| Nummer:ogd0399 | Datum:9 aug. 1347 | Overlevering:Editie | Vindplaats:Oorkondenboek Groningen en Drenthe, nr. 399 |
De regeering van Hamburg verklaart een verdrag te hebben gesloten met abt en convent van Termunten en met de overheden van het Oldambt.
Universis in perpetuum audituris presentia seu visuris . . consules et commune civitatis Hamburgensis salutem in Domino sempiternam. Pacis
veneranda clementia homines ad
divini cultus frequentiam roborat et ad animarum et corporum salutem incitat et ad proximorum dilectionem inducit, quos gwerrarum odiosa
protervitas ad dissensiones provocat
et facit ab equitatis et salutis semitis deviare. Hinc est, quod natis et in perpetuum nascituris cupimus esse notum, quod, cum nos et
mercatores nostri per quosdam Frisones nostris bonis et navibus essemus sine debita providentia spoliati et nos pro recuperatione nostrorum
bonorum et navium Frisones cum suis bonis et navibus detineremus et exhoc dissensionis materia crebesceret et majus periculum timeretur, nos,
divina nobis opitulante gratia, dissensionem et discordiam predictam ad sonam firmam et compositionem inviolabilem, perpetuo duraturas, cum
honestis et commendabilibus viris et dominis . . abbate et conventu monasterii in Menterna necnon . . judicibus . . consulibus et tota
universitate pagi Frisie, dicti Alde Ombecht, deduximus in hunc modum, videlicet quod omnes cause, controversie et inimicicie, que inter nos et
nostram civitatem et mercatores nostros ex una et dictos . . abbatem et conventum monasterii in Menterna necnon . . judices . . consules et
totam universitatem pagi Frisie, dicti Alde Ombecht, parte ex altera, de predictis causis suborte sunt et fuerunt, scilicet in spoliis,
captivitatibus, arrestationibus, vulneribus et homicidiis, utrobique a festo Annunciationis Dominice, quod occurrebat sub anno Domini millesimo
CCCXL sexto usque in presentem diem, debent esse sopite penitus et sedate nec umquam debent in malo per nos et nostros heredes et successores ad
memoriam revocari, sed nos et nostri successores et heredes volumus et debemus . . abbatem et conventum dicti monasterii necnon . . judices .
. consules et totam universitatem dicti pagi in nostra civitate et extra, tam in terris quam in aquis, in rebus et corporibus favorabiliter et
fideliter promovere. Si vero, quod absit, aliqui de nostris civibus ausu temerario contra hanc nostram laudabilem compositionem et ordinationem
predictos . . abbatem et conventum . . judices . . consules et universitatem perturbare presumerent aut gravare, tales esse debent de nostra
civitate exules et proscripti, nisi de hujusmodi perturbationibus et gravaminibus fecerint emendam plenam et satisfactionem debitam et
condignam. Quicumque eciam homines aut persone, cujuscunque conditionis existant, hujusmodi pacis perturbatores et nostre compositionis
violatores receperint, detinuerint aut foverint, erunt eque rei et pene simili subjacebunt. Hujus nostre compositionis et ordinationis
mediatores et placiatores ex parte predictorum . . abbatis . . conventus . . judicum . . consulum et universitatis sunt honesti viri frater
Goswinus, conversus monasterii in Clarocampo, et Rike Dodo, civis in Dockem, ad hoc per . . abbates . . personas . . gretmannos, . . judices
et universitatem Albe Asterginis specialiter deputati et per nos presentibus approbati, necnon discreti viri Albertus in Werum et Gocke in
Faltwert, monasteriorum conversi, Sicko et Wobbe Althethessone, cives in Apinghedamme, predicti terre indigene. Mediatores autem ex parte nostra
sunt honesti viri Bertrammus Colner, Hellingbernus Hetfelt, Nicolaus Fransoyzer et, Johannes Militis, proconsules, et ceteri consules
Hamburgenses. In omnium igitur premissorum testimonium ad majorem roboris firmitatem sigillum civitatis nostre presentibus est appensum. Actum
et placitatum Hamborch anno Domini millesimo CCCXL septimo in vigilia beate Laurentii martiris .
