| Nummer:mgh001 | Datum: | Overlevering:Origineel | Vindplaats:Mepschen- of Sint-Annengasthuis, inv.nr. 0001 |
Wij Borgemeesteren ende Raedt in Groningen betugen myt dessen openen breve dat voer ons is gekomen, Sijerd Salige Otten ter Hanzouwen wede-
we, ende bekande dat se voer oer ende oere erffgenamen, tot ten eren Godes Marien sijnre liever moder alle godes hilligen onsen heren gode myt sinen twaleff
Apostelen, Sunte Annen ende Sunte Elijsabeth omme salicheit oere zielen saligen Ottes vors. oers vaders ende moders zielen ende omme alle oere
vrenden zielen die van desser warolt gescheiden sent ende gescheiden mogen worden, mede daer desse goederen van gekomen sint, daer dyt nae-
bescreven Gasthuus van gestichtiget ende geordineert wort ende allen lieven zielen die gestorven sint ende des van noede behoeven, hevet gemaket
ende geordiniert myt gueden voerberaden vullen synnen dat huuss bij oeren huuse gelegen upt Zuuden an de Westerzijde van den rechten Jate
tot behoeff vijffteijn arme menschen, die men aldaer tot ewijgen dagen, van hoeden, holden en bewaren sullen, in voedinge myt bewaringe
alze den armen noet doet, van sodane tijtlike guederen als Sijerd vorsz. Daerto gevoeget ende geordineert hevet, in sodane manieren Soe
wanneer daer ene offte meer uit stervet so sal men daer een ander arm mensche in elke stede weder upleggen, durende tot ewijgen
dagen, na oere doet, so sal de Vicarius die sie dan inder tijt hevet tot oere Vicarien inder Ae kercke, procurator wesen, ende Een versienre
des Huuses ende der armen vorss. in allen oeren noettdruften sie behoeven mogen van Sodane tijtlike guederen als sie nu daertogegeven
ende geordineert hevet, mijt den anderen de hiir namaels van oeren vrenden offte ander tokomende gaven des huuses vorsz. gegeven mogen
worden, tot genen dienste wijl gemaket offte gebruket hebben, dan tot den armen ende huuses behoeff vorschreven, in kost ende tijmmeringe des huuses
vorsz. Ende dieselve vicarius sal alle jaer up un Annendach den over sienres rekenscap doen, van upgebert ende uutgegeven bij sijnre conscientien
als een ued priester schuldich is te doen. Desse vorsz. rekenscap sal geschien in dijt vorsz. gasthuus als vorsz. is wolde oec de vicarius
dat niet doen als vorss is ende vanden oversienress eens, anderwarff ende derdewarff vermaend worde ende dan dat noch niet doen en
wolde alss vorsz. is, so sullen ende mogen tot allen tijden, die gene de desse vorss. vicarie dan van rechte tobehoert togeven. den Vicarium vorss.
ontsetten ende een ander weder inde stede setten die dat bewaren sal, in allen sinen formen alss sie dat geordineert hefft, ofte tot allen tijden ontwert
to wesen als vorss. is, voert so hefft Sijerd vorss. daerto geordineert den Ersamen Kerckheren ter Ae, mijt twen den oldesten borgermesteren inden
tijt in ons stad mijt enen den oldesten erffgenamen tot ewijgen tijden van oeren geslachte bijnnen onss stad Groningen, ende besitter des huuses op de norder
zijd des vorss. Gasthuusses sal mede wesen ene vanden rechten oversienres ende een oversienre mijtten vorge. vicarius. Ende so vake als daer een
arm mensche uut stervet, So Sal de vicarius mijtten Besitter des huusses daer een ander weder in setten. Ende Weert oeck sake dat de vicarius
dijt niet doen en wolde als vorss. is, so sal hie tot allen tijden de vicarie ontwaerd wesen vanden genen de die vicarie tobehoert toe geven.
