| Nummer:haf203 | Datum: | Overlevering:Origineel | Vindplaats:H.A. Farmsum, inv.nr. 0650, reg. 203 |
Wij Johan vanden Cloester ende Geert Koepssoen gesatte ende gekoeren bruytmans van wegen Symon Polmans aen die ene, wy Helmicus van
Itterssum profst toe Zwatenwater ende Werner Duisterbeke gesatte ende gekaeren bruitmans van wegen Joffer Katherijnen Helmichs dochter van
Tweenhusen die Godgenade aen die ander syde doen kondich allen luden avermits disen apenen brieven ende bekennen dat wy ter eeren Gades
nae forme ende gewoente der heilger kercken by rade ende guetdoncken der vrunde ende mage van beiden tsyden een echte witlick hilick gededinget gemaket ende eenperlicken uutgespraken hebben tusschen Symen Polmen ende Joffer Katherijnen voirgenoemd ende soelen vergadderen in echtscapen
myt alsulcken guede ende vorwerden hier nae bescreven staen. Inden yrsten soe brengen Symen ende Joffer Kathereine voirgenoemd aen malckanderen
alle alsulcke guedere sy nu beide hebn ende hem noch aenkoemen mach arfnisse, renthen, rede ende onrede guedt, geen guedt uut bescheiden. Hier
mede syn vorwerde ende hebn uutgespraken offt sake were Symen voirgenoemd aflivich worde voir Joffer Katherynen voirgenoemd soe soelen Symens voirgenoemde
erfgenamen Joffer Ketherijnen voirgenoemd weder uuten myt alsulcken guede sy aen Symen voirgenoemd gebracht hadde ende des oir aengekoemen, aengestorven
offte gegeven mochte wesen myt alle oeren vrouwelicken klederen, cierheiden ende kleynoden ende myt alulcker lyftucht hier nae bescreven
staet. Des syn vorwerde wes guede sy aen wynnen ofte aenwerven dat sy rede guedt, erfnisse ofte renthen sall halff ende halff wesen. Ende weert
oick sake dat sy onder hem beide schulde toe samende gemaket hadn solden sy oick halff ende halff betalen. Ende des sall Joffer Kathereine
voirgenoemd blyven sitten ende gebruken alle Symens voirgenoemd guedere onbekroent ofte onbespraken van jemande dat sy rede ofte onrede, leen off eigen,
woe ofte wair die oick wesen ofte gelegen sijn, geen guedt uutbescheiden ten tyden ende soe lange Joffer Kathereine voirgenoemd geuutet ende oir lyftucht
naebescreven gevestichet is als voirgenoemd staet, sonder enich archelist. Weert oick sake Joffer Kathrine voirgenoemd aflivich worde voir Symen voirgenoemd
soe sall Symen voirgenoemd Joffer Kathereinen voirgenoemd erffgenamen uuten myt alsodanen guede sy aen hem gebracht hadde ende des oir aengekoemen,
aengestorven ofte gegeven mochte wesen myt oeren vrouwelicken klederen, kleynoden ende cierheiden in manieren soe voirgenoemd staet. Voirt hebn wij
uutgespraken dat Symen voirgenoemd Joffer Kathereinen voirgenoemd maken ende geven sall toe gerechter lyftucht ende lyftuchte rechte te gebruken vyff
ende twyntich mudde reggen des jairs ende vesten oir die uut alle synen guede alsoe hy dat liggende heeft onder den gerichte van
Steenwyck dair dat guet is ende wesen sall dat oir die lyftuchte toe leenrechte, toe lantrechte ende toe lyftuchts rechte vaste sy guede betalinge daer jairlicke van tegeschien, sonder archelist. Des wy Iohan vanden Cloester, Geert Koepsoen, Helmicus profst ende Werner
Duisterbeke bruytmans voirgenoemd ter oirkonde onse segele aen desen brieff gehangen hebn. Gegeven int jair onss Heren dusentvierhondert
ende tnegentich op Sunte Jacobs avent des heiligen Apos tels.
AANTEKENINGEN:
OVERLEVERING: origineel, perkament.
AUTHENTICERING: 4 zegels sur double queue, verloren.
