| Nummer:fal085 | Datum:31 mei 1538 | Overlevering:Origineel | Vindplaats:F.A. Lewe, inv.nr. 0012, reg. 085 |
In den name godes Amen Allen den ghenen de dessen breef sollen sien off horen lesen zij kondich ende openbaer datter Echtschap ende hilick ter Eren
des almachtigen godes ende tot vulmeringhe des hilligen echten staets tusschen den Erberen ende vromen Joest Lewe ende Junffer Lijsabeth Addingha bij mande
vrunde Raet et consent bededinghet ghemaket ende besloten is In formen ende maneren nabescreven. Inden eersten Is men mijt Joests Lewen vurs. guedt to vreden. Hijr
en teghens ghefft de veste ende vrome Haije Addingha van Westerwoldt sijner suster Junffer Lijsabeth vurs. mede to boele Inden eersten vijfftich grase landes gelegen
to Eppingehusen de Hecke Obelens nutertijdt brukende is. Noch bet veertich grase landes gelegen upt Sant daer Lijppe nutertijdt up woent. Noch beth twijntich
hondert landes ende elff koe gras Ende twe scape grasen gelegen up Wthusermeden bijnnen ende buten dijcks de Lambert Hermens nutertijdt In de hure hefft. Item
wt mester Peter Kremers hues daer Jacob Tammijnghe nw In woent gelegen ande noerder zijdt ant Vijsmarket een vertichstehalff an. gulden Jaerlicker renten. Item
noch een halff huis gelegen In Ebbinghe strate daer Luloff Conerts Int noerden et salighe Evert Doesseler Int zueden naest bij gheswettet sijnt. Item beth ses
koe weides gelegen buten Botteringhe poerte up de Middelsten essch. Noch vijff ende dartich Jucke landes ende een heem gelegen to Wee de Henrick Schroder ende
Voncentius ? nutertijdt In de hure hebben. Item noch wt Johan Volkers hues bijder Ae kercke een franxsche schilt Jaerlicken renten. Noch beth wt de goltsmijt Claes Vresen
hues aldenaest Johan Volkers hues vurs. dree franxsche schilden Jaerlicker renten. Item noch sodane lant als Katherina Henricks to Dornewert In de hure hefft dat
olde schatte plecht to bruken daer sie nw voer hoefft twalff golden kromen. Desse vurs. landen ende guederen lovet Haijo Addingha vurs. vrij te leveren ende to waren
ende hijr mede sal Junffer Lijsebeth affgescheiden wesen van haers vaders ende moders nagelatene guederen woe ende waer de gelegen bijnnen. Verder sijnnen In desse hilcx
vorwerden besloten off Joest Lewe off Junffer Lijsabet Addingha vurs. ene van hen beiden afflivich worde ende kinder Inden levende nalete soe sal de dode sijn guedt
dat hie Ingebracht hefft erven up de kinder Ende off de kinder storven soe sethen de erven up de vader off moder de Inden levende is sijn off haer levent lanck daer
nae sal dat guedt erven daer het gekomen is. Item off Joest Lewe vurs. storve sonder wittelicke geboerte voer Junffer Lijsabeth vurs. soe ghefft hie Junffer Lijsabeth
hoer levent lanck to bruken alle de guederen de Joest Lewe liggende hefft onder de klocke van Peijse mijt dat erve Teransowe. Ende off Junffer Lijsabeth vurs. be-
gherede van desse vurs. guederen stocklegginghe to hebben des falmen hoer niet weigeren. Ende storve oeck Joest Lewe voer Junffer Lijsabeth vurs. ende kinder ...... dan Inden
levende weren soe sal Junffer Lijsabeth vurs. holden alle de guederen de Joest Lewe liggende hefft onder de klocke van Peijse mijt dat erve Teransowe hent ter tijdt
ende soe langhe de kinder groet ende tot horen Jaren gekomen sijnt soe sollen de kinder hoer daer von gheven wederom alle Jaer hoer levent lanck hondert golden gulden
van ghewichte wt Joest Lewens vurs. guederen. Storve oeck Junffer Lijsabeth vurs. voer Joest Lewe sonder wettelicke geboerte In den levende wesende soe sal hie wt hoer
guederen verbetert wesen vijfftich golden gulden van gewichte Jaerlickse lijffrenten. Item noch is In hilcxvorwerden begrepen storve Joest Lewe off Junffer Lijsabeth vurs.