Ende Soe biddet Sijerd vorsz. den erbaren gueden mannen vors. omme dat verdienst van Gode den Heren ende den hijlligen armen dijt to wijllen sterken
voert to setten ende bewaren elck in sijnre tyt alzet to vore mach komen tot ewijgen tijden durende. Oeck hefft Sijerd vorss. ons borgermesteren
ende Raed inder tyt gebeden wy ende onse nakomelingen een upsien daer mede up wijllen hebben omme dat verdienst Christi dat dyt voers.
huus myt bewaringe den ellendigen armen in eren mogen bliven geholden worden, dat wij met dancberheide omme bede wyllen
Syerdes vors. angenomen hebben, dat na vermogen te doende, ende gunnen bij consente ons geswoerne meente denselven Gasthuuse ende de
daerynne ontholden alle Staddienst vrij soe lange als dat blivet in sinen wesen als dat geordineert is so vors. is Item, dyt sint die
renten hiir na bescreven daer dyt huus up gestichtiget is ende gefundiert. In den eersten twintich arnem gulden renten uut Wyersumma heert ter lane
in Bedummer Karspel jaerlix to manen daer men rogge mede copen sal so vele als men kan toe sunte jacop to betalen. Item ene halve tunne botter
jaerlix ut Hoykingeheert in Uschwerder Karspel gelegen to Pinxtenachten to betalen. Item bet ene halve tunne butter jaerlix uut Aijwetssumma heert in Huusdunen karspel to sunte jacop to betalen Ende bet. ene halve tunne botter jaerlix uut de Holwynde in Uschwerder Karspel toe vry
market to betalen, uut oeren diele ende derde part daer Dijtmer Rengers die ander twedielen van tobehoren, welke rente vorge. die in Vriesland
gelegen sint, men altijt in manen sal scadeloes myt wat rechte de procuratores ende opsienres vors. des best genogen sunder der armen schade.
Item sovenendetwintich arnems gulden ende drie krumsterte renten uut Lambert backers huus up de Zuuder Zijt vander Ae Kerchoff gelegen daer
salmen mede kopen twe runderen ende eene tunne heringes. Ende drie rinssche gulden renten uut Lubbert Smedeshuus in Herstrate. Ende ses vleemsche
gulden renten derteijn olde Vleemschen voerden gulden uut Roloff Schomakers huus in oesterstrate daer salmen twe schuten torffs mede kopen.
Item vier tunne biers uut oeren huuse up de norderzijde des vorss. gasthuuses gelegen tot ewijgen tyden ene tegens mydwinter die ander tegens de
Advent ende de ander twe tegens der vastene. Ende daer to elken armen ene quaerte boemolye int eerste vander vasten in dessen vors. gasthuuse
uut oeren huuse vors. to boren. Item wes desse armen daer ynne brengen, sal daer ynne bliven, dat se achterlaten daer salmen sie van ter eerden bestedigen
Ende wes daer dan van overblivet, sal wesen tot orbar ende nutticheit der armen ende des gasthuuses vors. Ende de kelck mijtten ornamente als Sijert,
vors. nu daer togestichtiget hefft, sal daer tot ewijgen dagen ijnne bliven sunder alle argelist. Dat orkonden wy myt ons stadzegell, Ende omme
die merne vestenissen wyllen, so alze wij Henric Koenrades Odeken mijn huusfrouwe, Roloff Mepsche ende Wemele mijn huusfrouwe dyt
mede consentieren ende beleven voer ons ende onse erffgenamen doen begeerten Sijerdes vors. ons nychten, So hebben wij, Henric ende Roloff vors. onse zegelen
voer ons ende ons beijder huusfrouwen vors. ende onsen erffgenamen omme oere begeerten mede hijr an gehangen. Ghegeven inden jaer ons heren dusent vier
hundert negenendesoventich des vrydages voor sunte Mycheelsdage doe Johan Conrades, Sweder Kater, Herman Potter ende Roloff Mepsche
borgermesteren waren onss Stad.
Perkament h. 35,5 (inbegrepen plica van 2,3)/
36 (inbegrepen plica van 2,5)
b. 35
verticaal :3x gevouwen
dorso: a. Sijerd ter Hanzow
b. 1479
recto: stempel
zegel: li. : stad
ingehangen
mi. S. Henri
ingehangen middel lijn. 2,8 cm.
re. : wapenschild met helm
ingehangen middellijn. 2,6 cm.
zegelstaarten: mi.. Z.staart: offte sine erffg
myt twelinn
? dat ende vors.
? ven jaeren naest komende
N. staart: ? teyn grasen mogen weder
???
li. : Z.staart ???
In gelandet
???
???geert vors. oec mede
N.staart: eenre vennen van dree ende twintich
???
