| Nummer:ogd0717 | Datum:25 juni 1383 | Überlieferung:Editie | Fundstelle:Oorkondenboek Groningen en Drenthe, nr. 717 |
Florens, bisschop van Utrecht, verklaart aan Johan Hondenberch op zekere voorwaarden in pacht te hebben gegeven een goed, gelegen te Anderen.
Florens, by der genaden Goits bisscop tUtrecht, maken kont allen luden, dat wy onse goet, dat geheten is Sibertingegoet mit synen toebehoeren,
dat gelegen is in den lande van Drenthe in den kerspel van Anlo ende in der buerscap tot Anderen , dat jaerlix te doen plach twee ende twintich
Engelsche, nu aen pacht verhoget hebben, ende hebben dat gedaen ende verpacht Johan Hondenberch to onser beyder lyve, dat sal wesen te verstaen,
wanneer onser een van ons ende van Johan Hondenberch oflivich werden , dat dan onse voers. goet ledich ende los weder an onse gestichte comen
sall jairlix om die twee ende twintich Engelsche voirs. ende om sess mudde roggen Groninger mate, die he ons off onsen rentmeyster in Drenthe
jairlix van den voirs. goeden betalen sal in sulke termyne, als men anders onse renthe ende pacht in Drenthe te betalen plecht. Ende weert sake
dat Johan voirs. dese pacht jairlix niet en betalde, alse voers. is, so mogen wy off onse rentmeyster voirs. hem die jaerlix pacht aff doen
panden, ende so sal he in dieselve pene vallen gelijc anders onse pachters in Drenthe, die ons onse pacht niet en betalden. Oic sijn
voirwaerden, dat Johan Hondenberch voirs. onse huys, dat op onsen voers. goede staet, tijmmeren ende voert in tymmeringe holden sal, alse dat
men onse goet daeruuyt bouwen moge gelijc anderen goeden, die dair ommelant gelegen sijn, al argelist uutgesecht. In orkunde des briefs besegelt
mit onsen zegel. Gegeven tot Vollenhoe int jair onss Heren dusent IIIC LXXXIII des Donresdages na sante Johans dach Baptisten, als men scrijfft
Nativitas.
dat gelegen is in den lande van Drenthe in den kerspel van Anlo ende in der buerscap tot Anderen , dat jaerlix te doen plach twee ende twintich
Engelsche, nu aen pacht verhoget hebben, ende hebben dat gedaen ende verpacht Johan Hondenberch to onser beyder lyve, dat sal wesen te verstaen,
wanneer onser een van ons ende van Johan Hondenberch oflivich werden , dat dan onse voers. goet ledich ende los weder an onse gestichte comen
sall jairlix om die twee ende twintich Engelsche voirs. ende om sess mudde roggen Groninger mate, die he ons off onsen rentmeyster in Drenthe
jairlix van den voirs. goeden betalen sal in sulke termyne, als men anders onse renthe ende pacht in Drenthe te betalen plecht. Ende weert sake
dat Johan voirs. dese pacht jairlix niet en betalde, alse voers. is, so mogen wy off onse rentmeyster voirs. hem die jaerlix pacht aff doen
panden, ende so sal he in dieselve pene vallen gelijc anders onse pachters in Drenthe, die ons onse pacht niet en betalden. Oic sijn
voirwaerden, dat Johan Hondenberch voirs. onse huys, dat op onsen voers. goede staet, tijmmeren ende voert in tymmeringe holden sal, alse dat
men onse goet daeruuyt bouwen moge gelijc anderen goeden, die dair ommelant gelegen sijn, al argelist uutgesecht. In orkunde des briefs besegelt
mit onsen zegel. Gegeven tot Vollenhoe int jair onss Heren dusent IIIC LXXXIII des Donresdages na sante Johans dach Baptisten, als men scrijfft
Nativitas.