hoer ene vorden ander sonder wettelicke geboerte soe moeghen sie malkanderen Inden levende belijftochtigen soe vake als sie willen oeck mijt een Clenoet off
rede penninck beghifftigen soe groet als sie willen. Item oeck off Joest Lewe ende Junffer Lijsabeth vurs. beide storven ende van hun kinderen In den levende weren ende
de kinder na storven sonder wettelicke geboerte soe sal een ijder guedt wederom erven an de zijdt daer dat heergekomen is. Item oeck harer beide schade ende bate
ende togewonnen guederen sollen halff ende halff wesen. Alle dit vurs. sonder Argelist In orkonde der waerheit hebbe Ick Joest Lewe vurs. mijn Segel beneden
an dessen brieff gehangen Ende tot merer vestenisse ende vaster stederheit gebeden den Erberen ende vromen Derck Schaffer ende Gheert ter Borch desse hilcxvorwerden
mede to besegelen. Ende Ick Haijo Addingha vurs. want Ick selves noch gheen Segel en bruke hebbe mede gebeden den Erberen voersichtigen ende vromen Johan
Schatter Reijnt Alberda Borghemesteren ende Baltazar van Dedem desse hilcxvorwerden van wegen mijner suster vurs. mede to besegelen die wij Derck Schaffer
Gheert ter Borch Johan Schatter Reijnt Alberda ende Baltazar van Dedem omme bede wille soe vurs. ende als vrunde maghe ende hilcxluede to beijden ziden die
over gehaelt gheesschet ende gebeden ende bij an ende over sijnt gewest gherne gedaen ende elck onse Segel beneden an dessen brieff gehangen hebben Gegeven to
Groningen In den Jaer onsses heren dusent vijffhondert ende achtendartich upten laesten dach des maents Maij.
des almachtigen godes ende tot vulmeringhe des hilligen echten staets tusschen den Erberen ende vromen Joest Lewe ende Junffer Lijsabeth Addingha bij mande
vrunde Raet et consent bededinghet ghemaket ende besloten is In formen ende maneren nabescreven. Inden eersten Is men mijt Joests Lewen vurs. guedt to vreden. Hijr
en teghens ghefft de veste ende vrome Haije Addingha van Westerwoldt sijner suster Junffer Lijsabeth vurs. mede to boele Inden eersten vijfftich grase landes gelegen
to Eppingehusen de Hecke Obelens nutertijdt brukende is. Noch bet veertich grase landes gelegen upt Sant daer Lijppe nutertijdt up woent. Noch beth twijntich
hondert landes ende elff koe gras Ende twe scape grasen gelegen up Wthusermeden bijnnen ende buten dijcks de Lambert Hermens nutertijdt In de hure hefft. Item
wt mester Peter Kremers hues daer Jacob Tammijnghe nw In woent gelegen ande noerder zijdt ant Vijsmarket een vertichstehalff an. gulden Jaerlicker renten. Item
noch een halff huis gelegen In Ebbinghe strate daer Luloff Conerts Int noerden et salighe Evert Doesseler Int zueden naest bij gheswettet sijnt. Item beth ses
koe weides gelegen buten Botteringhe poerte up de Middelsten essch. Noch vijff ende dartich Jucke landes ende een heem gelegen to Wee de Henrick Schroder ende
Voncentius ? nutertijdt In de hure hebben. Item noch wt Johan Volkers hues bijder Ae kercke een franxsche schilt Jaerlicken renten. Noch beth wt de goltsmijt Claes Vresen
hues aldenaest Johan Volkers hues vurs. dree franxsche schilden Jaerlicker renten. Item noch sodane lant als Katherina Henricks to Dornewert In de hure hefft dat
olde schatte plecht to bruken daer sie nw voer hoefft twalff golden kromen. Desse vurs. landen ende guederen lovet Haijo Addingha vurs. vrij te leveren ende to waren
