Burgemeesters, raad en hoofdmannen van Groningen verklaren dat zij tesamen met de hoofdelingen en rechters der Ommelanden in de gemene landswarf een overeenkomst hebben getroffen met de abt en het klooster te Selwerd, waarbij bepaald is dat genoemde abt en klooster gedurende 42 jaar de Wirckerbrugge zullen onderhouden en daartoe zes maal schot zullen vorderen van alle huizen en haardsteden in de Opgae, de Merne en het Half Ambt ten bedrage van een oude vlaamse.

Wy Borgemestere ende Raed unde hovetmans in Groningen Bekennen ende Be-
tugen in desen openen brieve Dat wy om nutticheit ende orber der lande mitten
hoeffdingen ende mitten rechteren der ommelanden in den ghemenen landes
warff op datum desses breves op onsen Raethusen geholden sint overdragen
mitten Abd unde cloester toe Selwert van Wirckerbrugge to holden Alsoe dat die
vorscr. Abd ende cloester sullen staende holden Wickerbrugge twe ende veertich iaer lanck
nae datum desses breves sterck ende vast Dat alman mach daer over varen ryden
ende gaen sonder gebreck Des sal dat vorscr. cloesteren gadderen Ses schoete binnen
twe ende veertich iaren vorscr. van elcken huse ende vuerstede In den Opgae in der
Merne in den Halven Ampte enen olden vleemschen offte payment dat daer
guet vor is elcken schoete nu eerst to gadderen ende voert om dat sovende iaer
unde des soelen die hoefftmans den Abd unde cloester botbrieven gheven an den hovelingen
unde Rechters by penen dat schot uut toe manen Vry sonder scade des convents van
enen yegeliken base als die Abd unde cloester dat begheert Beholden den rechter oere
keynge op die schuldeners van der bruggen In orconde hebbe wjj onse stad secreet
hjjr angehangen gegeven in den Jaer ons heren Dusent veerhondert unde neghen
ende tachtentich op sunte Calixten dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 080r
Regestnr.	778
Olim	Arch. Klooster Selwerd, inv.nr. 1, reg. 382.
Jaar	1489
Datumcode	Calixt

x

x

Materiaal	perkament