| Nummer:oub0742 | Datum:29. Mai 1459 | Overlevering:Editie | Vindplaats:Ostfriesisches Urkundenbuch, I, S. 641, nr. 742 |
Der Rath von Hamburg antwortet dem Junker Ulrich, der sich über den ihm und Sibo gegenüber von Tanno Duren zu Jever ausgeübten Friedensbruch beklagt und um Absendung von 2 Rathsherren als Schiedsrichter gebeten hatte, dass er, um die ihm schmerzliche Fehde zu schlichten, der Bitte willfahren wolle.
Deme erbaren junckheren Olricke to Gretzille, Norden, Berum, Aureke, Emeden etc. hovetlinghe, unsseme bisunderen guden vrunde.
Unssen vruntliken grud unde wes wy gudes vormoghen. Erbare leve junckher, gude frund. So gy uns wo Thanne Dueren to Jever up juw unde juwen leven ohem Siben unssen frund, orlighe unde veide angheheven heft, baven dat gy eme ere unde rechtes ny gheweigherd, men overbodich hebben ghewesen, des juw nicht helpen kone, screven hebben, begherende, wy twe unsses rades de sake to vorhorende oversenden willen, vinde men juw unde juwen oheme der veide in schulden, gy willen juw na ghebore unde rechte darby hebben, alse gy plichtich wesen moghen etc., hebben wy wol vornohemen. Des, erbare leve junckher, gude frund, is uns in warheid leth, dat gy unde Sibe mit Thannen to unwillen unde orlighe komen sin, willen darumme nach juwer begheringhe etlike unssen rades kumpane, int erste wy des van unlede wesen konen, dar int lant schicken, de mit alleme flite, so verne ze moghen, sik vruntliker wise bekummeren scholen, dat gy juwe leve ohem unde Thanne to rosten, vrede unde guder endracht komen moghen mit der hulpe Godes, de juw ghesunt unde wol moghende sparen wille. Screven under unser stad secrete, ame dinxstdaghe na corporis Christi, anno etc. L nono.
Consules Hamburgenses.
Unssen vruntliken grud unde wes wy gudes vormoghen. Erbare leve junckher, gude frund. So gy uns wo Thanne Dueren to Jever up juw unde juwen leven ohem Siben unssen frund, orlighe unde veide angheheven heft, baven dat gy eme ere unde rechtes ny gheweigherd, men overbodich hebben ghewesen, des juw nicht helpen kone, screven hebben, begherende, wy twe unsses rades de sake to vorhorende oversenden willen, vinde men juw unde juwen oheme der veide in schulden, gy willen juw na ghebore unde rechte darby hebben, alse gy plichtich wesen moghen etc., hebben wy wol vornohemen. Des, erbare leve junckher, gude frund, is uns in warheid leth, dat gy unde Sibe mit Thannen to unwillen unde orlighe komen sin, willen darumme nach juwer begheringhe etlike unssen rades kumpane, int erste wy des van unlede wesen konen, dar int lant schicken, de mit alleme flite, so verne ze moghen, sik vruntliker wise bekummeren scholen, dat gy juwe leve ohem unde Thanne to rosten, vrede unde guder endracht komen moghen mit der hulpe Godes, de juw ghesunt unde wol moghende sparen wille. Screven under unser stad secrete, ame dinxstdaghe na corporis Christi, anno etc. L nono.
Consules Hamburgenses.
