome wenteheertho nicht baetlik heft ghewesen. In myn vruntlike begheer, up dat dar neen unwille oft vordreeth umme dorve vorreysen, gy ome synes eghen nalaten gud myt willen laten volghen, wente so yk van ome vorsta, he dar nenewys lenger mede denket to lydende, welkent ik yuw int beste tho kennende gheve, darup gy moget vordacht syn. Gode bevolen. Screven up den dach Remigii confessoris, anno etc. LXXXVIIo.
Hero van Dornum ritter, to Esens, Stestorpe unde Witmunde hovetling.
Eersamen vorsichtigen guden vrunde. De duchtige Eernst van dem Busehe heft my clagewys to kennende geven, dat een, gheheten Laurencius Craspot, syn vulschuldige eghene man, in yuwer sind vorstorven sy, darumme he vuste vorvolch an mynen gnedighen heren van Munster, synen leven broder, unde oek an yuw myt schrifte unde anders hebbe ghedan, umme des vorben. Laurencius, synes vulschuldigen eghen mannes, nalaten gud, dat ome wenteheertho nicht baetlik heft ghewesen. In myn vruntlike begheer, up dat dar neen unwille oft vordreeth umme dorve vorreysen, gy ome synes eghen nalaten gud myt willen laten volghen, wente so yk van ome vorsta, he dar nenewys lenger mede denket to lydende, welkent ik yuw int beste tho kennende gheve, darup gy moget vordacht syn. Gode bevolen. Screven up den dach Remigii confessoris, anno etc. LXXXVIIo.
Hero van Dornum ritter, to Esens, Stestorpe unde Witmunde hovetling.
