| Nummer:fae073 | Datum:21 febr. 1486 | Overlevering:Origineel | Vindplaats:F.A. Van Ewsum, inv.nr. 0291, reg. 073 |
In den jaer uns heren desentvierhundert vyffentachtich des xxii daghes des mandes decembris myt vryen wyllen und gueden voirberaden moyde synt voirdraghen und over
komen quemen over und overdroegen in teghewoerdicheyt zummiger gueder uden als dedingx und segslude nae in dussen breff ghenoemt Onno Ewsumma Ritter und hoeff
linck tho Myddelstum etc. an die ene und Hayko tho Underwerum an die ander syden in enen steden vasten und eweliken erffwyszel zummiger unrepplike guederen in manieren
und formen nae ghescr. Soe dat ick Onno Ewsumma voirscr. voir my und mynen erven vry quijt ewenlick und erfflick tot ewyghen daghen draghe up und gheve over gheve
over und drage up in enen steden vasten erffwyszel Hayken voirscr. und synen erven Int erste teyn grasen landes dair ick Onno Ewsumma selven syn ther swetten up dat noerder
ende und Onstemans an die oester syde und Hayko virscr. an de sueder und wester syden Item noch twelff grasen landes up dat noerde ende een notwech und Onstemans up dat
wester ende und Hayko up die sueder und oester syden und een halff gras wyrdelandes dair Abel kinderen up die oester syden ther swetten snt ghelegen und Hayko up dat sueder
ende myt syn heem und ick Hayko tho Underwerum voirscr. voir my und mynen erven draghe up und gheve over gheve over und drage up vry quyt ewlick und erfflick
in enen steden vasten ewigen erffwyszel sonder argelist Onnen Ewsumma und synen erven Int erste vierteyn hondert landes dair Onno Ewsumma voirscr. an die noerder und
sueder syden und an der wester und oester ende Bartolt Entens ther swetten synt ghelegen Item noch dree hondert landes ghenoemt die Tyl venne dair Bartolt Entens ther
noerder und sueder syden ther swetten is ghelegen und ther wester syden die notwech und up dat oester ende Kantmer maer Item noch dree hondert landes dair Onno Ewsumma
voirscr. und salighe vrouw Blyken erfghenamen upt sueder ende ther swetten synt ghelegen und voirt om und um Dornwerder notwech Item noch vier hondert landes dair
Onno Ewsumma up dat noerder ende und ther oester und wester syden und Tammynge kinderen und Middelstummer hilligen up dat sueder ende ther swetten synt ghelegen Item
anderhalff hondert wyrdlandes dair Onno Ewsumma virghenoemt an beyden syden ther swetten is ghelegen up streckende int noerden an Dornwerder kerckgraft lant voir lant
alst tho schotte und schulde is ligghen etc. voirt angheseen gheleghenheyt und nutticheyt der lande an beyden syden ick Hayko voirscr. voir my ende mynen erven stae tho und
gheve gheve und stae tho nu tot ewigen tyden unwederspreclick Onnen Ewsumma und synen erven alle rechtinge und heerlicheden die gheboeren off vallen moigen up mynen
hert gheheten Eppama hert dair ick Hayko nu ter tyt up woenaftich sij besonderlinge Bedummer recht off resscoep dat in den umganck twen mael nae uetwysinge der clouw breven
up dussen voirgheroerten hert is vallen und ick Hayki voirsaeke und renuncier alle privilegien und voirmoige der rechtinge godlick und werlick die dussen artikel voir
berort moegen off muchten hinderlick off scadelick wesen voirt meer ick Hayko voirscr. voir my unde mynen erven stae tho Onnen Ewsumma und synen erven tot ewigen tyden
soe wanneer die kercke tho Underwerum ledich word voirmits dode resignatien renunciatien permutatien off anders yeniger leye wysz dat wij Onno Ewsumma und mynre
erven unsen wyllen und consent dair tho moigen gheven und soe wen wy dair als dan presenteren sullen Hayko und syne erven off die ghene die dussen voirbenoemden
hert synt bewonen uns behulplick wesen und nycht hynderlick sonder argelist und nye vonde die dussen breff moegen in yenighen punt offartikel scadelick off hinder
lick wesen hyr synt an und over ghewest Mester Doeko Grovinck kerchere tho Middelstum Ghert Voeren und Ebel tho Underwerum als dedinges und segs luden der
saeken voirscr. In een orkunde dusser wairheyt heb ick Hayko voirscr. ghebeden Mester Doken Grevinck als een segs man und her Thyes Kerckheren tho Dornwerdt
dussen breff voir my tho beseghelen want ick selfs gheen seghel en voer und wy Mester Doeke undher Thyes um bede wyllen Hayken voirscr. hebben unse sege
len an dussen breff ghehangen Int jaer uns heren dusent vierhondert sesentach des xxi daghes des mands ffebruary.
