| Nummer:fae022 | Datum:10 aug. 1399 | Überlieferung:Origineel | Fundstelle:F.A. Van Ewsum, inv.nr. 0465, reg. 022 |
Wy borghermestere ende raet van Groninghen bekennen ende betughen met dezen openen breve dat
vor ons ziin ghekomen Zyart Jonghe Johan Drenthes wiif ende Eppe hore zone onze bure ende becanden dat Ebeke
van Huesdinghe den god henedich zie wandaghes den vorscr. Zyarde man ende des vorscr. Eppen vader ende zie niet
samenderhand hadden vercoft ende vercoften rechtelike ende redeliken In den jaer ons heren do men screef dusent
drehondert twe ende neghentich up sente Peter ende Paulus dach Frouweken Ferawema to Huesdinghen vyer
graze landes met horen to behoren to behoren (sic) de gheleghen ziin to Oesterwydewart in der Groter Venne ende drarde
half gras landes met horen to behoren de gheleghen ziin in den vorscr. kerspele in der Wyrth in der westerzide van
der Wedemehues Ende vyerdehalf hondert landes met den heme ende met horen to behoren de gheleghen ziin in den kerspel
van Middelstem in der venne de gheheten is Pypan vor ene summe gheldes de Zyard ende vorscr. becanden dat Ffroeweka
vorscr. Ebeken vorscr. ende hem vol ende al betaelt hevet Ende dat Ebeke ende zie Ffrouweken vorscr. ende horen erfnamen dat
vorscr. erve hebben up ghedraghen vry ende quiit met allen rechte ende eghendome eweliken to bruken ende to besitten to setten
to verkopen ende horen vrien wille mede to done Ende des so quam vor ons Johan Drent vorscr. met Ziarde sinen wive
ende met Eppen horen zone vorscr. ende becanden dat zie den vorscr. koep alstede ende vaste holden vor hem ende vor hore erfgenamen
In allen ghevoghe als verscr. is tot ewighen daghen Sunder al arghelist Dat orkunde wy met onser stad seghel
Ghegheven int iaer ons heren duzent drehondert neghen ende neghentich up sente Laurentius dach do Evert
Sickinc, Johan Rengers, Radinc Hornekinc ende Ludeken Klinghe borghermestere waren onser stad.
vor ons ziin ghekomen Zyart Jonghe Johan Drenthes wiif ende Eppe hore zone onze bure ende becanden dat Ebeke
van Huesdinghe den god henedich zie wandaghes den vorscr. Zyarde man ende des vorscr. Eppen vader ende zie niet
samenderhand hadden vercoft ende vercoften rechtelike ende redeliken In den jaer ons heren do men screef dusent
drehondert twe ende neghentich up sente Peter ende Paulus dach Frouweken Ferawema to Huesdinghen vyer
graze landes met horen to behoren to behoren (sic) de gheleghen ziin to Oesterwydewart in der Groter Venne ende drarde
half gras landes met horen to behoren de gheleghen ziin in den vorscr. kerspele in der Wyrth in der westerzide van
der Wedemehues Ende vyerdehalf hondert landes met den heme ende met horen to behoren de gheleghen ziin in den kerspel
van Middelstem in der venne de gheheten is Pypan vor ene summe gheldes de Zyard ende vorscr. becanden dat Ffroeweka
vorscr. Ebeken vorscr. ende hem vol ende al betaelt hevet Ende dat Ebeke ende zie Ffrouweken vorscr. ende horen erfnamen dat
vorscr. erve hebben up ghedraghen vry ende quiit met allen rechte ende eghendome eweliken to bruken ende to besitten to setten
to verkopen ende horen vrien wille mede to done Ende des so quam vor ons Johan Drent vorscr. met Ziarde sinen wive
ende met Eppen horen zone vorscr. ende becanden dat zie den vorscr. koep alstede ende vaste holden vor hem ende vor hore erfgenamen
In allen ghevoghe als verscr. is tot ewighen daghen Sunder al arghelist Dat orkunde wy met onser stad seghel
Ghegheven int iaer ons heren duzent drehondert neghen ende neghentich up sente Laurentius dach do Evert
Sickinc, Johan Rengers, Radinc Hornekinc ende Ludeken Klinghe borghermestere waren onser stad.
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0465 |
| Regestnr. | 022 |
| Jahr | 1399 |
| Datumcode | Lauren |