| Nummer:ogd1021 | Datum:14 jan. 1399 | Overlevering:Editie | Vindplaats:Oorkondenboek Groningen en Drenthe, nr. 1021 |
Burgemeesters en raad van Groningen verklaren, dat de voogden der Akerk aan de uitvoerders van het testament van heer Ludeke Zwaneken een rente uit een huis hebben verkocht en overgedragen.
Wy, borghermesteren ende raet van Groninghen, bekennen ende betughen met dezen openen breve, dat vor ons ziin
ghekomen de voghede van onser Vrouwenkerke to der Ae in Groninghe ende becanden, dat zie hebben vercoft her
Ludeken Zwaneken testamentoren twintich schillinghe rente paymentes als in Groninghe ganc ende gave is, to nemen elkes jaers als een stadrecht
is uet der hofstede, daer Calen hues des cremers nu ter tiit up ghetimmert staet, vor ene summe gheldes, de den vors. vogheden vol ende al
betaelt is. Ende deze twintich scillinghe rente vors. droghen de vors. voghede up den vors. testamentoren vrij ende quiit eweliken to bruken
ende to besitten, des vors. her Ludekens jaertiit van to beghaen ende koerpenninghe van tho gheven tot ewighen daghen in der vors. kerke. Ende
dat sal Nanneke Zwanekens verwaren alsolanghe als zie levet, ende daerna de cureyt ende de twe oldeste voghede der vors. kerke. Ende dezer breve
ziin twe, den enen sal hebben de cureyt ende den anderen de vors. voghede. Deze vors. hofstede is gheleghen in de westerzide van den Crummen
Jate by Ghebbe Srnedes erve, dat an de zuedzide leghet, ende Peter Korfmakers erve, dat an de nordzide leghet. Dat orkunde wy met onser stad
seghel. Ghegheven int jaer ons Heren dusent drehondert neghen ende neghentich up sente Poncianusdach, do Frederich van Arlo, Zweder van Winde,
Reynolt Hughinc ende Alef Schelleghe borghermestere waren onser stad .
ghekomen de voghede van onser Vrouwenkerke to der Ae in Groninghe ende becanden, dat zie hebben vercoft her
Ludeken Zwaneken testamentoren twintich schillinghe rente paymentes als in Groninghe ganc ende gave is, to nemen elkes jaers als een stadrecht
is uet der hofstede, daer Calen hues des cremers nu ter tiit up ghetimmert staet, vor ene summe gheldes, de den vors. vogheden vol ende al
betaelt is. Ende deze twintich scillinghe rente vors. droghen de vors. voghede up den vors. testamentoren vrij ende quiit eweliken to bruken
ende to besitten, des vors. her Ludekens jaertiit van to beghaen ende koerpenninghe van tho gheven tot ewighen daghen in der vors. kerke. Ende
dat sal Nanneke Zwanekens verwaren alsolanghe als zie levet, ende daerna de cureyt ende de twe oldeste voghede der vors. kerke. Ende dezer breve
ziin twe, den enen sal hebben de cureyt ende den anderen de vors. voghede. Deze vors. hofstede is gheleghen in de westerzide van den Crummen
Jate by Ghebbe Srnedes erve, dat an de zuedzide leghet, ende Peter Korfmakers erve, dat an de nordzide leghet. Dat orkunde wy met onser stad
seghel. Ghegheven int jaer ons Heren dusent drehondert neghen ende neghentich up sente Poncianusdach, do Frederich van Arlo, Zweder van Winde,
Reynolt Hughinc ende Alef Schelleghe borghermestere waren onser stad .
x
| Fonds | Oorkondenboek Groningen en Drenthe |
|---|---|
| Nr | 1021 |
| Olim | Naar het origineel in het rijksarchief te Groningen (Reg. 1399, no. 6), hoog 9, breed 24,5 cm. Ook gedrukt bij Driessen, blz. 811. |
| Jaar | 1399 |
| Datumcode | Pontia |