komen quemen over und overdroegen in teghewoerdicheyt zummiger gueder uden als dedingx und segslude nae in dussen breff ghenoemt Onno Ewsumma Ritter und hoeff
linck tho Myddelstum etc. an die ene und Hayko tho Underwerum an die ander syden in enen steden vasten und eweliken erffwyszel zummiger unrepplike guederen in manieren
und formen nae ghescr. Soe dat ick Onno Ewsumma voirscr. voir my und mynen erven vry quijt ewenlick und erfflick tot ewyghen daghen draghe up und gheve over gheve
over und drage up in enen steden vasten erffwyszel Hayken voirscr. und synen erven Int erste teyn grasen landes dair ick Onno Ewsumma selven syn ther swetten up dat noerder
ende und Onstemans an die oester syde und Hayko virscr. an de sueder und wester syden Item noch twelff grasen landes up dat noerde ende een notwech und Onstemans up dat
wester ende und Hayko up die sueder und oester syden und een halff gras wyrdelandes dair Abel kinderen up die oester syden ther swetten snt ghelegen und Hayko up dat sueder
ende myt syn heem und ick Hayko tho Underwerum voirscr. voir my und mynen erven draghe up und gheve over gheve over und drage up vry quyt ewlick und erfflick
in enen steden vasten ewigen erffwyszel sonder argelist Onnen Ewsumma und synen erven Int erste vierteyn hondert landes dair Onno Ewsumma voirscr. an die noerder und
sueder syden und an der wester und oester ende Bartolt Entens ther swetten synt ghelegen Item noch dree hondert landes ghenoemt die Tyl venne dair Bartolt Entens ther
noerder und sueder syden ther swetten is ghelegen und ther wester syden die notwech und up dat oester ende Kantmer maer Item noch dree hondert landes dair Onno Ewsumma
voirscr. und salighe vrouw Blyken erfghenamen upt sueder ende ther swetten synt ghelegen und voirt om und um Dornwerder notwech Item noch vier hondert landes dair
Onno Ewsumma up dat noerder ende und ther oester und wester syden und Tammynge kinderen und Middelstummer hilligen up dat sueder ende ther swetten synt ghelegen Item
anderhalff hondert wyrdlandes dair Onno Ewsumma virghenoemt an beyden syden ther swetten is ghelegen up streckende int noerden an Dornwerder kerckgraft lant voir lant
alst tho schotte und schulde is ligghen etc. voirt angheseen gheleghenheyt und nutticheyt der lande an beyden syden ick Hayko voirscr. voir my ende mynen erven stae tho und
gheve gheve und stae tho nu tot ewigen tyden unwederspreclick Onnen Ewsumma und synen erven alle rechtinge und heerlicheden die gheboeren off vallen moigen up mynen
hert gheheten Eppama hert dair ick Hayko nu ter tyt up woenaftich sij besonderlinge Bedummer recht off resscoep dat in den umganck twen mael nae uetwysinge der clouw breven
up dussen voirgheroerten hert is vallen und ick Hayki voirsaeke und renuncier alle privilegien und voirmoige der rechtinge godlick und werlick die dussen artikel voir
berort moegen off muchten hinderlick off scadelick wesen voirt meer ick Hayko voirscr. voir my unde mynen erven stae tho Onnen Ewsumma und synen erven tot ewigen tyden
soe wanneer die kercke tho Underwerum ledich word voirmits dode resignatien renunciatien permutatien off anders yeniger leye wysz dat wij Onno Ewsumma und mynre
erven unsen wyllen und consent dair tho moigen gheven und soe wen wy dair als dan presenteren sullen Hayko und syne erven off die ghene die dussen voirbenoemden
hert synt bewonen uns behulplick wesen und nycht hynderlick sonder argelist und nye vonde die dussen breff moegen in yenighen punt offartikel scadelick off hinder
lick wesen hyr synt an und over ghewest Mester Doeko Grovinck kerchere tho Middelstum Ghert Voeren und Ebel tho Underwerum als dedinges und segs luden der
saeken voirscr. In een orkunde dusser wairheyt heb ick Hayko voirscr. ghebeden Mester Doken Grevinck als een segs man und her Thyes Kerckheren tho Dornwerdt
dussen breff voir my tho beseghelen want ick selfs gheen seghel en voer und wy Mester Doeke undher Thyes um bede wyllen Hayken voirscr. hebben unse sege
len an dussen breff ghehangen Int jaer uns heren dusent vierhondert sesentach des xxi daghes des mands ffebruary.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0291 |
| Regestnr. | 073 |
| Jaar | 1486 |
| Datumcode | 2102 |