| Nummer:fae140 | Datum:5 maart 1516 | Overlevering:Origineel | Vindplaats:F.A. Van Ewsum, inv.nr. 0167, reg. 140 |
Wy burgermeysteren Scepenen ende Raedt der Stadt Campen doen kondt allen luden die dessen onsen tegenwoirdigen
openen breeff sullen sien lesen offte hoeren lesen certificerende voer die rechte waerheyt dat op datum onderbescreven voer ons
gecomen ende erschenen syndt inden gerichte daer to mit Recht verboet ende gedrongen synde die eersame Johan Kruese onse
mederaisfrundt Ende Henrick Croeser onse borger Ende hebben aldaer lijfflick ten hilligen mit opgerichten vingeren gestavedes
edes swerende een tuychnisse der waerheyt gedaen dat oer wyttich ende condich is dat over ene maent verleden to hem
beyden synnen gecomen Henrick ende Andreas van Trier gebroders Ende beden hem dat sy doch so well wolden doen
ende gaen mit hem in dat breder cloester tot joncker Reloff van Euwessum want Andreas vorscr. hadde een hantscryft
van Joncker Reloff dat hy schuldich was vyff honden golden guldenen mit etlicke andere hoefftluden de oeck in dat
selffde hantscryfft staen benoempt so synnen sy met hem gedaen in dat vorscr. cloester daar sy vonden Joncker Reloff
milt synen knecht meyster Lambert van Vendroit ende Johan Schultwick So sprack Andrees vorscr. Joncker Reloff
to voer de vyff hondert golden guldenen vorscr. Daer op Joncker Reloff begheerde dat hantteyken to horen twellick
hem voergelesen wordt Ende alset hem voergelesen was begheerde Joncker Reloff dat men hem dat hanteycken
solde laten sien Ende worde hem inder handt gedaen Ende hy besach dat well seggende dit sweemt na mynre handt
Ende sede voert tot Anreas vorscr. hebbe ghy oeck enen machtichbreeff dat gy machtich syndt die ghelde tontfangen
Do sede Andrees neen anders nicht dan dat hantscryfft daer op Joncker Reloff ende de vorgen. getuigen antworden
dat en were neyt genoich an dat hantscryfft angesien dattet hantscryfft op Andreas neyt en holde Do sede
Andrees hy wolde hier bynnen viertyendagen enen breeff brengen dat hy dat machtich was Do sede Joncker Reloff
hy wolde gheerne syn andeel betaelen indien dattet neyt betaelt en were, hy hadde to gysell geseten van des
landes wegen Ende woste anders neyt dan de stad van Gronnyngen de vorscr. gelde betaelt hadt. Andrees solde to
Gronnyngen reysen op Joncker Reloffs cost brachte he enen breeff vander Stadt van Gronnyngen dattet neyt betaelt
en were Joncker Reloff wolde syn andeell betaelen Daer op Andrees antwoerde seggende neyn hij en wolde to
Gronnygen neyt Do sede Joncker Reloff Andrees solde daer hen reysen Joncker Reloff wolde gherne de pennyngen
setten in des Rades offte Johan Kruesen handen So sede Andrees hy en wolde to Gronnyngen neyt Joncker Roloff
solde daer hein reysen offte ymants hen sendende bewys brachte in viertien dagen dat de pennyngen betaelt weren
Andrees wolde onder des enen machtiges breeff brengen dat hy machtich was de pennyngen tontfangen Do sede Joncker
Reloff hy en conde dat so en neyt doen Daer to de vorscr. getugen tusschen beyden sprecken dattet solde staen blyven
hent over enen maent dan solde Joncker Reloff bewys brengen dattet ghelt betaelt were offte he wolde hem syn
part gheldes geven inden dat Andrees sodane bewys brachte dat hy dat ghelt machtich was tonfangen sonder
argelist. Des gelycken is oeck vooer (sic) ons inden vorscr. gericht erschenen de vorgen. Johan Schultinck daer to alse
Recht verb...et mede lyfflick ten hilligen gestavedes edes swerende dat dese vorgen. puncten alles als vorscr. is inder
waerhhyt also gheschien syndt daer hy ter selver tydt mede over ende an is gewest tselve aldus anhoerende Ende
wattet dan godlick ende verdienstelick is een getuychnisse der waerheyt to geven bysonders alsmen daer to
versocht wordt hebben wy des also versocht syndt toerkunde alles wes vorscr. is onser Stadt Secreet segell
onder an dessen onsen breeff gehangen Gegeven int jaer ons heeren dusent vyffhondert ende sestien den vyfften
dach in marto.