veneranda clementia homines ad
divini cultus frequentiam roborat et ad animarum et corporum salutem incitat et ad proximorum dilectionem inducit, quos gwerrarum odiosa
protervitas ad dissensiones provocat
et facit ab equitatis et salutis semitis deviare. Hinc est, quod natis et in perpetuum nascituris cupimus esse notum, quod, cum nos et
mercatores nostri per quosdam Frisones nostris bonis et navibus essemus sine debita providentia spoliati et nos pro recuperatione nostrorum
bonorum et navium Frisones cum suis bonis et navibus detineremus et exhoc dissensionis materia crebesceret et majus periculum timeretur, nos,
divina nobis opitulante gratia, dissensionem et discordiam predictam ad sonam firmam et compositionem inviolabilem, perpetuo duraturas, cum
honestis et commendabilibus viris et dominis . . abbate et conventu monasterii in Menterna necnon . . judicibus . . consulibus et tota
universitate pagi Frisie, dicti Alde Ombecht, deduximus in hunc modum, videlicet quod omnes cause, controversie et inimicicie, que inter nos et
nostram civitatem et mercatores nostros ex una et dictos . . abbatem et conventum monasterii in Menterna necnon . . judices . . consules et
totam universitatem pagi Frisie, dicti Alde Ombecht, parte ex altera, de predictis causis suborte sunt et fuerunt, scilicet in spoliis,
captivitatibus, arrestationibus, vulneribus et homicidiis, utrobique a festo Annunciationis Dominice, quod occurrebat sub anno Domini millesimo
CCCXL sexto usque in presentem diem, debent esse sopite penitus et sedate nec umquam debent in malo per nos et nostros heredes et successores ad
memoriam revocari, sed nos et nostri successores et heredes volumus et debemus . . abbatem et conventum dicti monasterii necnon . . judices .
. consules et totam universitatem dicti pagi in nostra civitate et extra, tam in terris quam in aquis, in rebus et corporibus favorabiliter et
fideliter promovere. Si vero, quod absit, aliqui de nostris civibus ausu temerario contra hanc nostram laudabilem compositionem et ordinationem
predictos . . abbatem et conventum . . judices . . consules et universitatem perturbare presumerent aut gravare, tales esse debent de nostra
civitate exules et proscripti, nisi de hujusmodi perturbationibus et gravaminibus fecerint emendam plenam et satisfactionem debitam et
condignam. Quicumque eciam homines aut persone, cujuscunque conditionis existant, hujusmodi pacis perturbatores et nostre compositionis
violatores receperint, detinuerint aut foverint, erunt eque rei et pene simili subjacebunt. Hujus nostre compositionis et ordinationis
mediatores et placiatores ex parte predictorum . . abbatis . . conventus . . judicum . . consulum et universitatis sunt honesti viri frater
Goswinus, conversus monasterii in Clarocampo, et Rike Dodo, civis in Dockem, ad hoc per . . abbates . . personas . . gretmannos, . . judices
et universitatem Albe Asterginis specialiter deputati et per nos presentibus approbati, necnon discreti viri Albertus in Werum et Gocke in
Faltwert, monasteriorum conversi, Sicko et Wobbe Althethessone, cives in Apinghedamme, predicti terre indigene. Mediatores autem ex parte nostra
sunt honesti viri Bertrammus Colner, Hellingbernus Hetfelt, Nicolaus Fransoyzer et, Johannes Militis, proconsules, et ceteri consules
Hamburgenses. In omnium igitur premissorum testimonium ad majorem roboris firmitatem sigillum civitatis nostre presentibus est appensum. Actum
et placitatum Hamborch anno Domini millesimo CCCXL septimo in vigilia beate Laurentii martiris .
x
| Fonds | Oorkondenboek Groningen en Drenthe |
|---|---|
| Nr | 399 |
| Olim | Naar het origineel in het rijksarchief te Groningen (Reg. 1347, no. 1), hoog 27,3, breed 37,5 cm. Ook gedrukt bij Driessen, blz. 181; vermeld in Hans. Urkb. III, S. 54, no. 108. |
| Jaar | 1347 |
| Datumcode | vLauren |