| Nummer:ogd0415 | Datum:8 aug. 1350 | Overlevering:Editie | Vindplaats:Oorkondenboek Groningen en Drenthe, nr. 415 |
Reinout, heer van Coevorden, en het land Drenthe sluiten een verdrag met de stad Groningen.
Wy Reynolt, here van Covorde unde van Borchlo, ende dat mene lant van Drenthe doet
cundich al denghenen, de dessen openen bref solen sien jof horen lesen, dat wi mit der stad
van Groninghen hebben ghedaen ene alinghe zone unde ene vaste ende stede zone van allen saken de wesen hebben tusken uns ende der stad. In
ersten dat de van Groninghen hebben ghegheven ende wol bitalet ene summe van ghelde, als van Hinrike, des heren broder van Covorde, den Vroliken
ende Copekine van Dalen; des sole wi here van Covorde ende dat lant van Drenthe velighen de borgers van Groninghen in Drenthesken lantrechte vor
de van Pedze, van Roden ende de van Roderwolde, sunder allene an den dren kerspelen, derwile dat dit orlogh staet. Ist voertmer sake, dat wi
Reynolt, here van Covorde unde Borchlo, dat moghen vordeghedinghen mit der stad, dat ze unse ghelt, dat wi slaen laet, willet nemen, dat is
goet; is des nicht, se solen dar unverbunden to zin. Voertmer were dat dar jenighe breve were inghebroken van vredebreven van der stad jof van
den lande van Drenthe, dat sal men birichten na den breven ende de coepman sal varen mit ziner coepenscap, war he wil, biholden den heren van
Covorde al zines rechtes. Ist oec sake, dat en stadman hebbe to claghene up enen lantman van Drenthe unde wolde men em dat recht vorstoren, dat
solde wi mit den gherichte van Covorde ende mit der mente helpen vollenbringhen, ende desghelike solen de raetlude van Groninghen den lantluden
helpen rechtes in orer stad, ende van neghenen saken sal men roef jof brant noch vanghenscap maken tusken den lande unde der stad, dat en zi wol
vervolghet. Voertmer van der sake, de wesen hevet tusken Hinrike, des heren oem van Covorde, ende zinen hulperen ende unser stad ende unsen
hulperen, dat sal wesen ene olde zone unde ene alinghe zone van al dat daraf gheresen is, in al den ponten, de hirvore ghescreven staen. So sal
wesen uetghesproken alle arghelist. Dat orcunde wi Reynolt, here van Covorde ende van Borchlo, ende dat lant van Drenthe mit unsen seghelen.
Gheven int jar uns Heren dusent drehundert ende vijftich des Zonendaghes na sunte Sixtusdaghe.
cundich al denghenen, de dessen openen bref solen sien jof horen lesen, dat wi mit der stad
van Groninghen hebben ghedaen ene alinghe zone unde ene vaste ende stede zone van allen saken de wesen hebben tusken uns ende der stad. In
ersten dat de van Groninghen hebben ghegheven ende wol bitalet ene summe van ghelde, als van Hinrike, des heren broder van Covorde, den Vroliken
ende Copekine van Dalen; des sole wi here van Covorde ende dat lant van Drenthe velighen de borgers van Groninghen in Drenthesken lantrechte vor
de van Pedze, van Roden ende de van Roderwolde, sunder allene an den dren kerspelen, derwile dat dit orlogh staet. Ist voertmer sake, dat wi
Reynolt, here van Covorde unde Borchlo, dat moghen vordeghedinghen mit der stad, dat ze unse ghelt, dat wi slaen laet, willet nemen, dat is
goet; is des nicht, se solen dar unverbunden to zin. Voertmer were dat dar jenighe breve were inghebroken van vredebreven van der stad jof van
den lande van Drenthe, dat sal men birichten na den breven ende de coepman sal varen mit ziner coepenscap, war he wil, biholden den heren van
Covorde al zines rechtes. Ist oec sake, dat en stadman hebbe to claghene up enen lantman van Drenthe unde wolde men em dat recht vorstoren, dat
solde wi mit den gherichte van Covorde ende mit der mente helpen vollenbringhen, ende desghelike solen de raetlude van Groninghen den lantluden
helpen rechtes in orer stad, ende van neghenen saken sal men roef jof brant noch vanghenscap maken tusken den lande unde der stad, dat en zi wol
vervolghet. Voertmer van der sake, de wesen hevet tusken Hinrike, des heren oem van Covorde, ende zinen hulperen ende unser stad ende unsen
hulperen, dat sal wesen ene olde zone unde ene alinghe zone van al dat daraf gheresen is, in al den ponten, de hirvore ghescreven staen. So sal
wesen uetghesproken alle arghelist. Dat orcunde wi Reynolt, here van Covorde ende van Borchlo, ende dat lant van Drenthe mit unsen seghelen.
Gheven int jar uns Heren dusent drehundert ende vijftich des Zonendaghes na sunte Sixtusdaghe.
x
| Fonds | Oorkondenboek Groningen en Drenthe |
|---|---|
| Nr | 415 |
| Olim | Naar het origineel in het rijksarchief te Groningen (Reg. 1350, no. 2), hoog 13,5, breed 22,5 cm. Ook gedrukt bij Driessen, blz. 187. Ook in een vidimus van 25 april 1395. |
| Jaar | 1350 |
| Datumcode | DpSixti |