| Nummer:oub1166 | Datum:9. Mai 1486 | Overlevering:Editie | Vindplaats:Ostfriesisches Urkundenbuch, II, S. 235, nr. 1166 |
Boel Tammana zu Emden, als Vormund der Kinder des Wibeth Meynana, quittirt dem Boel Awana zu Wirdum über die gezahlte Kaufsumme des ihm von Meynana verkauften Hauses.
Ick Boel Tammana, [*] burgher tho Emeden, do wytlick unde kundich in krafft dusses: wo ick een vormunder unde een vorstander byn van myner husfrouwe weghen van zalighen Wibbeth (?) Meynena[*] kynderen, zo hebbe ik Boel vorben. upghenomen dat husghelt vor dat hues, dat zeleghe Meynana vorkoft heft Boel Awana to Wirthim vor vyff stighe[*] Arensgulden, dar ik Boel vorb. upghebort hebbe den erste pennyng myt deme lesten, dar my wol an ghenoghet, so dat ick Boel Tammana unde myn kynderen sullen den vorbenomeden Boel Awana unde zyn kynderen qwit unde vry holden vor al ansprake tot eweghen tyden. Hir hebben an unde over ghewesen vor tugheslude dar by nome Gherald, provest tho Hynt unde hoftling to Grymessum, unde Folmar, hofftling darsulves, Hiddo Gaykyna[*] to Wirthim. In orkunde unde merer bewyzynghe zo hebben wy van beyde parten vrenliken ghebeden den ersamen heren Gheraldum van Gretzyl, kercher to Wirthim (desen bref to beseghelen), [*] dat ik gherne ghedan hebbe unde hebbe myn inghesegel ghehanghen an spacium dusses. Do men screff duzent virhundert ses unde achtentich, up den dynxdaghes vor Pinxteren.
