Nederlands (NL)  German (DE)
Nummer:ogd0510 Datum:10 febr. 1362 Overlevering:Editie Vindplaats:Oorkondenboek Groningen en Drenthe, nr. 510

De proost en het kapittel van St. Pieter te Utrecht komen overeen, dat het goed Dingstede steeds ter beschikking van de proost zal blijven, doch niet door hem vervreemd of verhuurd mag worden.

Bron Recto Dorso Vertaling Relatie Zegels Materiaal Literatuur Index N.B.
In Dei nomine amen. Nos Swederus Uter Lo, prepositus et archidiaconus, necnon decanus et capitulum ecclesie sancti Petri Trajectensis universis
tam presentibus quam futuris ad perpetuam rei memoriam cupimus fore notum, quod propter urgentem necessitatem et magnam ac evidentem dicte
nostre ecclesie ac prepositure ejusdem utilitatem diligenti ac sollempni tractatu et decreto ac matura deliberacione prehabita in loco
capitulari, propter hoc capitulariter congregati, concorditer et unanimi consensu ordinavimus et statuendo proinde duximus et ordinandum
perpetuis temporibus inviolabiliter observandum, ut bona, possessiones, predia, prata, pascua culta et inculta dicta, nuncupata vulgariter et
appellata dat goyt te Dinxsteden, infra limites, metas et terminos parcium Drenthie in parrochia ecclesie de Coldervene Trajectensis dyocesis
site, jacentes et consistencia, necnon redditus, fructus, jura, pactus, pensiones sive in butiro, pecunia seu aliis rebus quibuscunque et
ubicunque existentes ac obvenciones et pertinencias eorundem, que bona universa predicta cum omnibus juribus, redditibus et pertinenciis
hujusmodi ad nos et ecclesiam ac preposituram dicte nostre ecclesie per magnos labores, pericula, sumptus et expensas, presertim per nostrum
prepositum et archidiaconum predictum per se et per suos factos, nunc de novo libere pervenerunt et sunt devolute. Prepositus et archidiaconus
dicte nostre ecclesie, quicunque fuerit pro tempore post mortem dicti domini Swederi prepositi, cum omnibus edificiis ibidem constructis et per
dictum dominum prepositum nostrum construendis pro se ac decano et capitulo ac officiate ibidem et pro siligine ac aliis bonis et rebus nostris
ibidem, si opus fuerit, congregandis retinebit et dicta bona, possessiones, prata et predia, redditus, pensiones et jura in parte vel in toto
alienandi, distrahendi, locandi seu ad firmam vel in emphitheosim seu sub pensione annua vel libere in perpetuum vel ad tempus vel quocunque
alio quesito colore collegiis, monasteriis, universitati, clericis, secularibus vel religiosis vel laycis liberis, servis, propriis seu
mancipiis aut aliis quibuscunque, quocunque censeantur nomine, non habeat potestatem nec ea facere potest neque debet. Et fructus, redditus,
pactus et pensiones hujusmodi dictorum bonorum in augmentacionem servicii panis et cervisie ipsis preposito, decano et canonicis dicte ecclesie
per ipsum prepositum ministrandi cedent libere et prout per nos prepositum et capitulum dispositum fuerit et ordinatum. Et hujusmodi
ordinacionem et statutum et premissa nos, decanus, prepositus et capitulum predicti, pro nostris successoribus promisimus perpetuis temporibus
observare et per presentes promittimus bona fide ac statuimus inviolabiliter fore observandum. In cujus rei testimonium et munimen nos,
Swederus, prepositus et archidiaconus, nostrum et decanus ac capitulum predicti ecclesie nostra sigilla presentibus duximus apponenda. Datum
anno Domini millesimo trecentesimo sexagesimo secundo mensis Februarii die decima.
Recto:
x
x
Fonds Oorkondenboek Groningen en Drenthe
Nr 510
Olim Naar het 14de eeuwse Cartularium van het kapittel van St. Pieter, fol. 110v in het rijksarchief te Utrecht (Catalogus St. Pieter, no. 1, Reg. no. 398).
Jaar 1362
Datumcode 1002
x
x
Materiaal papier
x
Edities P.J. Blok e.a., Oorkondenboek van Groningen en Drente, I (Groningen 1896), nr. 510.