Die Landrichter im Emsigerland Beno und Eno entscheiden einen Streit über Grundstücke zwischen Tyerk Bruchtes zu Norden und Mauriz von Dornum nach Harlinger und Emsiger Landrecht.

Wi Bene und Ene, lantrechter in Emeschelant, bekennen und betugen in dessem apen breve vor alssweme, de dussen breef seen edder lesen, dat vor uns is gewesen Tyerck Bruchtes van Norden und is klagende up Mauricies van Dornem umme erve und replick gud, dar wi hebben umme avergaen Harlinck lantrecht und Emesch lantrecht und alle lantrecht, also dat dat erve und gud schall in de sibbesten hant, [*] also vorgeschreven Tyercks husfrouwe schall de sibbeste wesen na siner klage und bewyss, des wi eme willen bestendich wesen, wan es noet is. In orkunde deser warheit zo hebbe ick Bene umme gebreck Enen[*] sines segels myn[*] insegel drucket up dat spacium desses breves. Na Gades bort dusent verhundert jar und L, in sunt Elisabetz dach.

x

x

Fonds	Ostfriesisches Urkundenbuch, I
Fol.nr.	S. 552
Nr	634
Olim	Msc. A. 17a, Fol. 20': eine Abschrift des Ubbo Emmius aus dem Original.
Jaar	1450
Datumcode	Elisab

x

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 634