| Nummer:fae081 | Datum: | Overlevering:Origineel | Vindplaats:F.A. Van Ewsum, inv.nr. 0534, reg. 081 |
Wy Hydde van Ewesum Abeke Reloff ende Wygbolt gebrodere doen kondt unde bekennen vormitz
dessen iegenwordigen unsen breve voralsweme dat wy wytlichen guetlichen unde wall mit malcanderen
gescheyden hebben unde vaderlike nagelaten erve unde guedere in Freslandt belegen na uthwysinge
sekeren cedulen de wy mit lotyngen ontfangen hebben sess jar lang durende integenwordicheit
des werdigen heren Johannes Abbet to Rottum unde provest to Usqwart in stadt unses leven broders
Wygbolts heren Wolter van Overhagen kommelduer to Bunne mester Albert Frese persona to Bafflo
mester Willem kerckhere to sunte Mertyen bynnen Gronyngen unde Herman Leuwe borgermestere inder tijt
unde willen wy teynden dessen sess Jaren vorscreven langher gescheyden unde itlich by synre cedulen
bliven dat sullen wy bynnen dessen vorscr. Jaren guedes tydes mit malcanderen eens unde tho
vreden werden Vort so geloven wy Hydde van Ewesum Abeke Reloff unde Wygbolt vorscr. sampt
lich unde eyn itlich van ons bysunderen by unser kerstliker eren unde truwen als gunde mannen
datwy bynnen dessen vorscreven jaren unse erve unde guedere in Freslant vorscreven nicht en willen vor
kopen vorsetten offt ienigerleye wys beswaren dan malkanderen vryg unde verdich weder over
to leveren oick offt iemant van uns Hydde Abeke Reloff oft Wygbolt vorscr. hyr en boven desse
vorscreven erven ende guedere verkoffte vorsette offt beswerden de sall dan den anderen itlich tor stondt
uplegghen unde betalen twee hondert overlantssche koerfurster golden Ryns gulden de over
twyntich jaren vor data desses breven gemuntet unde geslagen syn unde hyr entegens en willen
wy uns nicht weren mit ghenen rechte geestlick ofte wertlick de also gebrecklick worde unde
de koep off besweringe en sall van gheenre werden wesen und off wy mit Tammynghen unsen
leven neven unse erven unde guedere wy tsamende hebben euwelick unde erfflich scheydende
worden bynnen dessen vorscreven jaren offt land meten laten dat dar dan iemant van uns by
vorbetert off vorkorttet worden dat sullen wy gelyck geneten unde entgelden off ock enich van
unsen meyers van iemant belastiget worde dat van unser wegende to queme dat willen
samptlich mit malcanderen uthdragen unde den schaden gelden alle desse punten unde articulen
geloven wy Hydde Abeke Reloff unde Wygbolt vorscreven malcanderen vast stede unde unverbrecklick
to holdende als guede mannen van eren Alle dinck sonder arch offt lyst desses ter konde hebben
wy Hydde van Ewesum Reloff unde Wylbolt vorscr. itlich unse hantschryft vor unse zegell
up spatium sbreves hyr beneden gescreven Gegeven int jar unses heren dusent verhondert twee
undetnegentich des donredages na sunte Pauwels dach Conversionis Item ock geloven wy Hydde
Abeke Reloff unde Wygbolt by unser eren als guede mannen van eren off enich van uns wes vornemen
konden dat ingescheyden were dat wy malcanderen dat sullen vormelden unde den anderen dat anbrengen
sonder arch.
Ick Hidde van Ewsum myn hant voer myn seghell
Ick Relogf van Ewssum myn hant vor myn seghel
Ick Wygbolt van Ewessum myn hant vor myn seghel.
dessen iegenwordigen unsen breve voralsweme dat wy wytlichen guetlichen unde wall mit malcanderen
gescheyden hebben unde vaderlike nagelaten erve unde guedere in Freslandt belegen na uthwysinge
sekeren cedulen de wy mit lotyngen ontfangen hebben sess jar lang durende integenwordicheit
des werdigen heren Johannes Abbet to Rottum unde provest to Usqwart in stadt unses leven broders
Wygbolts heren Wolter van Overhagen kommelduer to Bunne mester Albert Frese persona to Bafflo
mester Willem kerckhere to sunte Mertyen bynnen Gronyngen unde Herman Leuwe borgermestere inder tijt
unde willen wy teynden dessen sess Jaren vorscreven langher gescheyden unde itlich by synre cedulen
bliven dat sullen wy bynnen dessen vorscr. Jaren guedes tydes mit malcanderen eens unde tho
vreden werden Vort so geloven wy Hydde van Ewesum Abeke Reloff unde Wygbolt vorscr. sampt
lich unde eyn itlich van ons bysunderen by unser kerstliker eren unde truwen als gunde mannen
datwy bynnen dessen vorscreven jaren unse erve unde guedere in Freslant vorscreven nicht en willen vor
kopen vorsetten offt ienigerleye wys beswaren dan malkanderen vryg unde verdich weder over
to leveren oick offt iemant van uns Hydde Abeke Reloff oft Wygbolt vorscr. hyr en boven desse
vorscreven erven ende guedere verkoffte vorsette offt beswerden de sall dan den anderen itlich tor stondt
uplegghen unde betalen twee hondert overlantssche koerfurster golden Ryns gulden de over
twyntich jaren vor data desses breven gemuntet unde geslagen syn unde hyr entegens en willen
wy uns nicht weren mit ghenen rechte geestlick ofte wertlick de also gebrecklick worde unde
de koep off besweringe en sall van gheenre werden wesen und off wy mit Tammynghen unsen
leven neven unse erven unde guedere wy tsamende hebben euwelick unde erfflich scheydende
worden bynnen dessen vorscreven jaren offt land meten laten dat dar dan iemant van uns by
vorbetert off vorkorttet worden dat sullen wy gelyck geneten unde entgelden off ock enich van
unsen meyers van iemant belastiget worde dat van unser wegende to queme dat willen
samptlich mit malcanderen uthdragen unde den schaden gelden alle desse punten unde articulen
geloven wy Hydde Abeke Reloff unde Wygbolt vorscreven malcanderen vast stede unde unverbrecklick
to holdende als guede mannen van eren Alle dinck sonder arch offt lyst desses ter konde hebben
wy Hydde van Ewesum Reloff unde Wylbolt vorscr. itlich unse hantschryft vor unse zegell
up spatium sbreves hyr beneden gescreven Gegeven int jar unses heren dusent verhondert twee
undetnegentich des donredages na sunte Pauwels dach Conversionis Item ock geloven wy Hydde
Abeke Reloff unde Wygbolt by unser eren als guede mannen van eren off enich van uns wes vornemen
konden dat ingescheyden were dat wy malcanderen dat sullen vormelden unde den anderen dat anbrengen
sonder arch.
Ick Hidde van Ewsum myn hant voer myn seghell
Ick Relogf van Ewssum myn hant vor myn seghel
Ick Wygbolt van Ewessum myn hant vor myn seghel.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0534 |
| Regestnr. | 081 |
| Jaar | 1492 |
| Datumcode | JpConPau |