| Nummer:coe1036ag | Datum:13 febr. 1561 | Überlieferung:Origineel | Fundstelle:Arch. Coevorden, inv.nr. 1036 |
Anno XVc een ende tsestich der dertijnden van februario is een ffruntlycke
maechscheijdinge gemaeket tusschen Ffolcker Wesselinghe ende Swaene
syn echte huesfrouwe ter eenre ende dije mumberen zalige Wolter Geertmaeghes
naegelatene kijndere ter ander syden als myt naemen Henrijck Geert-
mach die olde, Geert Geertmach, Johan Geertmaech, Henryck Geert-
die junghe gebroedere ende Lambert van Lengerick oer swagher
ende suster man ter ander syden in manieren als volghet:
Inden eersten sollen Volcker ende Swaene erfflijcken hebben ende beholden
dat andeel dat zalige Wolters kijndere genoemet Wolter ende Katerina
angeervet is van oren zalige vader vorscreven van oer anpart hueses met die stede ende oer
anpart gaerdens inden Vrouwen hoff ende voert oer anpart inden
tijlber guede, groet ende cleyn nijet daer van buten bescheijden.
Des sollen Volcker ende Swaene vorscreven dije twe kijndere verscreven onderholden
met cost ende cleder naberlijck alst nae billicheijt behoert tot
sestijn jaren toe. Ende als dije kijndere sestijn jaer olt sinnen
soe sollen Volcker ende Swaene ofte ore erffgenamen den verscreven kijnderen eens
geven ende wal betalen voer oers vaders erffnisse vrij schadeloes gelt tachtentich karols
gulden (itlycken gulden) tot twintich stuvers brabants het stuck ende als dije
verscreven tachtentych gulden betaelt sinnen sollen dye mumberen der kijndere
ofte dye dye pennynge alsdan to rechte ontfangen Volcker ende Swanen
ofte ore erffgenamen guede bewijssijnghe doen als nae rechten des behoert.
Noch is in desse maechscheijt van Volcker ende Swanen overgegeven
ende believet ofte van den verscreven kijnderen een verstervet sonder witlicke
gebuerte soe sal dat ene up dat ander erven sonder enich bedroch
ofte argelist. Oick is in desse maechscheijt van Volcker ende Swaenen believet ende overgegeven oft sye dat hues als vorscreven weder wolden vercopen dat alsdan dye mumberen verscreven dye negesten totten coep sollen syn soe veer sye doen willen als een ffromt daer voer. Oer conde der waerheijt dat desse maechscheijdt
al(s) sus belyevet ende overgegeven is up dat dye kyndere onderhol...
worden ende geholden soullen worden alsmen maechscheijt ende moetsoen
schuldich is toe holden soe hebbe wij Volcker ende momberen vorscreven onse naemen
hijr onder gesat dedingsluden up Volcker sijt Claes Bernier schulte ende
Johan Cock unde up der kynder syt Egbert van Naehuys ende Johan Pyper
dye oick oer namen dorch bede der perten hijr onder gesat up dach voerscreven.
Wolter Vesselick. Hynryck Ghertmach. Claes Bernyer.
Gert Ghertmaghes. Johan Gertmach. Johan Cock.
Hynryck Gertmach.
Aleff Brouwer beghere van Lambert van Lengerke toe schriven.
Claes Bernyer dorch beede Johan Pyper.
(Johan Cock). Gheert van Nahus.
DORSO : berorende Volcker Wesselinck ende syne voerkijnder.
maechscheijdinge gemaeket tusschen Ffolcker Wesselinghe ende Swaene
syn echte huesfrouwe ter eenre ende dije mumberen zalige Wolter Geertmaeghes
naegelatene kijndere ter ander syden als myt naemen Henrijck Geert-
mach die olde, Geert Geertmach, Johan Geertmaech, Henryck Geert-
die junghe gebroedere ende Lambert van Lengerick oer swagher
ende suster man ter ander syden in manieren als volghet:
Inden eersten sollen Volcker ende Swaene erfflijcken hebben ende beholden
dat andeel dat zalige Wolters kijndere genoemet Wolter ende Katerina
angeervet is van oren zalige vader vorscreven van oer anpart hueses met die stede ende oer
anpart gaerdens inden Vrouwen hoff ende voert oer anpart inden
tijlber guede, groet ende cleyn nijet daer van buten bescheijden.
Des sollen Volcker ende Swaene vorscreven dije twe kijndere verscreven onderholden
met cost ende cleder naberlijck alst nae billicheijt behoert tot
sestijn jaren toe. Ende als dije kijndere sestijn jaer olt sinnen
soe sollen Volcker ende Swaene ofte ore erffgenamen den verscreven kijnderen eens
geven ende wal betalen voer oers vaders erffnisse vrij schadeloes gelt tachtentich karols
gulden (itlycken gulden) tot twintich stuvers brabants het stuck ende als dije
verscreven tachtentych gulden betaelt sinnen sollen dye mumberen der kijndere
ofte dye dye pennynge alsdan to rechte ontfangen Volcker ende Swanen
ofte ore erffgenamen guede bewijssijnghe doen als nae rechten des behoert.
Noch is in desse maechscheijt van Volcker ende Swanen overgegeven
ende believet ofte van den verscreven kijnderen een verstervet sonder witlicke
gebuerte soe sal dat ene up dat ander erven sonder enich bedroch
ofte argelist. Oick is in desse maechscheijt van Volcker ende Swaenen believet ende overgegeven oft sye dat hues als vorscreven weder wolden vercopen dat alsdan dye mumberen verscreven dye negesten totten coep sollen syn soe veer sye doen willen als een ffromt daer voer. Oer conde der waerheijt dat desse maechscheijdt
al(s) sus belyevet ende overgegeven is up dat dye kyndere onderhol...
worden ende geholden soullen worden alsmen maechscheijt ende moetsoen
schuldich is toe holden soe hebbe wij Volcker ende momberen vorscreven onse naemen
hijr onder gesat dedingsluden up Volcker sijt Claes Bernier schulte ende
Johan Cock unde up der kynder syt Egbert van Naehuys ende Johan Pyper
dye oick oer namen dorch bede der perten hijr onder gesat up dach voerscreven.
Wolter Vesselick. Hynryck Ghertmach. Claes Bernyer.
Gert Ghertmaghes. Johan Gertmach. Johan Cock.
Hynryck Gertmach.
Aleff Brouwer beghere van Lambert van Lengerke toe schriven.
Claes Bernyer dorch beede Johan Pyper.
(Johan Cock). Gheert van Nahus.
DORSO : berorende Volcker Wesselinck ende syne voerkijnder.
x
| Archiv | Drents Archief |
|---|---|
| Bestand | Arch. Coevorden |
| Zugangsnummer | 116 |
| Inventarnr. | 1036 |
| Jahr | 1561 |
| Datumcode | 1302 |