| Nummer:fae086 | Datum: | Overlevering:Origineel | Vindplaats:F.A. Van Ewsum, inv.nr. 0571, reg. 086 |
Wy Sybrant Lyppens ende Fenne echte lude vonende in den kerspel to Kantense bekennen ende tughen
myt dussen openen breve dat wy hebben vercoefft up ghedraghen ende over ghegeven voer uns ende unse
Erffghenamen soedaninghe lant als daer leghende ys an de zueder syd van unsen huse daer
wy nu tor tyt inne woenen daer de kynder van Eezma legghede synt an de nerder syed ende
an de oester syed tor zwette an de sueder syed de meyne wech tor zwette uijt wijff hundert
voert landes in de oester voer de daer Claves Kater legghet an de noerder syed tor
zwette de kynderen van Eezuma tot toer oester syed tor zwette Gherijt Sybens ende Kateri-
ne syn echte hus wrowe ende oer erffghenamen voer Eijnen summe gheldes als tachtentich
ghoelt gulden eweliker summe gheldes der uns Sybrant ende Fenne vorsc. wl al ende
wal ys betalt den ersten pennynck met den lesten hyr ys in beworvert ende besche-
den dat Sybrant ende Fenne offte oer erffgenamen moghen weder in coepen ende loessen bynnen
ses jaer nae datum des breffves altyt vanner em des ghelevet ende ghenoghet toet
myt wasten mijt der wller renten oeck yst dat beworvert dat Sybrant ende Fenne
oeffte oer erffghenamen soelen bruken ende beholden dusse vorsc. lande in der hure
des jaers voer derteyndenhalffnen gulden den gulden gherekent voer wyffteijn kr.
den kr. gherekent voer vier placken dusse sees jaer lanch als vorsc. ys soe
sal de coep ewelike ende erfflike wesen ende plijven sunder al arghlyst ende
nye wnden de dussen breff hijndelich moghen wesen hijr hebben an by ende
over ghevest Johannes Syvordes als en overrechter Hyncko Oestes ende Peter Bareldes
als vedemans vedemans wyse doer to ghenomen ende gheropen de vaerheyt
to ewyghen daghen to ontholden in oerkunde dussen waerheyt soe hebben
wy Sybrant ende Fenne vorsc. ghebeden den erberen heren her Peter unsen ker-
cheren to Kantinse voer uns ende over uns dussen breff to besegelen Ende ick Petrus umme
bede wyllen Sybrandes ende Fennens mijner kerspel lude hebbe myn seghel
beneden an dussen breff ghehanghen in den jaer uns heren dusent vierhun-
dert vierentnegentich des saterdaghes to Passche achte daeghen etc.
myt dussen openen breve dat wy hebben vercoefft up ghedraghen ende over ghegeven voer uns ende unse
Erffghenamen soedaninghe lant als daer leghende ys an de zueder syd van unsen huse daer
wy nu tor tyt inne woenen daer de kynder van Eezma legghede synt an de nerder syed ende
an de oester syed tor zwette an de sueder syed de meyne wech tor zwette uijt wijff hundert
voert landes in de oester voer de daer Claves Kater legghet an de noerder syed tor
zwette de kynderen van Eezuma tot toer oester syed tor zwette Gherijt Sybens ende Kateri-
ne syn echte hus wrowe ende oer erffghenamen voer Eijnen summe gheldes als tachtentich
ghoelt gulden eweliker summe gheldes der uns Sybrant ende Fenne vorsc. wl al ende
wal ys betalt den ersten pennynck met den lesten hyr ys in beworvert ende besche-
den dat Sybrant ende Fenne offte oer erffgenamen moghen weder in coepen ende loessen bynnen
ses jaer nae datum des breffves altyt vanner em des ghelevet ende ghenoghet toet
myt wasten mijt der wller renten oeck yst dat beworvert dat Sybrant ende Fenne
oeffte oer erffghenamen soelen bruken ende beholden dusse vorsc. lande in der hure
des jaers voer derteyndenhalffnen gulden den gulden gherekent voer wyffteijn kr.
den kr. gherekent voer vier placken dusse sees jaer lanch als vorsc. ys soe
sal de coep ewelike ende erfflike wesen ende plijven sunder al arghlyst ende
nye wnden de dussen breff hijndelich moghen wesen hijr hebben an by ende
over ghevest Johannes Syvordes als en overrechter Hyncko Oestes ende Peter Bareldes
als vedemans vedemans wyse doer to ghenomen ende gheropen de vaerheyt
to ewyghen daghen to ontholden in oerkunde dussen waerheyt soe hebben
wy Sybrant ende Fenne vorsc. ghebeden den erberen heren her Peter unsen ker-
cheren to Kantinse voer uns ende over uns dussen breff to besegelen Ende ick Petrus umme
bede wyllen Sybrandes ende Fennens mijner kerspel lude hebbe myn seghel
beneden an dussen breff ghehanghen in den jaer uns heren dusent vierhun-
dert vierentnegentich des saterdaghes to Passche achte daeghen etc.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0571 |
| Regestnr. | 086 |
| Jaar | 1494 |
| Datumcode | SpPasche |