| Nummer:msk525005 | Datum:4. Aug. 1419 | Overlevering:Abschrift | Vindplaats:Manuskripte Kunst, inv.nr. 525, S. 005-6, nr. 5 |
Der Propst des Prämonstratenserklosters Aland bekundet, dass er im Namen des Klosters dem Häuptling Imelo von Grimersum 7 Grase Landes im Osterhusener Hammrich, welche das Kloster von der Folkeld, der Mutter Keno's tom Brok, zum Geschenk erhalten, verkauft habe.
Iohannes permissione divina prepositus Alandie ordinis Premonstratensis universis et singulis Christi (fideli)bus[*] presencia visuris seu audituris notum facimus litteras per presentes, quod nos cum consilio nostrorum conventualium comparavimus seu vendidimus Imeloni capitali in Grimissum septem graminata cum dimidio in hammerka Asterhusum[*] situata ac in da grata Hyw nominata similiter et ab omnibus aggeribus liberata; que quedam graminata predicta domina Folkeldis, mater Kenonis domicelli in Broke et Aurik pie memorie adhuc ipsa pro tunc in sua sanitate et potestate vivente, cuius anima pro nunc requiescat in pace, ob salutem animarum suarum ac ob perpetuam rei memoriam habendarum in missis, vigiliis, orationibus ac aliis piis operibus in dicto conventu per fratres et sorores fiendis, nostro predicto conventui graciose legavit, similiter et libere vendere ac alienare vel ad quoscunque alios usus convertere prout nobis melius videbitur expedire integre condonavit; que quedam insuper predia prefata nos Iohannes predictus pro nobis et nostris successoribus quibuscunque predicto Imeloni et suis veris heredibus libere assignamus et cum hoc vendere, alienare vel quoviscunque modo eidem et eisdem visum fuerit expedire plenam potestatem condonamus, quoniam in promptis denariis videlicet in quadraginta florenis coram domino Ubbodo, abbate Nordensi, et domino Hobbodo, curato in Grimissum, et aliis quampluribus fide dignis pro predictis graminatis est integre persolutus. In robur et evident testimonium omnium premissorum sigilla honorabilis viri abbatis predicti necnon domini Hobbodi curati prefati ad nostre peticionis intuitu una cum sigillo nostro sunt appensa. Datum anno Domini Mo CCCCo XIXo, ipso die beati Dominici confessoris.
