| Nummer:ugk019 | Datum:21. Dez. 1430 | Überlieferung:Original | Fundstelle:Grimersumer Kiste, inv.nr. 019 |
Häuptling Imelo von Osterhusen und Grimersum kauft vier Grase Landes von der Eingke Aptisna zu Visquard, was von den beiden Pfarrern daselbst und dem zu Hinte beurkundet wird.
Salutacionem.[*] Wy her Gherold ende her Jarch kercheren to Vyskwert[*] ende her Focko kercher to Hynt doen wytlick ende kundich allen guden luden, daer dussen breff zyen offt horen lezen, dat vor uns hefft ghewezen Eyngke Aptisna, zalyghe Wyardis wyff to Vyskwert, ende heft vor uns ghewezen ende heft bekent, dat ze heft vorkofft upp Herstum veer grase landis, den veerth Astista[*] werff, myth vryen willen ende myth vulboert oer vrunden Imelen hofftlynge to Osterhusen ende Grimissum etc, vor twyntich Arnske gulden.[*] Dyt vorbenomet gelt ys Eyngka vorscr. vul ende wol betalet. In en orkunt dusser warheyth ende merer bethunysse dusses breves soe hebben wy vorscr. unse insegel beneden an dat spacium ghehanghen. Int jaer unses Heren duzent veerhundert ende XXX, ipso die Thome apostoli etc.