VINDPLAATS: RAGr, FARMSUM 650 R 203.
UITGAVE:
??
Itterssum profst toe Zwatenwater ende Werner Duisterbeke gesatte ende gekaeren bruitmans van wegen Joffer Katherijnen Helmichs dochter van
Tweenhusen die Godgenade aen die ander syde doen kondich allen luden avermits disen apenen brieven ende bekennen dat wy ter eeren Gades
nae forme ende gewoente der heilger kercken by rade ende guetdoncken der vrunde ende mage van beiden tsyden een echte witlick hilick gededinget gemaket ende eenperlicken uutgespraken hebben tusschen Symen Polmen ende Joffer Katherijnen voirgenoemd ende soelen vergadderen in echtscapen
myt alsulcken guede ende vorwerden hier nae bescreven staen. Inden yrsten soe brengen Symen ende Joffer Kathereine voirgenoemd aen malckanderen
alle alsulcke guedere sy nu beide hebn ende hem noch aenkoemen mach arfnisse, renthen, rede ende onrede guedt, geen guedt uut bescheiden. Hier
mede syn vorwerde ende hebn uutgespraken offt sake were Symen voirgenoemd aflivich worde voir Joffer Katherynen voirgenoemd soe soelen Symens voirgenoemde
erfgenamen Joffer Ketherijnen voirgenoemd weder uuten myt alsulcken guede sy aen Symen voirgenoemd gebracht hadde ende des oir aengekoemen, aengestorven
offte gegeven mochte wesen myt alle oeren vrouwelicken klederen, cierheiden ende kleynoden ende myt alulcker lyftucht hier nae bescreven
staet. Des syn vorwerde wes guede sy aen wynnen ofte aenwerven dat sy rede guedt, erfnisse ofte renthen sall halff ende halff wesen. Ende weert
oick sake dat sy onder hem beide schulde toe samende gemaket hadn solden sy oick halff ende halff betalen. Ende des sall Joffer Kathereine
voirgenoemd blyven sitten ende gebruken alle Symens voirgenoemd guedere onbekroent ofte onbespraken van jemande dat sy rede ofte onrede, leen off eigen,
woe ofte wair die oick wesen ofte gelegen sijn, geen guedt uutbescheiden ten tyden ende soe lange Joffer Kathereine voirgenoemd geuutet ende oir lyftucht
naebescreven gevestichet is als voirgenoemd staet, sonder enich archelist. Weert oick sake Joffer Kathrine voirgenoemd aflivich worde voir Symen voirgenoemd
soe sall Symen voirgenoemd Joffer Kathereinen voirgenoemd erffgenamen uuten myt alsodanen guede sy aen hem gebracht hadde ende des oir aengekoemen,
aengestorven ofte gegeven mochte wesen myt oeren vrouwelicken klederen, kleynoden ende cierheiden in manieren soe voirgenoemd staet. Voirt hebn wij
uutgespraken dat Symen voirgenoemd Joffer Kathereinen voirgenoemd maken ende geven sall toe gerechter lyftucht ende lyftuchte rechte te gebruken vyff
ende twyntich mudde reggen des jairs ende vesten oir die uut alle synen guede alsoe hy dat liggende heeft onder den gerichte van
Steenwyck dair dat guet is ende wesen sall dat oir die lyftuchte toe leenrechte, toe lantrechte ende toe lyftuchts rechte vaste sy guede betalinge daer jairlicke van tegeschien, sonder archelist. Des wy Iohan vanden Cloester, Geert Koepsoen, Helmicus profst ende Werner
Duisterbeke bruytmans voirgenoemd ter oirkonde onse segele aen desen brieff gehangen hebn. Gegeven int jair onss Heren dusentvierhondert
ende tnegentich op Sunte Jacobs avent des heiligen Apos tels.
AANTEKENINGEN:
OVERLEVERING: origineel, perkament.
AUTHENTICERING: 4 zegels sur double queue, verloren.
VINDPLAATS: RAGr, FARMSUM 650 R 203.
UITGAVE:
??
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0650 |
| Regestnr. | 203 |
| Jaar | 1490 |
| Datumcode | vJacobi |