Burgemeesters en raad te Groningen verklaren dat de gebroeders Roloff Entes en Evert Entes enerzijds en de gezusters Aleff en Dedeke van den Berghe anderzijds, op aanraden en met toestemming van Lamme Eysinge, ministerse van het Olde Convent, een landruil aangaan, waarbij Aleff en Dedeke krijgen een stuk land tussen de Verydemewech en de Vremerwech in het stadshamrik met twee nabijgelegen stukken land, en Roloff en Evert krijgen het land en het huis met erf, hof, schuur en weiden dat Alert ten Berghe, de vader van Aleff en Dedeke, placht te gebruiken.

Wij Borghermeistere ende Raet in Groningen bekennen ende tughen mit dessen openen breve dat voer ons synt ghecomen Roloff
Entes ende Evert Entes ghebroders an de ene sijd Aleff vanden Berghe ende Dedeke vanden Berghe zusters an de ander sijde ende bekan
den dat sie onder em enen wissel van lande ende guede ghedaen hebben in manieren hijr na ghescreven soe dat Aleff ende Dedeke
voerscr. by rade ende consente Lamme Eysinge meystersche van den olden convente in onser stad tot enen rechten wissel hebben overghe-
wiset ende overghegeven Roloff ende Everde voerscr. ende oeren erfgenamen vrij ende quijt erfliken ende eweliken te bruken ende te besitten all alsulk
lant ende erve mit huse mit hove mitter schure ende mit maden ghelegen in der merken ten Berghe ende to Noertlaren mit alle synen
tobehoren alst Alert ten Berghe Aleff ende Dedeken vader in voertijden plach te bruken daer Rickart Beyers naest by ghelandet is up
de zuet sijde mit vijfftehalve rode landes ende Hanne Wemels up de noert sijde mit vier roden daer Aleff ende Dedeke voerscr. Ro-
loff ende Everde voerscr. den stock van gheleghet hebben na lantrechte als sie bekanden Ende an dit voerscr. lant erve hues ende hoff mit
der schure ende maden voerscr. hebben Roloff ende Evert voerscr. voer em ende oeren erfgenamen weder overghewiset ende overghegeven Aleff
ende Dedeken voerscr. eweliken te bruken ende te besitten ene venne landes van vijff grasen landes daer de ander halfte Deetmar Ren-
gers ende Wybrande Clant van tobehoert ende is ghelegen in der stad hemmerke tusschen Verydemewech ende Vremerwech daer up de
oester syde naest by ghelandet syn Lutgart Schultinges ende Roloff ende Evert voerscr. ende up de wester sijde de zusters vanden Olden
convente voerscr. ende Gheert Wybens. Item ene venne landes van vijff grasen landes de ghelegen is up de wester sijde van der voerscr.
venne daer Gheert Wybens lant by licht up de noert sijde ende der zusteren voerscr. lant up de zuet sijde ende strecket sick westwert
an dat nye deep Ende voert een halff gras landes ghelegen mitten vijff grasen voerscr. daer Deetmar Rengers ende Wybrant Clant
de ander helffte van tobehoert dat Roloff ende Evert voerscr. als sie bekanden den zusteren vanden Olden convente voerscr. vercoft hebben
voer ene summe gheldes de em vul ende al betaelt is. Dat orkunde wij mit onser stad seghel Ghegeven inden jaer onss heren dusent
vierhundert neghen ende twintich des naesten daghes na onser vrouwen daghe visitacio doe Egbert van Banlo Bruyn Klinge Evert
Hubbelding ende Lubbert Leuwe borghermeistere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	343
Regestnr.	135
Olim	Arch. Olde Convent, inv.nr. 24, reg. 8. Reg. Feith 1429.4.
Jaar	1429
Datumcode	cVisMar

x

x

Commentaar	Met het stadszegel

x

Materiaal	perkament