| Nummer:drh001 | Datum:17 sept. 1407 | Overlevering:Afschrift | Vindplaats:Arch. Dijkr. Humsterland, inv.nr. 0003, pag. 247, reg. 001 |
Wij gemeene zijlrechters van Aed-
werderzijl, bekennen ende betugen
mit dessen tegenwoordigen openen
brieve voer ons ende alle die geene
die nae ons coemen sullen, dat wij
ontfangen hebben Aldert Gaijkinck
ende zijn naecoemelinge mit den
zelven lande, dat hie nu ter tijt
hevet met ons toe wateren, doer den
blocxzijl van Aedwert. Ende want
wij den voorsc. Aldert ontfangen heb-
ben, soe hevet hij gelovet voer hem
ende zijnen naecoemelingen sullen
laven altoes des zijls beste toe doen
ende wan men scheten sal, soe sal Al-
dert voorsc. ende sijne arfgenamen
schieten den darden penninck meer,
dan dat bijden anderen grasen boert.
Ende datzolve voorsc. schot sal den
meenen zijlvesten toe baete ende tho
hulpe coemen. Ende Alerde voorsc. salmen
verlaten gemeindes warckes, men
wanneer des noot is. Ende hem die
zijlrechteren dat laten weten, dat
sie tot des zijls behoef offte toe
raeden, soe sal Aldert bij den zijl-
rechters comen, ende hem helpen
toe den besten raeden. Ende hier
mede soe sullen alle schelingen die
gewesen hebben tusschen den voorsc.
zijlrechters ende Alderde voorsc.
voer desen dage toe, gescheiden we-
sen, als dat wij rechters ende onse
nacoemelingen en hebben op Al-
derde meer niet tho spreken, dan
desse tegenwoordige brief inholt.
Ende want wij zijlrechters ende
Alderd voorsc. selven geen zegel
nu bruicken, soe hebben wij met
mander hant ende toe samen een-
drachtelicken gebeden den Abbet
van Aedwert ende dat Convent ende
die Borgemesters van Groningen, heer
Hinrick Cureet toe Peisen, Heer Ja-
cob Cureet toe Roeden, ende Heer
Bartolde oock Cureet toe Weerum,
desse voorsc. ponten ende brief over
ons toe bezegelen. Ende wij Abbet
ende Convent van Aedwert, Borger-
mesteren in Groeningen, Heer Hin-
rick, Heer Jacob, Heer Bartolt voorsc.
hebben onses Conventes zegel, onsen
Stadtzegel ende onsen Segelen an
dessen gehangen, om beden wille
der gueder luden voorgesc. Ge-
geven inden Jare ons Heeren du.
vierhondert ende soeven op sunte
Lambertus dach. Desse voorsc.
Copia is uth die principale brief
geschreven Anno Domini dusent vijff-
hondert ende Sessenvijfftich omtrent
onser hoochste liever vrouwen dach.
Ende die principael brief is daer
een toe Aedwert, ende daer dit
voorsc. uthgeschreven is, die is toe
Suedthorm in bewaerder hant van
Eeucke Gaijckinga zalige Allert
Gaijckinga naegelaten huisfrow.
Alsmen schodt gevet, soe sal Gaijke-
ma heert van elcken placken schot
geven 2 arensgulden voer schot ende
arbeijt des Sijlwarcx. Ende dit ist 2 of
3 offte 4 placken schot, soe sal
hij allicke wal van ellicken placke
geven 2 arens gulden. Ende dit sal
opbueren Gaikema dijckrechter of
een ander rechter den die zijlvesten
daertoe schicken bij zijnen ende. Ende
boven zijn rechte schot, dat hij allijckewal
sal geven, als een ander rechter, ende bren-
gen dat inder zijlvesten handen, daer
hie dat schot toe zamen brengen.
werderzijl, bekennen ende betugen
mit dessen tegenwoordigen openen
brieve voer ons ende alle die geene
die nae ons coemen sullen, dat wij
ontfangen hebben Aldert Gaijkinck
ende zijn naecoemelinge mit den
zelven lande, dat hie nu ter tijt
hevet met ons toe wateren, doer den
blocxzijl van Aedwert. Ende want
wij den voorsc. Aldert ontfangen heb-
ben, soe hevet hij gelovet voer hem
ende zijnen naecoemelingen sullen
laven altoes des zijls beste toe doen
ende wan men scheten sal, soe sal Al-
dert voorsc. ende sijne arfgenamen
schieten den darden penninck meer,
dan dat bijden anderen grasen boert.
Ende datzolve voorsc. schot sal den
meenen zijlvesten toe baete ende tho
hulpe coemen. Ende Alerde voorsc. salmen
verlaten gemeindes warckes, men
wanneer des noot is. Ende hem die
zijlrechteren dat laten weten, dat
sie tot des zijls behoef offte toe
raeden, soe sal Aldert bij den zijl-
rechters comen, ende hem helpen
toe den besten raeden. Ende hier
mede soe sullen alle schelingen die
gewesen hebben tusschen den voorsc.
zijlrechters ende Alderde voorsc.
voer desen dage toe, gescheiden we-
sen, als dat wij rechters ende onse
nacoemelingen en hebben op Al-
derde meer niet tho spreken, dan
desse tegenwoordige brief inholt.
Ende want wij zijlrechters ende
Alderd voorsc. selven geen zegel
nu bruicken, soe hebben wij met
mander hant ende toe samen een-
drachtelicken gebeden den Abbet
van Aedwert ende dat Convent ende
die Borgemesters van Groningen, heer
Hinrick Cureet toe Peisen, Heer Ja-
cob Cureet toe Roeden, ende Heer
Bartolde oock Cureet toe Weerum,
desse voorsc. ponten ende brief over
ons toe bezegelen. Ende wij Abbet
ende Convent van Aedwert, Borger-
mesteren in Groeningen, Heer Hin-
rick, Heer Jacob, Heer Bartolt voorsc.
hebben onses Conventes zegel, onsen
Stadtzegel ende onsen Segelen an
dessen gehangen, om beden wille
der gueder luden voorgesc. Ge-
geven inden Jare ons Heeren du.
vierhondert ende soeven op sunte
Lambertus dach. Desse voorsc.
Copia is uth die principale brief
geschreven Anno Domini dusent vijff-
hondert ende Sessenvijfftich omtrent
onser hoochste liever vrouwen dach.
Ende die principael brief is daer
een toe Aedwert, ende daer dit
voorsc. uthgeschreven is, die is toe
Suedthorm in bewaerder hant van
Eeucke Gaijckinga zalige Allert
Gaijckinga naegelaten huisfrow.
Alsmen schodt gevet, soe sal Gaijke-
ma heert van elcken placken schot
geven 2 arensgulden voer schot ende
arbeijt des Sijlwarcx. Ende dit ist 2 of
3 offte 4 placken schot, soe sal
hij allicke wal van ellicken placke
geven 2 arens gulden. Ende dit sal
opbueren Gaikema dijckrechter of
een ander rechter den die zijlvesten
daertoe schicken bij zijnen ende. Ende
boven zijn rechte schot, dat hij allijckewal
sal geven, als een ander rechter, ende bren-
gen dat inder zijlvesten handen, daer
hie dat schot toe zamen brengen.
x
| Archief | Groninger Archieven |
|---|---|
| Fonds | Arch. Dijkr. Humsterland |
| Toegangsnummer | 713 |
| Inventarisnr. | 0003 |
| Fol.nr. | pag. 247 |
| Regestnr. | 001 |
| Jaar | 1407 |
| Datumcode | Lamber |