Burgemeesters, raad en hoofdmannen van Gronnygen verklaren dat zij met de hoofdelingen en rechters van de gemene landswarf uitspraak doen in het geschil tussen de abt te Feldwert en de eigenerfde buren van Godlynse enerzijds en Lyppo Bonnema anderzijds, over Godlynser uiterdijk, die toegewezen wordt aan genoemde abt en zijn aanhangers.

Wy borgermesteren raed ende hoffmans in Gronnygen betugen myt desen
openen breve dat wy mytten hofflingen ende mytten rechteren daer omme-
lande in den menen landes warve up unsen raethuse geholden
Inder scelynge tusschen den Abt toe Ffeldwert ende Godlynsen egen-
arvede buren an de ene sijt ende Lyppo Bonnema an de ander syt
als omme Godlynser uterdijck daer se schelachtijch omme weren
hebben geseget dat de tuge de se hebben sollen voer an sweren ende
dan sal de Abt sweren selff tualfte myt synen anhangers de ghe-
arvet synt op den vorscr. uuterdijck Welke vorscr. ede ende rechte
vorscr. tuge ende de vorscr. abt myt synen anhangers de gearvet synt
op dessen vorscr. uterdijck wullencomelick overghebracht hebben
alsoe wysen wy toe den vorscr. abte ende synen anhangers de geervet
synt up den vorscr. uuterdijck dessen vorscr. uterdijck eweliken ende
eerffliken myt allen rechte ende egendoeme toe bruken ende toe besitten
nae uutwysynghe orer older breve sunder argelijst dat orkunde
wy myt onsen stad zegele Ghegeven inden Jaer ons heren dusent
veerhundert ende vyftich up sunte Johannes avent baptiste nativitatis doe
Henrick Baroldes, Otto Klant, Henrick Kater ende Evert Wigboldes
borgermesteren weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	2
Fol. Nr.	fol. 28r
Regestnr.	278
Olim	Losse kloosterstukken, inv.nr. 1, reg. 11.
Jahr	1450
Datumcode	vNatJoh

x

x

Material	perkament