Gerichtlicher Bescheid der Richter und des Rathes zu Emden, dass Grethe Vyerdehalfste ihr Erbe und Gut zu Emstek ihrer Tochter und deren Mann übertragen und aufgelassen habe.
Wy rychters unde raed in Emeden doen wytlyck unde kundich allen guden luden myd dussen openen breve, dat Grethe Vyerdehalfste vor uns quaem ongedaget mid guden vrygen wyllen, daer wy sethen in des rychtes stoel, unde sprack in luder stemme myd berades mode, dat se overdregen unde upghelaten hadde unde jegenwardich in deme rychte in aller mathe unde wyse, als men erve unde gued overdregen und uplaten mach, unde myd craft dusses breves overdroge unde uplethe Wolter eren swager, Stynen erer dochter, syner husvrouwen, unde eren twyger kynderen boren und ungeboren dat erve unde gued, dat Grethen erbenomet ys verschenen unde anghestorven myd rechte van erer moder wegene Metteken guder dechtnysse; welk erve unde gued belegen ys to Emsteke, [*] also dat Wolter, wyser dusses breves unde Styne vorscr. unde ere rechten erven scholen unde mogen der vorscr. erve unde gued bruken, vorhuren, uthsetten unde vorkopen na eren wyllen to erer nuttycheyt waer unde wanner em orbaer ys sunder jenygerleyge wedersproke van erer wegene, alle nygevunde unde hulperede jenyges rechtes uthgesecht. In orkunde der warheyt zo hebben wy rychters unde raed vorscr. unser staedinsegel wytlyck doen hangen an dussen breff. Anno Domini millesinio quadringentesimo tricesimo octavo, crastina puriflcacionis virginis Marie gloriose die.
x
| Fonds |
Ostfriesisches Urkundenbuch, I |
| Fol.nr. |
S. 438 |
| Nr |
489 |
| Olim |
Orig. im Rathsarchive zu Emden, Nr. 4a. Abschrift ebenda Nr. 717. — Regest Bibl. der Ostfr. Landschaft Msc. in Fol. 92, fol. 17'. — Gedruckt Lösing, Gesch. d. Stadt Emden S. 51. Note d. |
| Jaar |
1438 |
| Datumcode |
cPurMar |
x
| Edities |
E. Friedländer, Ostfriesisches Urkundenbuch I (Emden 1878), nr. 489 |
