Der Komthur Edzard zu Jemgum bekundet dem Bischof Heinrich von Münster das Wiederkaufsrecht über die der Komthurei verkaufte Rente von 75 Malter Roggen aus dem Zehnten zu Rhede.

Wy broder Edzart cummeldu^or und ghemeynen brodere des conventes to Yemyngen in Vreyslande, ordens sunte Johannes baptisten, bekennet und betuget vor allen luden openbar in dussen breve, dat wy myt eyndrechtigen vryen willen vor uns und vor unse nakomelinge hebt gegeven und gevet vormyds dusse breve dem erwerdigen unsen leyven genedigen heren, heren Hinrike van Moirse, bisscope to Munster, und synen nakomelingen alsodane macht und genade, dat ze vort na data dusses breves alle jar unveryart van uns mogen quiit, ledich und loes kopen und losen upp sante Johannes dach baptisten, wanner ze uns dat eyrsten eyn halff jar myt eren scrifften tovoren hebt kundich gedaen, myt viffteynhundert guden swaren Rinschen guldenen, ghemuntet vor data dusses breves, und myt der roggen gulde dan verschenen und vorsetten, de vyffundzeventich molt gudes wynterroggen, de uns de vorg. unse genedige here bisscop to Munster erfflike verkofft hevet ute siner genaden stichtes tenden to Rede, na utwisinge des principals kopbreve unss darup gegeven und besegelt sunder al argelist. To tughe der warheit, zo hebbe wy broder Edzart cummeldu^or unse ingesegel, und wy ghemeynen brodere des conventes vorg. unses conventes ingesegel vor uns und vor unse nakomelinge an dussen breff gehangen.
Datum anno Domini M^oCCCC^oXL^o sexto, sabbato post festum ascensionis Domini.

x

x

Fonds	Ostfriesisches Urkundenbuch, I
Fol.nr.	S. 502
Nr	573
Olim	Orig. im K. Staatsarchiv zu Münster. Fürstenth. Münster Urk. Nr. 1594.
Jaar	1446
Datumcode	SpAscDom

x

x

Commentaar

Die Siegel sind gut erhalten: 1. In einer goth. Nische ein Bischof, in der Linken den Stab, mit der Rechten segnend. Umschrift: S. domini Ednardi. 2. Das schön gearbeitete spitzovale Konventssiegel: die Figur eines Heiligen in langem Barte (Johannes?) in einem Bogen stehend, dessen rechte Wand von einem Medaillon durchbrochen ist, auf welchem man das Gotteslamm mit der Fahne erblickt. Umschrift: S. conventus in Gemegum.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 573