openen breeff sullen sien lesen offte hoeren lesen certificerende voer die rechte waerheyt dat op datum onderbescreven voer ons
gecomen ende erschenen syndt inden gerichte daer to mit Recht verboet ende gedrongen synde die eersame Johan Kruese onse
mederaisfrundt Ende Henrick Croeser onse borger Ende hebben aldaer lijfflick ten hilligen mit opgerichten vingeren gestavedes
edes swerende een tuychnisse der waerheyt gedaen dat oer wyttich ende condich is dat over ene maent verleden to hem
beyden synnen gecomen Henrick ende Andreas van Trier gebroders Ende beden hem dat sy doch so well wolden doen
ende gaen mit hem in dat breder cloester tot joncker Reloff van Euwessum want Andreas vorscr. hadde een hantscryft
van Joncker Reloff dat hy schuldich was vyff honden golden guldenen mit etlicke andere hoefftluden de oeck in dat
selffde hantscryfft staen benoempt so synnen sy met hem gedaen in dat vorscr. cloester daar sy vonden Joncker Reloff
milt synen knecht meyster Lambert van Vendroit ende Johan Schultwick So sprack Andrees vorscr. Joncker Reloff
to voer de vyff hondert golden guldenen vorscr. Daer op Joncker Reloff begheerde dat hantteyken to horen twellick
hem voergelesen wordt Ende alset hem voergelesen was begheerde Joncker Reloff dat men hem dat hanteycken
solde laten sien Ende worde hem inder handt gedaen Ende hy besach dat well seggende dit sweemt na mynre handt
Ende sede voert tot Anreas vorscr. hebbe ghy oeck enen machtichbreeff dat gy machtich syndt die ghelde tontfangen
Do sede Andrees neen anders nicht dan dat hantscryfft daer op Joncker Reloff ende de vorgen. getuigen antworden
dat en were neyt genoich an dat hantscryfft angesien dattet hantscryfft op Andreas neyt en holde Do sede
Andrees hy wolde hier bynnen viertyendagen enen breeff brengen dat hy dat machtich was Do sede Joncker Reloff
hy wolde gheerne syn andeel betaelen indien dattet neyt betaelt en were, hy hadde to gysell geseten van des
landes wegen Ende woste anders neyt dan de stad van Gronnyngen de vorscr. gelde betaelt hadt. Andrees solde to
Gronnyngen reysen op Joncker Reloffs cost brachte he enen breeff vander Stadt van Gronnyngen dattet neyt betaelt
en were Joncker Reloff wolde syn andeell betaelen Daer op Andrees antwoerde seggende neyn hij en wolde to
Gronnygen neyt Do sede Joncker Reloff Andrees solde daer hen reysen Joncker Reloff wolde gherne de pennyngen
setten in des Rades offte Johan Kruesen handen So sede Andrees hy en wolde to Gronnyngen neyt Joncker Roloff
solde daer hein reysen offte ymants hen sendende bewys brachte in viertien dagen dat de pennyngen betaelt weren
Andrees wolde onder des enen machtiges breeff brengen dat hy machtich was de pennyngen tontfangen Do sede Joncker
Reloff hy en conde dat so en neyt doen Daer to de vorscr. getugen tusschen beyden sprecken dattet solde staen blyven
hent over enen maent dan solde Joncker Reloff bewys brengen dattet ghelt betaelt were offte he wolde hem syn
part gheldes geven inden dat Andrees sodane bewys brachte dat hy dat ghelt machtich was tonfangen sonder
argelist. Des gelycken is oeck vooer (sic) ons inden vorscr. gericht erschenen de vorgen. Johan Schultinck daer to alse
Recht verb...et mede lyfflick ten hilligen gestavedes edes swerende dat dese vorgen. puncten alles als vorscr. is inder
waerhhyt also gheschien syndt daer hy ter selver tydt mede over ende an is gewest tselve aldus anhoerende Ende
wattet dan godlick ende verdienstelick is een getuychnisse der waerheyt to geven bysonders alsmen daer to
versocht wordt hebben wy des also versocht syndt toerkunde alles wes vorscr. is onser Stadt Secreet segell
onder an dessen onsen breeff gehangen Gegeven int jaer ons heeren dusent vyffhondert ende sestien den vyfften
dach in marto.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0167 |
| Regestnr. | 140 |
| Jaar | 1516 |
| Datumcode | 0503 |