Johan Sloet en zijn vrouw verklaren met Roelf van Echten een overeenkomst van ruil te hebben aangegaan over een jaarlijkse opbrengst uit onroerend goed.

Alle dieghene, die dessen brief zolen zien of hoeren lezen, doe ich kondich, jonghe Johan Sloet, Jutte ,
mijn echte wijf, dat wy verwesslet hebben ende verwesslen Roelve van Echten ende zinen gherechten
erfghenamen neeghen Groningh mudde rogghen, stheder mudde over al Bentinghegoet, dat gheleghen is in der maerke van Echten, sonder jenegherhande
anspraken jonghe Johans Sloets, Jutten sines echten wives of haeren gherechten erfgenamen. Ende ummedat wy willen, dat dit stede ende vast
blive, soe heb ic, jonghe Johan Sloet voergescreven, dessen brief byzegelt mid minen zeghele voer my selven ende voer Jutte, miin echten wijf,
ende voer onse gherechten erfghenamen. Ende ich Jutte, jonghe Johans Sloets echte wijf, ende onse gherechte erfghenamen ghelien alle desser
voerghescreven wesle onder jonghe Johan Sloets zeghel. Int jaer onss Heren dusent driehondert vier ende tsestich dies Vrijdaghes nae
Paschedaghe.

x

x

Fonds	Oorkondenboek Groningen en Drenthe
Nr	528
Olim	Naar het origineel op het huis Echten, hoog 10,8, breed 29 cm.
Jaar	1364
Datumcode	VpPasche

x

x

x

Commentaar	Het zegel is afgevallen.

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 528.