Wy borgermestere ende Raed in Groningen betugen myt dessen openen breve dat voer ons is gekomen
her Johan van Munster pater des clerchuses by sunte Wolberge kercke in onser stad ende bekande van
wegen der broderen des selven huuses vorscr. ende oeren nakomelingen dat hie hevet verpachtet
ende verhuert tot ewyger hure Herman Henrickssen ende sinen erffgenamen Ene hofstede gelegen ande
norder zyd van Damster wech daer Herman vorscr. selven up de oester ende wester zyden naest by ter
zwette licht streckende nortwert an Asken Hissens erve vry ende quyt Erffliken ende ewliken
to bruken ende to besitten des jaers voer vier Arnemsen gulden Teyn onser stad vlegers voer
datum desbreves gemuntet offte payment dat daer guet voer is voer elken gulden gerekent
jaerlix to betalen Erffliken ende ewliken alze stad recht is sunder argelist Dat Orkonde
sy myt onser stad zegel Ghegeven inden jaer ons heren dusent vierhundert ende tachtentich des
dinxdages na den Soendage Reminiscere Doe Gosen van Dulk Johan Tedema Johan
Koenrades ende Gharmet Allema borgermestere waeren onser stad.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0147
Regestnr.	188
Register Feith	1480.007.1
Jaar	1480
Datumcode	MpRemini

x

x

x

Materiaal	perkament