Opmerkingen:
1. De Oorkonde is in transfix verbonden met 1483. 21 februari
2. Het perkament is verticaal in 4 delen gevouwen
horizontaal ? gevouwen
we, ende bekande dat se voer oer ende oere erffgenamen, tot ten eren Godes Marien sijnre liever moder alle godes hilligen onsen heren gode myt sinen twaleff
Apostelen, Sunte Annen ende Sunte Elijsabeth omme salicheit oere zielen saligen Ottes vors. oers vaders ende moders zielen ende omme alle oere
vrenden zielen die van desser warolt gescheiden sent ende gescheiden mogen worden, mede daer desse goederen van gekomen sint, daer dyt nae-
bescreven Gasthuus van gestichtiget ende geordineert wort ende allen lieven zielen die gestorven sint ende des van noede behoeven, hevet gemaket
ende geordiniert myt gueden voerberaden vullen synnen dat huuss bij oeren huuse gelegen upt Zuuden an de Westerzijde van den rechten Jate
tot behoeff vijffteijn arme menschen, die men aldaer tot ewijgen dagen, van hoeden, holden en bewaren sullen, in voedinge myt bewaringe
alze den armen noet doet, van sodane tijtlike guederen als Sijerd vorsz. Daerto gevoeget ende geordineert hevet, in sodane manieren Soe
wanneer daer ene offte meer uit stervet so sal men daer een ander arm mensche in elke stede weder upleggen, durende tot ewijgen
dagen, na oere doet, so sal de Vicarius die sie dan inder tijt hevet tot oere Vicarien inder Ae kercke, procurator wesen, ende Een versienre
des Huuses ende der armen vorss. in allen oeren noettdruften sie behoeven mogen van Sodane tijtlike guederen als sie nu daertogegeven
ende geordineert hevet, mijt den anderen de hiir namaels van oeren vrenden offte ander tokomende gaven des huuses vorsz. gegeven mogen
worden, tot genen dienste wijl gemaket offte gebruket hebben, dan tot den armen ende huuses behoeff vorschreven, in kost ende tijmmeringe des huuses
vorsz. Ende dieselve vicarius sal alle jaer up un Annendach den over sienres rekenscap doen, van upgebert ende uutgegeven bij sijnre conscientien
als een ued priester schuldich is te doen. Desse vorsz. rekenscap sal geschien in dijt vorsz. gasthuus als vorsz. is wolde oec de vicarius
dat niet doen als vorss is ende vanden oversienress eens, anderwarff ende derdewarff vermaend worde ende dan dat noch niet doen en
wolde alss vorsz. is, so sullen ende mogen tot allen tijden, die gene de desse vorss. vicarie dan van rechte tobehoert togeven. den Vicarium vorss.
ontsetten ende een ander weder inde stede setten die dat bewaren sal, in allen sinen formen alss sie dat geordineert hefft, ofte tot allen tijden ontwert
to wesen als vorss. is, voert so hefft Sijerd vorss. daerto geordineert den Ersamen Kerckheren ter Ae, mijt twen den oldesten borgermesteren inden
tijt in ons stad mijt enen den oldesten erffgenamen tot ewijgen tijden van oeren geslachte bijnnen onss stad Groningen, ende besitter des huuses op de norder
zijd des vorss. Gasthuusses sal mede wesen ene vanden rechten oversienres ende een oversienre mijtten vorge. vicarius. Ende so vake als daer een
arm mensche uut stervet, So Sal de vicarius mijtten Besitter des huusses daer een ander weder in setten. Ende Weert oeck sake dat de vicarius
dijt niet doen en wolde als vorss. is, so sal hie tot allen tijden de vicarie ontwaerd wesen vanden genen de die vicarie tobehoert toe geven.
Ende Soe biddet Sijerd vorsz. den erbaren gueden mannen vors. omme dat verdienst van Gode den Heren ende den hijlligen armen dijt to wijllen sterken
voert to setten ende bewaren elck in sijnre tyt alzet to vore mach komen tot ewijgen tijden durende. Oeck hefft Sijerd vorss. ons borgermesteren
ende Raed inder tyt gebeden wy ende onse nakomelingen een upsien daer mede up wijllen hebben omme dat verdienst Christi dat dyt voers.
