| Nummer:oub0319 | Datum:11. Mai 1424 | Overlevering:Editie | Vindplaats:Ostfriesisches Urkundenbuch, I, S. 283, nr. 319 |
Ocko tom Brok überlässt dem Heinrich Godgroetsmi Haus und Warfstätte in der Kreuzstrasse zu Emden gegen einen jährlichen Zins zur Erbpacht.
Ocko to Broke, Awerke ende Emeden etc., hovetling in Oestvresslande erckenne openbaer vor allesweme in dussen openen breve, dat ik myd vrygen willen ende consente mynes rades vor my ende myne erven hebbe uppgelaten ende toghegheven Hinrike Godgroetsmi ende synen rechten erven dat hues ende werffstede, dat beleghen in bynnen Emeden uppe deine oerde[*] in der Crucestrate, dat wandaghes gewesen hadde Ludeken Blanken, in desser wys zo hijr na schreven steitt; dat hee dat hues mach buwen unde muren, so vern uth uppe de strate an de Suderzijd, ghelik deme oerde van synen hues dat gheleghen is an de Oesterzijd, dat wandaghes der Hamborgher hues gheheten wat. Beholden des, dat Hinrik vorscr. offte syne erven my ende mynen erven van den huse ende werve jarlikes zolen gheven twe lichte gulden. Alle arghelist in dessen breve uthghesproken. So hebbe ik to tughe myn grote ingheseghel kentliken hanghen heten an dessen breff, de ghegheven is int jaer unses Heren dusent veerhundert veer unde twijntich, des donnerstdaghes negest den sondaghe alss men sijnghet in der hijllghen kerken Misericordia Domini.
Dass deine copia mit synen principalen (so in pergament geschreven und mit ein anhangendt segell van roden in gehlen wasse bevestigett war) van wordt tho worde gelijckludende erfunden sij, betuege ick undergen. keijserlicher openbar Notarius Joannes Ha. Vallingius Publ. Not.
Dass deine copia mit synen principalen (so in pergament geschreven und mit ein anhangendt segell van roden in gehlen wasse bevestigett war) van wordt tho worde gelijckludende erfunden sij, betuege ick undergen. keijserlicher openbar Notarius Joannes Ha. Vallingius Publ. Not.
