| Nummer:oub0744 | Datum:21. Juli 1459 | Overlevering:Editie | Vindplaats:Ostfriesisches Urkundenbuch, I, S. 643, nr. 744 |
Der Rath von Hamburg schreibt an Junker Ulrich, er habe sich wegen seiner und Sibo’s Klagen über Tanno Duren mit Bremen und Lübeck in Verbindung gesetzt, und sie wollten nun zu Stade zusammenkommen und versuchen die Sache beizulegen.
Deme erbaren junckheren Olricke to Gretzile, Norden, Berum, Emeden etc. hovetlinghe, unsseme bisunderen guden wunde.
Unssen vruntliken grad unde wes wy gudes vormoghen. Erbare leve junckher, bisunderghe gude frund. So uns juwe leve by desseme boden screven hebben, andrepende den unwillen twisschen Thannen, juw unde Siben etc., des, erbare gude frund, hadden wy, er uns desulve juwe bref qwam, de ersamen van Lubeke unde Bremen van dersulven twidracht weghene binnen Stade to komende vorscreven, der wy nu ersten andwerde, dat ze de eren dar schicken willen, wedder entfanghen hebben, unde darup is juwe bode tovet, des willet uns nicht vorkeren, vorhopen wy mit den sendeboden der van Lubeke, Bremen unde deme rade to Stade, wise unde weghe to vindende, darmede de unwille lichte mochte vorlecht unde to anderer wise bracht werden, so dat juw unde uns sodaner swarheid unde groten koste nyn noet wesen dorfte; unde wes uns des wedderfaret, willen wy juw by eghener bodeschop denne benalen. Syt Gode bevolen. Screven ame avende sunte Marien Magdalenen, under unsser stad secrete, anno etc. L nono.
Consules Hamburgenses.
Unssen vruntliken grad unde wes wy gudes vormoghen. Erbare leve junckher, bisunderghe gude frund. So uns juwe leve by desseme boden screven hebben, andrepende den unwillen twisschen Thannen, juw unde Siben etc., des, erbare gude frund, hadden wy, er uns desulve juwe bref qwam, de ersamen van Lubeke unde Bremen van dersulven twidracht weghene binnen Stade to komende vorscreven, der wy nu ersten andwerde, dat ze de eren dar schicken willen, wedder entfanghen hebben, unde darup is juwe bode tovet, des willet uns nicht vorkeren, vorhopen wy mit den sendeboden der van Lubeke, Bremen unde deme rade to Stade, wise unde weghe to vindende, darmede de unwille lichte mochte vorlecht unde to anderer wise bracht werden, so dat juw unde uns sodaner swarheid unde groten koste nyn noet wesen dorfte; unde wes uns des wedderfaret, willen wy juw by eghener bodeschop denne benalen. Syt Gode bevolen. Screven ame avende sunte Marien Magdalenen, under unsser stad secrete, anno etc. L nono.
Consules Hamburgenses.
