Egbertus, prefect van Groningen, Adolfus, zijn zoon, Otto, ridder te Groningen, en Snelgerus van Scharmer verklaren uitspraak te hebben gedaan in het geschil tussen de abt en het convent te Aduard enerzijds en de ingezetenen van Oosterwolde ('Osterwald') en Go ('Gha') anderzijds betreffende een dam in de Groeve.

Egbertus praefectus in Groninge et Adolfus filius eius,Otto miles de Groninge et Snelgerus laicus de Skiramere universis praesentia visuris salutem in filio virginis gloriose. Ratio docet consona veritati ut acta praesentium temporum digna memorie
scriptis et sigillorum appensionibus integra sic serventur ne per oblivionem exordant memoriam futurorum. Tenore igitur praesentium protestamur quod nos super suborta materia questionis atque dissensionis inter abbatem et conventum de sancto
Bernardo in Adwarth ex perte una et homines de Osterwalda et Gha ex perte altera de Dammone qui Slachte vulgariter appallatur facto ab hominibus praedictis videlicet de Osterwald et Gha in fossato quod 'Growe' communiter dicitur pro restrictione
seu obstructione meatus aque per praedictum fossatum decurrentis ad hoc pleno assensu utriusque partis accedente ipsoque assensu seu compromissionis arbitrio pena centum marcarum sterlingorum legitime vallato, compositionis
formam ordinavimus perpetuo observandam conditionibus hiis annexis videlicet quod si praefrati homines de Osterwalda et Gha aggerem seu obstructionem aque que in vulgo 'Sidwendene' dicitur de loco qui dicitur Geraldiswere facere decre....
et ipsa aque obstructio seu agger praedictus concurrente assensu eorum qui habitant ex altera parte Geraldiswere in parte videlicet meridionali potuerit stabiliri abbas et conventus de Adwarth supradictum were custodiant et observent sicut
hactenus servasse dinoscuntur et quicquid de cetero eidem conventus videlicet postquam iam dictus agger seu aque obstructis fuerit pacifice stabilita exigente iusticia observanum ordinavimus abbas ac conventus supradictus firmiter
observabunt. Adiecimus etiam quod homines sepefati de Osterwald et Gha illud Slachte sive Damme supradictum habeant ad sue libitum voluntatis. Predicti quoque abbas et conventus de Adwarth paludem suam in
Everdiswald et omnem hereditatem suam ibidem iacentem ad usus suos libere convertant prout noverint sibi melius expedire ita ut in fodiendis cespitibus in praedicta palude vel in colendis agris prolongandaque hereditate ipsa
atque dilatanda ab hominibus iam nominatis non debeant ullatenus impediri quinquaginta et duas virgas praefatus conventus in hereditatis latitudine habuit in Everdeswalda ipse quo fecimus finem istum deinceps
autem si dilataverit eandem hereditatem dabit exactionem que in vulgo 'scot' dicitur secudum quod de sua hereditate ante nostram praesentem ordinationem adepta hactenus dedisse cognoscitur omnibus aliis exactionibus praetermissis.
Insuper si dicti homines de Osterwalda et Gha dixerint dampnum sibi factum in restrictionibus quas fecerunt in fossato quod Growe supra nominavimus a personis supradicti conventus in Adwarth et conventus idem hoc negaverit fratresque .....
dictante ..... facere voluerint septem advocatorum suorum iuramentis legitime se expurgent. Preterea quatuor parta litterarum praesentis tenoris fecimus quarum unam dedimus conventui de Adwarth, aliam hominibus de Oster
walda, terciam domino Snelgero layco de Skiramere, quartam vero nos E. praefectus in Groninge retinemus in huius facti memoriam futurorum. Praedictarum ergo litterarum quamlibet sex sigillis videlicet nostro sigillo nos E praefectus
civitatis Groninge, terre Hunesgonie, terre Fivelgonis, terre Threntie et abbatis de sancto Bernardo in Adwarth fecimus insigniri. Actum et datum Groninge anno domini M^o CC^o LXXXV dominica qua cantatur Misericordia
Praesentibus Eltato Gaykinga, Ivone et Eylwardo fratribus de Frenchem in Hunesgonia, Arnaldo et Johanne fratribus de Suthlare, Enekone et Swegero fratribus dictis Helmerchiamensis allis quam pluribus fide dignis.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	41
Regestnr.	13
Olim	Arch. Klooster Aduard, inv.nr. 11, reg. 3. Reg. Feith 1285.1.
Jahr	1285
Datumcode	MisDom

x

x

x

Kommentar	Met de zegels van Egbertus, de stad Groningen, Hunsingo en de abt van Aduard; de zegels van Fivelgo en Drenthe zijn verloren

x

Material	perkament

x

Editionen	Oorkondenboek Groningen en Drente, nr. 168 (ogd0168).

x