huus myt bewaringe den ellendigen armen in eren mogen bliven geholden worden, dat wij met dancberheide omme bede wyllen
Syerdes vors. angenomen hebben, dat na vermogen te doende, ende gunnen bij consente ons geswoerne meente denselven Gasthuuse ende de
daerynne ontholden alle Staddienst vrij soe lange als dat blivet in sinen wesen als dat geordineert is so vors. is Item, dyt sint die
renten hiir na bescreven daer dyt huus up gestichtiget is ende gefundiert. In den eersten twintich arnem gulden renten uut Wyersumma heert ter lane
in Bedummer Karspel jaerlix to manen daer men rogge mede copen sal so vele als men kan toe sunte jacop to betalen. Item ene halve tunne botter
jaerlix ut Hoykingeheert in Uschwerder Karspel gelegen to Pinxtenachten to betalen. Item bet ene halve tunne butter jaerlix uut Aijwetssumma heert in Huusdunen karspel to sunte jacop to betalen Ende bet. ene halve tunne botter jaerlix uut de Holwynde in Uschwerder Karspel toe vry
market to betalen, uut oeren diele ende derde part daer Dijtmer Rengers die ander twedielen van tobehoren, welke rente vorge. die in Vriesland
gelegen sint, men altijt in manen sal scadeloes myt wat rechte de procuratores ende opsienres vors. des best genogen sunder der armen schade.
Item sovenendetwintich arnems gulden ende drie krumsterte renten uut Lambert backers huus up de Zuuder Zijt vander Ae Kerchoff gelegen daer
salmen mede kopen twe runderen ende eene tunne heringes. Ende drie rinssche gulden renten uut Lubbert Smedeshuus in Herstrate. Ende ses vleemsche
gulden renten derteijn olde Vleemschen voerden gulden uut Roloff Schomakers huus in oesterstrate daer salmen twe schuten torffs mede kopen.
Item vier tunne biers uut oeren huuse up de norderzijde des vorss. gasthuuses gelegen tot ewijgen tyden ene tegens mydwinter die ander tegens de
Advent ende de ander twe tegens der vastene. Ende daer to elken armen ene quaerte boemolye int eerste vander vasten in dessen vors. gasthuuse
uut oeren huuse vors. to boren. Item wes desse armen daer ynne brengen, sal daer ynne bliven, dat se achterlaten daer salmen sie van ter eerden bestedigen
Ende wes daer dan van overblivet, sal wesen tot orbar ende nutticheit der armen ende des gasthuuses vors. Ende de kelck mijtten ornamente als Sijert,
vors. nu daer togestichtiget hefft, sal daer tot ewijgen dagen ijnne bliven sunder alle argelist. Dat orkonden wy myt ons stadzegell, Ende omme
die merne vestenissen wyllen, so alze wij Henric Koenrades Odeken mijn huusfrouwe, Roloff Mepsche ende Wemele mijn huusfrouwe dyt
mede consentieren ende beleven voer ons ende onse erffgenamen doen begeerten Sijerdes vors. ons nychten, So hebben wij, Henric ende Roloff vors. onse zegelen
voer ons ende ons beijder huusfrouwen vors. ende onsen erffgenamen omme oere begeerten mede hijr an gehangen. Ghegeven inden jaer ons heren dusent vier
hundert negenendesoventich des vrydages voor sunte Mycheelsdage doe Johan Conrades, Sweder Kater, Herman Potter ende Roloff Mepsche
borgermesteren waren onss Stad.
Perkament h. 35,5 (inbegrepen plica van 2,3)/
36 (inbegrepen plica van 2,5)
b. 35
verticaal :3x gevouwen
dorso: a. Sijerd ter Hanzow
b. 1479
recto: stempel
zegel: li. : stad
ingehangen
mi. S. Henri
ingehangen middel lijn. 2,8 cm.
re. : wapenschild met helm
ingehangen middellijn. 2,6 cm.
zegelstaarten: mi.. Z.staart: offte sine erffg
myt twelinn
? dat ende vors.
? ven jaeren naest komende
N. staart: ? teyn grasen mogen weder
???
li. : Z.staart ???
In gelandet
???
???geert vors. oec mede
N.staart: eenre vennen van dree ende twintich
???
Opmerkingen:
1. De Oorkonde is in transfix verbonden met 1483. 21 februari
2. Het perkament is verticaal in 4 delen gevouwen
horizontaal ? gevouwen
x
| Archief | Groninger Archieven |
|---|---|
| Fonds | Mepschen- of Sint-Annengasthuis |
| Toegangsnummer | 1342 |
| Inventarisnr. | 0001 |
| Jaar | 1479 |
| Datumcode | VaMichae |