| Nummer:fae050 | Datum: | Overlevering:Afschrift | Vindplaats:F.A. Van Ewsum, inv.nr. 0491, reg. 050 |
Wy Borgemestere ende Raed in Groningen betugen mit desse openen breve dat voer
ons is gecomen Lubbe Curre end Johan Curre oer sone samentlike bekennende voer em end
oren erffgenamen dat sie hebben verkoft opgedragen end overgegeven Johan Hardenbrinck end
syn erffgenamen ses arens gulden renthe vyff onser stad jagers voer datum des breves gemuntet
jaerlix to boren alst een stad recht is uut oeren huesen ende uutter hoeffsteden achter end voer
mit allen sinen tobehoren gelegen an de wester zyde in Botteringe strate daer Wigbolt Lewen
huus aldernaest by licht an de zueder zyde ende Johan ten Nienkloesters huus an de noerder zyt vry und quyt Voer een summe geldes de Lubbe end Johan oer soen voerscr.
samentlycke bekanden dat em vull end all betaelt is Hyr is togesproecken dat Lubbe
end Johan voerscr. ofte oer erffgenamen desse voerscr. ses gulden renthe mogen aff vry end
quyt kopen tot allen tyden wanneer em des genoeget mit hundert aernessche gulden
voerscr. payments sonder argelist Dat orkonde wy mit onsen stad segel Ghegeven inden
Jaer ons heren dusent vierhundert negen end vyftich des saterdages voer Reminiscere
inder vasten do Henrick Kater, Derck Schaffer, Johan Rengers vanden Poste end
Johan Thedema Borgemesteren waren onser Stat.
ons is gecomen Lubbe Curre end Johan Curre oer sone samentlike bekennende voer em end
oren erffgenamen dat sie hebben verkoft opgedragen end overgegeven Johan Hardenbrinck end
syn erffgenamen ses arens gulden renthe vyff onser stad jagers voer datum des breves gemuntet
jaerlix to boren alst een stad recht is uut oeren huesen ende uutter hoeffsteden achter end voer
mit allen sinen tobehoren gelegen an de wester zyde in Botteringe strate daer Wigbolt Lewen
huus aldernaest by licht an de zueder zyde ende Johan ten Nienkloesters huus an de noerder zyt vry und quyt Voer een summe geldes de Lubbe end Johan oer soen voerscr.
samentlycke bekanden dat em vull end all betaelt is Hyr is togesproecken dat Lubbe
end Johan voerscr. ofte oer erffgenamen desse voerscr. ses gulden renthe mogen aff vry end
quyt kopen tot allen tyden wanneer em des genoeget mit hundert aernessche gulden
voerscr. payments sonder argelist Dat orkonde wy mit onsen stad segel Ghegeven inden
Jaer ons heren dusent vierhundert negen end vyftich des saterdages voer Reminiscere
inder vasten do Henrick Kater, Derck Schaffer, Johan Rengers vanden Poste end
Johan Thedema Borgemesteren waren onser Stat.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0491 |
| Regestnr. | 050 |
| Jaar | 1459 |
| Datumcode | SaRemini |