| Nummer:oub1439 | Datum:19. Mai 1495 | Overlevering:Editie | Vindplaats:Ostfriesisches Urkundenbuch, II, S. 451, nr. 1439 |
Bürgermeister und Rath von Groningen bekunden eine von ihnen getroffene Uebereinkunft zwischen dem Prokurator des Klosters Langen und ihrem Bürger Gerard Leffhardi, wonach der Letztere dem Kloster eine Rente aus seinem halben Hause zu Groningen wiederkäuflich verkauft.
Wy borgermeister ende raet in Gronighen betughe myt dese opene brieve, dat vor ons is gekomen heer Pelgrim, in der tyt procurator des convents van Langhen, de des vullmachtich secht to wesen van den convente vorscr, an de ene sydt, ende Gherardus Leffhardi an de ander sydt, ende bekanden samentlike, dat sy lieffliken myt vrentscappen overkomen synt van sodane sake unde schelinghen, als se onder eem hadde, alsoe, dat Gherardus vorg. dracht up ende ghijfft over vor em ende synen erffgenamen den procurator vorg. tot behoeff syns convents vorscr. anderhalven Arnensgulden jaerliker renten gudes geldes, alse nu ter tyt in onser stadt ganckachtich is, jaerlix to boren alse stadtrecht in uet synen halven huuse mytter halver hoefstede ende synen tobehoren, gelegen an de westersydt in Volkeringhe strate, vry ende quijt ende vry erffliken daerut waren, als vor ene ewige memorie myt Swanen, synre suster, ene professiede junckfrouwe desselven convents. Welcke anderhalff Arnensgulden rente Gherardus vorg. offte syne erffgenamen mogen weder aff vry ende quijt copen tot allen tyden, wannier em des genoget myt vyff ende twintich Arnensgulden vorscr. payments ende mytter vuller rente. Hyer is mede bevorwerdet: wiert sake, dat dyt vorser. halve huus tot enigen tyden verkoeft woerde, soe sal dat convent vorscr. dat ierste ghelt daervan ontfanghen ende boren tot der vorscr. summe to, mytter rente, die dan verschenen synt; hijrmede sullen desse vorscr. parten gescheyden wesen ende blyve soe, dattet convent vorscr. ghene mer ansprake beth en sullen doen offte beholde up Gherardus vorg. offte up synen erffgenamen van vaders ende moders erffnisse, men vrentliken daermede verliket ende gescheyden blyven, als heer Pelgrim procurator vorg. angenomen heeft van wegen syns convents vorscr., des he vullmachtich secht to wesen sunder argelist. Dat orkunde wy myt onser stad secreet. Ghegeven int jaren onses Herzu dusent vierhondert vijff endetnegentich, des dinxdages vor sunte Urbanus dach pape.
