Nummer:ogd0591 | Datum:10 juli 1371 | Overlevering:Editie | Vindplaats:Oorkondenboek Groningen en Drenthe, nr. 591 |
Johan en Herman van Coevorden en Godevart van den Oldehave beloven te Utrecht de verklaring te zullen afleggen, dat zij van het Domkapittel te Utrecht de heerlijkheid te Groningen en Selwerd met Wold en Gho in pacht hebben.
Allen luden, die desen brief zullen sien of horen lesen, doe wi verstaen, Johan, here van Covorden, Herman van Covorden ende
Godevart van den Alden Have, anders gheheyten van Haren, dat wi ghelavet hebben ende ghelaven mit desen brieve in goeden trouwen
eersamen heren, den . . doemdeken ende capitel ten . . Doem tUtrecht, dat wi ofte onse procuratoer van onser weghen ende in onsen naem, die wi
des mechtich maken zullen, comen zullen tUtrecht tusschen hier ende Paeschen naestcomende na date des briefs voer den officiael van Utrecht ende
enen notarijs ende bekennen aldaer ende belygen openbaerlic, dat wi in pachte ontfanghen hebben van den heren voerscreven alsulke weerlike
gherichte ende heerlicheyt, hoghe ende leghe, te Groeninghen ende te Zelewaert mit Wolde ende Gho ende alle hore toebehoren na allen manieren
ende voerwaerden alse die brieve begrepen hebben, die wi den heren van den Doem voerscreven daerop ghegheven hebben, beseghelt mit onsen
zeghelen, sprekende van den gherichte ende heerlicheyt voerghenoemt, al arghelist uytghesproken. In orconde des briefs zoe hebben wi onse
zeghele aen desen brief ghehanghen. Ghegheven int jaer ons Heren dusent driehondert een ende tsoeventich des Donredaghes na zente Mertijns dach,
als men scrijft Translacio.
Godevart van den Alden Have, anders gheheyten van Haren, dat wi ghelavet hebben ende ghelaven mit desen brieve in goeden trouwen
eersamen heren, den . . doemdeken ende capitel ten . . Doem tUtrecht, dat wi ofte onse procuratoer van onser weghen ende in onsen naem, die wi
des mechtich maken zullen, comen zullen tUtrecht tusschen hier ende Paeschen naestcomende na date des briefs voer den officiael van Utrecht ende
enen notarijs ende bekennen aldaer ende belygen openbaerlic, dat wi in pachte ontfanghen hebben van den heren voerscreven alsulke weerlike
gherichte ende heerlicheyt, hoghe ende leghe, te Groeninghen ende te Zelewaert mit Wolde ende Gho ende alle hore toebehoren na allen manieren
ende voerwaerden alse die brieve begrepen hebben, die wi den heren van den Doem voerscreven daerop ghegheven hebben, beseghelt mit onsen
zeghelen, sprekende van den gherichte ende heerlicheyt voerghenoemt, al arghelist uytghesproken. In orconde des briefs zoe hebben wi onse
zeghele aen desen brief ghehanghen. Ghegheven int jaer ons Heren dusent driehondert een ende tsoeventich des Donredaghes na zente Mertijns dach,
als men scrijft Translacio.
x
Fonds | Oorkondenboek Groningen en Drenthe |
---|---|
Nr | 591 |
Olim | Naar het origineel in het rijksarchief te Utrecht (Archief Domkapittel, Charters 1e afd., no. 623), hoog 13, breed 31 cm. |
Jaar | 1371 |
Datumcode | JpTraMar |
x
Commentaar | Aan het stuk hangen twee ronde zegels in groene was : 1. van Johan van Coevorden = zegel no.1 van het vorige no., doch meer geschonden. 2. afgevallen. 3. van Godevart van den Oldenhave = zegel no. 3 van het vorige no., doch meer geschonden. |
---|