Wybet und Bawe (in Kirchborgum) tauschen mit der Kommende Jemgum Grundbesitz.

Wybet unde Bawe to Umyngheborch, [*] echte ghezynnen, bekennen vor allen guden luden, dat wy myt walberadenen mode unde consente al der ghenen, de dat darto gheven scolden, hebben vorwesselt unwederropelyke to ewyghen tijden ytlick lant, als de halven hoghenvenne, eyn twede gras in der lutken hammerick, dat derde part in der nygen Ynnynghe yeghen Syweken unde Abben broder, unde yn deme werve tor Soltborch.[*] unde uppe der Holtgast[*] van allen erven Bawen ankomene van eren olderen dat vifte part, deme erwerdighen heren Hayen Hwyttynghen, cummelduren to Yemghum, to des closters beste; darjeghen hebben wy wedder untfanghen van deme dosiere Jemghum vorscr. inne Abbinghevenne 3 1/2 voet, yn der Mandevenne 2 voten, in der langhen venne 2 1/2 voet, yn deme buskampe 1 voet unde by der Papenvenne 1 gras to Umyngheborch gheleghen, vortmer dat lant hijrto horende, nu tor tijt buten dyke unde under deme water scetlyke gheleghen, butenbescheden; dusse wysselinghe stede unde vaste sunder alle arghelyste, nyge funde, hulperede unde bedrechnisse ewychliken to holden hebben wy ghebeden den erbaren kercheren unser kercken ton Borghen, [*] her Egghen, umme unsen wyllen dussen breff (to) beseghelen; unde ick her Eggo vorscr. hebbe wytlyke umme erer bede wyllen myn ingheseghel ghehanghen under dussen breff. Anno Domini M^o CCCC^o LXXXIIII^o, in conversione sancti Pauli, in yeghenwordicheyt tughen gheeschet: her Wyart, curatus in Bokamore, [*] Hermanni, Reynardi de Scarteborch, [*] Edonis in Bynghum, Ennonis in Soltborch, Wyardi Wyttynghe, Zayonis de Veenhusen, Syark Mennena etc.[*]

x

x

Archiv	NStA
Bestand	Rep. 1 (Große Urkundensammlung)
Zugangsnummer	R001
Inventarnr.	0807
Jahr	1484
Datumcode	vAnnMar

x

x

x

Kommentar	Anhängendes Siegel verloren.

x

Editionen	Editie naar dit exemplaar: oub1127.