’Ghezeke de Veersche tho Rede und Harmen Albert, Ghezeke, Gebbeke hoer kynder’ verkoopen aan prior en convent van ter Apel ten overstaan van Melchior Hede, knape indertydt Sworen Richter tho Asschendorpp ‘eenen befreden und bewrachten off betuenden hoff unde stuke landes belegen in den karspel und onder der cloecken bynnen Hede up dye oestersyet van der straten’.

Ick Melchior van Hede knape inder tydt suoren Richter tho Asschendorpp van bevele
des Erwerdyghen In gode doerluchtyghen
hoech gheboren Ffursten unde heren heren Eryck byscop tho Monster hartoch tho Sassen
Emgeren unde Westfalen myns ghenedyghen leven
heren doe kunt tuge und bekenne openbaer In dessen openen bezegelden breve dat voir
my In bywesen der kornoten unde bystanders
hyer nae bescreven In een recht open heget gherichte sunderlynges tho dessen naebe-
screven zake gheheget woert Erschenen unde gheko-
men Is Ghezeke de Veersche tho Rede unde Bannen Albert Ghezeke Gebbeke hoer kynder
unde bekanden voir em unde oeren Erven
unde anerven geboren eder ongeboren dat se myt vryen wyllen unde goeden rypen voer-
berade hadden verkofft unde verkofften stedes vasten
erffcopes ewelyken unde erfflyken unde leten up myt hande unde munde aldaer yeghen-woerdich voer my Richter voerscreven Indengerichte ewelyken unde erfflyken In een vredelyke hebbende unde brukende were Demen
Ersamen gheestlyken heren broder Jacob priori unde ghemenen Conventualen Ordens des hyllygen Crucis tho Apel unde all oeren
naekomelingen eenen befreden unde bevrachten off betuenden
hoff unde stuke landes belegen Inden karspel unde onder der Cloecken bynnen Hede up
dye Oester Syet van der straten daer Werner
smyt up dye westerzyt ende Syvert Varske botter up dye oester zyet aldernaest by
synt gelandet ende woende dye noertwester eyn
de streckende ande ghemene strate soe groet alss dye tunen nu begrepen hebben unde
Gezeken myt oeren kynderen vorgen. angestor
ven Is Alss dye Ersame heer Henryck Schaerde zalyger ghedechten Commissarius ende
Notarius doe ter tyd Int ghestelick recht hem
tho kande Unde oeck dye Erbaeren unde werdygen heren heer Henrick Schenkynck doemkoster
unde heer Philippus van Hoerde erffheren van Monster sede vacante doer beveel des Erboren doemdekens unde des ghemenen
Capittel heren van Monster verscr. bewares
In Emesland der voerbenoemder Gezeken ende oeren medebescreven tho gekent hebben In
gerichte nae uuthwysinghe zegelle ende breve
Unde des registers myns genedygen leven heren tho Nyenhues voer ene summe geldes dye
Gezeken ende oeren medebescreven vul all unde wall
van priore unde Convente voirscreven die leste pennynck myt den ersten betaelt Is,
soe se danckeden priori unde conventui verscr. gueder betalinge Ende loveden voer hem unde oeren erffgenamen off yummant van hoeren wegen to
ghenen tyden meer na datum sbreves mynerleyge rechtichheit off ansprake myt genen rechten up dyt voirscreven land eder hoffstede tho doen
off tho hebben vry loss onbekummert van allen pacthen
off schulden eder renthen tho wachten ende tho waeren unde allen kommer off tho doende
Ende hefft Ghezeken myt oeren kynderen vorgen. gelovet
unde vertichgenisse gedaen myt aller uplatingen overgegheven unde upgedragen myt
hande unde munde voer em unde oeren erffgenamen geboren unde
ungeboren dyt vorscreven land offte stede unde wollenkomende stede ewyge waerscap
to doen In allen steden unde Rechten voer alle dye ghene de
des tho rechte wyllen komen so vake priori unde Conventui vorscreven des noet unde
hehoeff is buten priors unde conventus voirscreven onkost off scha-
den Soe dat prior unde convent verscr. dyt land stede eder hoff alss dat gelegen Is
mogen braken verhueren verkopen eder verwesselen vry erfflick ende
ewelick tho braken wenden keren unde hoeren vryen wyllen daer mede tho doen buten
gemant Inzegghen Wertzake enych hynder off ge
breek gheschege Inder waerscap loven wy Ghezeken Hermen Albert Gezeke unde Gebbeke vor
screven ende onssen erffgenamen priori unde conventui
vorscreven off holder des breves myt wyllen wall to vernogen buten oeren schaeden
unde wertzake des nicht en schege sall ende mach prior unde Con
vent allen hynder ende schaeden verhaelen unde weder manen up ende uuth all onssen
guederen waer wy de hebben repliek eder onreplick
sunder ons Gezeken ende onsser medebescreven wedersegghen ende ovelen moet buten priors unde conventus hinder ende schaeden myt allen rechten des
em best belevet gheen recht den anderen tho behinderen onverclaget voer heren amptluden offte anders yemande sunder alle argelyst alle
punten ende articulen samentlyken ende een ygelick bysunderen stede vast wollenkomen
tho holden love wy Ghezeke unde myne medebescreven
vorscreven vor ons ende onsse erven ende anerven sunder alle hinder ende bedroch
Daer myt my an ende over weren koernoten des gherichtes Johan
Bouwer ende Wyllyke Suarinck Bystanders de vrome heer Harmen Boschoff pastor tho
Beden unde Hinrick van Rede unde meer vromer
luede genoch In Orkunde der warheit aller punten stede vast tho holden tho ewygen
tyden hebbe Ick Melchior van Hede knape unde Rich
ter vorscreven myn Ingezegell van gerichtes wegen an dessen breeff gehangen Ghegeven I
den Jaer onss heren Dusent vjjffhundert unde
Sesteyne des derden dages nae sunte Katherinen der hilliger Junfer.
DORSO : Item de pervo ortulo sine domistadio in Heden empto a quadam matrona tho Reden.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	39
Regestnr.	179
Register Feith	1516.015
Jaar	1516
Datumcode	tCathar

x

x

x

Commentaar	Met het zegel van Melchior in groene was

x

Commentaar	N.B. Vermeld Feith Reg. 1516 no. 15.