Johan Renghers ‘ritter, hovetlinck und heer toe Schermer’ verkoopt aan Jacob van Winckel, prior und ghemen convent toe Apell zijne twee erven in de buurtschap van Empne, Olde en Nije Rosinck geheeten, door welken koop zullen ‘doet wesen alle de mudde, de dit vors, convent van data des breves op dit vors erve plach toe hebben’, bovendien belooft Johan Renghers vrijwaring tegen allen die eenig recht op deze 2 erven mochten pretendeeren ‘uut bescheiden und uutgesproken kerckenrechte und horen tense, een braspenninc des jaers und een half schat rogge ewige renthe in de vicarie toe Empne, und de tende de daer uut dat halve mudde landes gaen, de Valkenhutte ghegeyten, welcke tende Roloff Smeinge ontfanget und toehoert’.

Ick heer Johan Renghers Ritter hovetlinck unde heer toe Schermer bekenne unde betughe
in dessen openen besegelden breve voer
my unde all mynen erffgenamen dat ic myt minen vrien willen unde wael beradenes modes verwisselt unde verkofft hebbe ste-
des vastes ewyghes erffkopes demen ersamen unde gheesteliken heren broder Jacob van
Winckel prior unde ghemenen con
vent toe Apell ordens des heyligen Cruces unde all eren nakomelinghen myne vrye twe erven in de buerscop unde onder
der clocken toe Empne gheleghen Olde unde Nye Rosinck gheheten mit all sinen toebehore nicht daer aff uutghescheyden
als mit hofsteden unde huse unde mit een voll heel waer unde schare hoylant unde bou-
lant als bynamen vierendevyftich mudde
boulandes heyde weyde holte torve watere unde vene unde in aller maneren soe dat ghe-leghen is unde rechten in der marke
kerspele unde der clocken toe Empne off daer buten unde toe dosser tyt toe ghebruket
is daer tho van oldes
voer een Summe gheldes unde mudde de mi heer Johan Renghers verscreven vol all unde wall
toe minen willen betaelt syent
de leste penninc mitten eersten als verscreven is ende hier mede sullen doet wesen alle
de mudde de dit verscreven convent van da (sic)
data dessen breves op dit verscreven erve plach toe hebben Ende ic heer Johan Rengers
verscreven love den prior unde convent
verscreven unde alle ere nakomelingen tot ewigen tyden voer mi ende minen erffgenamen
dusser twier verscreven erven
mit siner alingher tobehoringe gode vaste rechte volkomene waerscop toe done unde vry
toe waren in allen
rechten onbelastet onbetenset unde onbezwaert van yenigen rechten off renten voer alle
de ghenen de daer
mit rechte op spreken mogen sunder Argelyst uutbescheyden unde uutghesproken kercken-
rechte unde horen
tense een braspenninc des iaers unde een half schat roggen ewigen renthen inder vicarien
toe Empne unde de
tende de daer uuit dat halve mudde landes gaen de Valkenhutte gheheyten welcke tende
Roloff Smeinge ontfanget unde toe hoert als dat verscreven halff mud landes ghesayt
wart unde anders
nicht ende ic heer Iohan Rengers verscreven byn desser twyer erven verscreven alingen
uutgaen unde vertegen erfliken unde ewliken mit
hande unde monde als lantrecht is in Drente unde hebben de verscreven erven ghelaten
in macht cracht unde ghewolt des verorben. (sic)
convent verscreven dat se voert nae data dessen breves daermede mogen doen ende laten
wenden unde keren ende all eren willen doen
buten mij ende minen erfgenamen besperinge eder ovelen moet of wederseggen unde heb den
prior ende convent verscreven den stock
daer van ghelacht voer den boeren van Empne als bynamen Gert Stuve Hermen Roesveck
Peter Copes unde meer goder lu-
den ghenoch In orkonde dar waerheyt aller punten verscreven de stede vaste ende onverbro-
ken to holden heb ic heer
Johan Rengers verscreven voer mi ende min erfgenamen unde all myn anervent myn ingeseghel
an dessen breeff ghehangen unde
omme mere vestenisse dessen kopes unde breves hebbe ic heer .ohan Rengers verscreven
ghebeden Egbert inden hoff inder
tyt scholte toe Empne dessen breeff voer mi ende all minen erfg.namen mede toe besegellen
welck ic Egbert inder
tyt scholte verscreven bekenne mi gherne ghedaen to hebben omme bede willen heren Iohans
verscreven ende hebbe myn segel mede
beneden by heer Iohans verscreven segel an dessen breeff ghehangen. Gegheven in den iaer
ons heren dusent vierhondert
unde een ende tneghentich op sunte Dominicusdach .es ....igen confessoers.
Kta092a

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	9
Regestnr.	92
Register Feith	1444.013.19
Jaar	1491
Datumcode	Domini

x

x

x

Commentaar	Aan het andere gemerkt ‘A’ is het zegel van Egbert in den Hof bewaard en dat van Rengers verloren.

x

Commentaar	N.B. Vermeld Feith Reg. 1444 no. 13.