ende hijr mede sal Junffer Lijsebeth affgescheiden wesen van haers vaders ende moders nagelatene guederen woe ende waer de gelegen bijnnen. Verder sijnnen In desse hilcx
vorwerden besloten off Joest Lewe off Junffer Lijsabet Addingha vurs. ene van hen beiden afflivich worde ende kinder Inden levende nalete soe sal de dode sijn guedt
dat hie Ingebracht hefft erven up de kinder Ende off de kinder storven soe sethen de erven up de vader off moder de Inden levende is sijn off haer levent lanck daer
nae sal dat guedt erven daer het gekomen is. Item off Joest Lewe vurs. storve sonder wittelicke geboerte voer Junffer Lijsabeth vurs. soe ghefft hie Junffer Lijsabeth
hoer levent lanck to bruken alle de guederen de Joest Lewe liggende hefft onder de klocke van Peijse mijt dat erve Teransowe. Ende off Junffer Lijsabeth vurs. be-
gherede van desse vurs. guederen stocklegginghe to hebben des falmen hoer niet weigeren. Ende storve oeck Joest Lewe voer Junffer Lijsabeth vurs. ende kinder ...... dan Inden
levende weren soe sal Junffer Lijsabeth vurs. holden alle de guederen de Joest Lewe liggende hefft onder de klocke van Peijse mijt dat erve Teransowe hent ter tijdt
ende soe langhe de kinder groet ende tot horen Jaren gekomen sijnt soe sollen de kinder hoer daer von gheven wederom alle Jaer hoer levent lanck hondert golden gulden
van ghewichte wt Joest Lewens vurs. guederen. Storve oeck Junffer Lijsabeth vurs. voer Joest Lewe sonder wettelicke geboerte In den levende wesende soe sal hie wt hoer
guederen verbetert wesen vijfftich golden gulden van gewichte Jaerlickse lijffrenten. Item noch is In hilcxvorwerden begrepen storve Joest Lewe off Junffer Lijsabeth vurs.
hoer ene vorden ander sonder wettelicke geboerte soe moeghen sie malkanderen Inden levende belijftochtigen soe vake als sie willen oeck mijt een Clenoet off
rede penninck beghifftigen soe groet als sie willen. Item oeck off Joest Lewe ende Junffer Lijsabeth vurs. beide storven ende van hun kinderen In den levende weren ende
de kinder na storven sonder wettelicke geboerte soe sal een ijder guedt wederom erven an de zijdt daer dat heergekomen is. Item oeck harer beide schade ende bate
ende togewonnen guederen sollen halff ende halff wesen. Alle dit vurs. sonder Argelist In orkonde der waerheit hebbe Ick Joest Lewe vurs. mijn Segel beneden
an dessen brieff gehangen Ende tot merer vestenisse ende vaster stederheit gebeden den Erberen ende vromen Derck Schaffer ende Gheert ter Borch desse hilcxvorwerden
mede to besegelen. Ende Ick Haijo Addingha vurs. want Ick selves noch gheen Segel en bruke hebbe mede gebeden den Erberen voersichtigen ende vromen Johan
Schatter Reijnt Alberda Borghemesteren ende Baltazar van Dedem desse hilcxvorwerden van wegen mijner suster vurs. mede to besegelen die wij Derck Schaffer
Gheert ter Borch Johan Schatter Reijnt Alberda ende Baltazar van Dedem omme bede wille soe vurs. ende als vrunde maghe ende hilcxluede to beijden ziden die
over gehaelt gheesschet ende gebeden ende bij an ende over sijnt gewest gherne gedaen ende elck onse Segel beneden an dessen brieff gehangen hebben Gegeven to
Groningen In den Jaer onsses heren dusent vijffhondert ende achtendartich upten laesten dach des maents Maij.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0012 |
| Regestnr. | 085 |
| Register Feith | 1538.024 |
| Jaar | 1538 |
| Datumcode | 3105 |