Paus Bonifacius verklaart te hebben bevestigd de abt en het convent te Thesinge in het hun door de bisschop van Munster overgedragen bezit van de kerk te Bedum mits aan de vicarius perpetuus in die kerk een passend inkomen voor zijn onderhoud wordt toebedeeld.

Bonifacius episcopus, servus servorum Dei, dilectis filiis abbati et conventui monasterii de Thezengecloster Monasteriensis dyocesis salutem et apostolicam
benedictionem. Justis petentium desideriis dignum est nos facilem prebere consensum et pia vota, que a rationis tramite non discordant,
effectu prosequente complere. Ea propter, dilecti in Domino filii, vestris justis precibus inclinati ecclesiam in Bedum cum pertinentiis suis in usus
proprios retinendam a venerabili fratre nostro Monasteriensi episcopo dyocesano capituli ejus accedente consensu pia vobis, ut asseritis et deliberatione collatam, sicut
eam juste et pacifice possidetis, vobis et per vos monasterio vestro auctoritate apostolica confirmamus et presentis scripti patrocinio communimus, proviso quod perpetu
o vicario, qui pro tempore fuerit in ecclesia supradicta, ad sustentationem suam et subeunda onera ejusdem ecclesie congrua portio tribuatur. Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hec attemptare presumpserit,
indignationem Dei Patris omnipotentis et beatorum Petri et Pauli apostolorum ejus se noverit incursurum. Datum Laterani XIII Kalendas Novembris, pontificatus nostri anno sexto.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	7
Regestnr.	16
Olim	Losse kloosterstukken, inv.nr. 5, reg. 1. Reg. Feith 1300.4.
Jahr	1299
Datumcode	13KalNov

x

x

Kommentar	Met het zegel van paus Bonifacius VIII

x

Material	perkament

x

Editionen	Oorkondenboek Groningen en Drente, nr. 208 (ogd0208).